ماهو سبب دخول الزيت على الرديتير - سويفت

**mnp** · 03-02-2009 06:08 PM

ماهو سبب دخول الزيت على الرديتير وما الذى ممكن ان يسببه للعربيه

**mnp** · 03-02-2009 06:13 PM

اخوانى اريد خبرتكم لانى انتصب على كتير من المكيانكيه والكهربيه انا معاى عربيه سوزكى سويفت موديل94 لسه جايبها من شهرين بتحك جامد من تحت خلونى غيرت العجل وجنط العربيه وركبت مساعدين امامى ولسه بتحك من تحت نفس اعرف سبب الحكه وبتحك فى ايه الظبط وهل يوثر على العفشه من تحت
استفسار اخر
اليوم لقيت ميه الرديتير معرقه بزيت ممكن اعرف دة من ايه وخطورته لو مشيت بالعربيه

**MAGEDSAMIR** · 10-02-2009 05:49 PM

سبب الزيت اللى فى الريداتير هو ان العربية جابت جوان وش سلندر مما يستدعى سرعة الاصلاح حفاظا على الموتور

**hani_elashry** · 11-02-2009 12:13 AM

الحكه عندى بس انا عارف من ايه عندي الاكصدام الامامى مفكوك شويه مخلى الكارتيرتين الاماميتين بيحكو فى العجل

**Honda_lover** · 11-02-2009 12:32 AM

بص يا باشا دخول الزيت علي مياه التبريد ده دليل علي تلف جوان وش السلندر مما يستدعي تغييرو في اسرع وقت حتي لاتزيد الحرارة اكثر من اللازم مما يؤدي لحدوث حريق للسيارة وغير ذلك من تلف لا قدر الله وسبب الحكة في الغالب بنسبة 90% الشكمان اللي بيحك روح لواحد يعليه من تحت شوية وده مش هيأثر علي العفشة في حاجة بس يضر الشكمان.

**tmedhat** · 11-02-2009 01:08 AM

متنساش لما تفك وش السلندر عشان تغير الجوان تبص على طباط المية الى تحت كامة وش السلندر المية بتاكلهم من تحت

اتبقى غيرهم بالمرة لانهم احيانا بيعملو العيب دة

**wsamy** · 11-02-2009 11:53 AM

خلي بالك ممكن صوت الحكة ده يكون من بلي العجل, او الاكصدام.

**mnp** · 11-02-2009 02:38 PM

بجد انا فى غايه السعادة انى تشرفت بالرد على من عباقرة مثلكم بشكركم بمعنى كلمه الشكر فعلا طلع وش جوان وغيرته
اما بالنسبه للحكه فعلا الميكانيكى قالى انه من الشكمان لانه مش بايت فى مكانه فانا خايف اروح لبتاع شكمانات يتعوج والدخنه مطلعشه كامله وتسخن العربيه فافيدونى استاذتى الكرام

**khater87** · 11-02-2009 10:56 PM

لا روح لواحد نظيف بس وهو هيقرص علي الشكمان شويه علشان يحطه في مكانه ده لو عاوز يبيته في مكانه .. وممكن يكون محتاج جلده بس مش اكتر نتيجه تلف الجلده القديمه الي كانت شايلاه