مش عاوز اطول ركنت العربية دايو نوبيرا وكانت مبطلة زى الفل وعندما قمت بتدورها علشان امشى مش عاوز تدور مع ان البطارية مية مية والبنزين فل العربية تلف ومش عاوزة تدور الرجاء النجدة
يرجى من العضو مراعاه صحة كتابة لفظ الجلالة
مشرف القسم
عرض للطباعة
مش عاوز اطول ركنت العربية دايو نوبيرا وكانت مبطلة زى الفل وعندما قمت بتدورها علشان امشى مش عاوز تدور مع ان البطارية مية مية والبنزين فل العربية تلف ومش عاوزة تدور الرجاء النجدة
يرجى من العضو مراعاه صحة كتابة لفظ الجلالة
مشرف القسم
انت فى الشارع دلوقتى
ابعت رقمك وانا هاحاول اكلمك
لازم توضح ايه المشكلة بالظبط / العربية مش بتعمل اى صوت خالص / صوت المارش شاغل لكن العربية مش بتدور / طرمبة البنزين فاصلة / صوت المارش فيه تعتيل
بلاش الكلام العام وضح الدنيا شوية
شوف كهربائى فى الأول يراجع على فيوزات دائرة الاشعال...وبرضه على وصلات المارش...وفيوز وريليه طلمبة البنزين....................ومعلش حأسأل سؤال كده على السريع....وأنت بتفتح كونتاكت بتسمع صوت تحضير طلمبة البنزين ولا لا
العربية بسمع صوت طلمبة البنزين ومش عاوزة تنطق 0124311727
تليفونك مشغوووووول
يا باشا بكلمك وانت حضرتك مش بترد
(كلامى من خبرتى فى اللانوس)راجع على الجاك اللى داخل للموبينة - راجع على الفيوزيات اللى جنب الباب شوف فيه اى حاجة سايحة -راجع على الفيوزات اللى عند الموتور - الحاجة اللى كل الناس مش بتفكر فيها / عربيتك فيها بنزين ولا لأ
صحيح افتح الكبوت واتأكد ان مفيش ريحة بنزين جوه الكبوت او تحت العربية
حاجة برضو لو بتفتح كونتاكت والتابلوة بينور - وبتسمع صوت الطرمبة - واول لما تدور كل حاجة بتنطفى يبقى الاوشاط بتاع كابل البطارية مش راكب كويس وعامل حاجة اسمها poor connection
يا جماعة المشكلة عند الدكتور كالتالى
لما بيدور بيسمع صوت الطرمبة وصوت المارش عالى جدا(بمعنى انه شغال) لكن العربية مش بتدور
العربية مانيوال وهو حاول يقومها زق لكن الموضوع فشل
يعنى العربية مش بتلقط خاااااااااااااااااااااااا الص
انا قلت له على جاك الموبينة
هل فيه احتمال ان يكون سير الكاتينة حصله حاجة او سير تانى
موضوع سير الكاتينه مستبعد من القصه دى
أنا كلمت الدكتور مره تانيه....وقلته يحاول حد يزق العربيه...وللأسف مادارتش....واتفقنا ...حيروح يجيب كهربائى....يشوفله البوجيهات واصلها كهرباء ولا لا....يعنى حيدور مارش ويطلع الكابلات كبل كبل ويشوف فيه شراره وصله ولا لا......لو النقطه دى تمام....حيراجع برضه على كل الفيوزات بدون تحديد وخلاص....لو الفيوزات طلعت سليمه ..حيشوف فيشه حساس الكرنك لتكون مهزوزه ومبتوديش اشاره لوحدة التحكم لبداية الحريق........وبرضه هيراجع على الضفيره بتاعه الحساس ده لا تكون ساحت وعمله قصر كهربى...الكلام ده مبدئيا وربنا يسهل مايكونش فيه حاجه كبيره عن كده
الله ينور عليك يا استاذ سمير انتا وابو مروان ربنا يجعله في ميزان حسناتكم
بس ليا سؤال ليه سير الكاتينة مستبعد يا استاذ سمير؟
سير الكاتينه مستبعد....لأن لو قريت كلامه فى البدايه.....حتلقيه بيقول أنه مبطل العربيه تمام التمام....ومفيش مشاكل.....واحتمال 1%...انه يكون انقطع والعربيه على وشك التوقف.......وغالبا سير الكاتينه بينقطع فجائيا وأنت ماشى بالعربيه...وتلاقى العربيه بطلت بدون سابق انذار
الله يصلح حالك ياأبو مروان وماتقولش أنك مبتدىء ....دا أنت أستاذ.....وصراحه أنا أعجبت بشهامتك وتفاعلك مع الموقف بالحماس ده...وده بيدل على أنك راجل طيب وشهم....وربنا يكرمك ويفرحك بمروان.....وبلاش موضوع الهجره اللى الزملاء قالولك عليه فى الاجتماعى ...علشان أنت من العناصر المحترمه فى منتدى الدايو......ورزق هنا رزق هناك
ربنا يخليك يا سمير باشا وكلمك ده فعلا وسام على صدرى - اما بخصوص انى مبتدئ فده فعلا حقيقة وفعلا انت اتعلمت حاجات بسيطه على ايد أخوانى فى المنتدى
ربنا يكرمك ويعزك على كلام حضرتك الجميل واعتقد اجمل حاجة فى الدنيا اننا نوقف جنب بعض فى المحن والراجل اول لما فكر/ فكر فى اعضاء المنتدى واكن لازم منسيبوش لوحده مهما حصل - انا طلبت من الدكتور رقمه لكن انت كلمته الاول يبقى مين اللى فعلا شهم واحنا كلنا بنتعلم منه؟
موضوع الهجرة قلبا وقالبا بسبب معاملات الناس فقط بالاضافة للعلم نسبيا وبرضو الموضوع اتلغى
سعيد بكلامى معاك يا بشمهندس سمير وربنا يديم المعروف بينا وبين كل اعضاء المنتدى
المشكلة اللى عندة مشط الاسبراتير احتمال كبير يكون مش شغال او الاحتمال الاكبر تكون الرشاشات عايزة تنظيف
لا مفيش حاجه اسمها حساس كاتينه.....ولكن التحكم فى توقيت الشراره للبستم الفلانى(على فكره الشراره فى الحقن الالكترونى بتروح لبستمين فى وقت واحد) بيكون من خلال حساس الكامه......أما حساس الكرنك وظيفته التعرف على ترتيب البساتم وعلشان يحدد ترتيب الحريق (فيه بينه وبين وحدة التحكم لغة تعارف)...وبيحددلها أى بستم اللى المفروض هى تشغل الرشاش بتاعه....الكلام ده بصيغه مختصره.....................................بالنسبه لمعرفة هل أنقطع سير الكاتينه أم لا.....فى العربيات اللى فيها اسبراتير ميكانيكى(بيكون راكب على نهاية الكامه)...بيتم حل وش الاسبراتير....وعمل سنه مارش ..لو لف الاسبراتير ...يبقى السير سليم والعكس صحيح......أما بالنسبه لعربيتنا الحاليه لو كان فى الأمكان عمل نفس الموضوع من مكان ملف الاشعال الالكترونى ..ولفيت مارش ..حتعرف اذا كان السير سليم أو لا.......وممكن برضة تدور وتفتح غطاء الزيت وتحاول تشوف الكامه بتلف ولا لا....وأنت عارف التشخيص بقه زى ماقولنا قبل كده.....أرجو أن تكون الامور واضحه دلوقتى
بقولك ايه ياأبومروان عندك فكر ملف الاشعال الالكترونى يعمل كام ...جديد وكذلك ثمن القديم...على فكره دى المشكله اللى حصلت للدكتور والعربيه دارت ....بس هو عاوز يعرف ثمن الكويل...وأكتبلى رقم موبيبلك لو سمحت...وبالنسبه لى رقمى 0128383281
انا مبسوط قوي من الروح الجميله اللي في المنتدي هنا و روح التعاون و الشهامه الكبيره بين الاعضاء...
رغم اني مش هاعرف اساعد في المشكله بس حبيت انقلوكو احساسي
شكرا ليكم يا جماعه و جزاكم الله كل خير
الحمد لله...
بسم الله ماشاء الله اتمنى اشوف الناس كلها كدة وخصوصا فى الشارع المصرى :S_thum1[1]:
ربنا يوفق
والله وعملوها الرجالة ربنا يكرمكم
wow... on line real time support
nice work guys
:S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]:
MMamdouh
really u rocks keep it up and i want to thank u all for this helpfull fellings
:S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]: