سؤال هام في دايو لانوس

**ZALABANY** · 04-02-2009 01:12 PM

ياجماعه أنا رحت إتفرجت على عربية لانوس امبارح بس ياجماعه لقيت في خرطوم طالع من الموتور عليه زيت انا حاطط صورته ومعلم عليه ياريت خبراء دايو يفيدمنا الخرطوم ده بتاع ايه والزيت اللي موجود عليه ممكن يكون سببه ايه وهل ده معناه ان الموتور فيه مشكله او محتاج عمرة ياريت تردوا عليا بسرعه وشكرا

**samirayad** · 04-02-2009 01:36 PM

المفروض ان ده بيكون خرطوم الفايظ بتاع تهوية الكرتير ورايح لمجمع الهواء ....وذلك لعمل تنفيس جبرى للمحرك......ولو حليت القفيز ولقيت الخرطوم جايب زيت بطريقه ملفته.....دا معناه فيه تفويت كبس كتير وبيأخز أبخرة زيت معاه لمنطقة الهواء وده طبعا مرفوض.....معلش أنا معايا نوبيرا....وفسرت للدايو على قد ماقدرت

**A.samy** · 04-02-2009 01:39 PM

العربية شكلها نضيف هى موديل كام

**samirayad** · 04-02-2009 01:40 PM

المشاركة الأصلية كتبت بواسطة astsaae

العربية شكلها نضيف هى موديل كام

ماهو ممكن يكون صاحبها مروقها بس مفوته

**shanodaa** · 04-02-2009 01:54 PM

عادي جدا وكل السيارات حتي الزيرو بتعرق زيت وسئلت في التوكيل قالو لي التعريق ده عادي اي خرطوم يمر فيه زيت لازم يعرق

**samirayad** · 04-02-2009 02:05 PM

المشاركة الأصلية كتبت بواسطة shanodaa

عادي جدا وكل السيارات حتي الزيرو بتعرق زيت وسئلت في التوكيل قالو لي التعريق ده عادي اي خرطوم يمر فيه زيت لازم يعرق

حسب كمية الزيت اللى خارجه من الخرطوم......لو بخار لايذكر ...دا اللى عادى.....انما لو كميه كبيره ...فده معناه ان فيه تفويت من الشنابر بكميه كبيره وبيأخذ زيت معاه....فى طريقه لمانيفولد(مجمع) الهواء.....وبالتالى الزيت حينقص على طول.....وأساسا حتلاقى العربيه سحبها مش كويس.....وعجوزه....ويمكن تكون محتاجه طقم شنبر فى القريب العاجل

**ZALABANY** · 04-02-2009 02:14 PM

تسلمولي يا شباب بس دي مش صورة العربية دي صورة من علىالنت انا جبتها عشان اوريكم مكان الخرطوم
طيب السؤال الخرطوم ده اتجاه الهوا فيه من الموتور ولا الى الموتور

**Samir Elshahawy** · 04-02-2009 02:21 PM

المشاركة الأصلية كتبت بواسطة shanodaa

عادي جدا وكل السيارات حتي الزيرو بتعرق زيت وسئلت في التوكيل قالو لي التعريق ده عادي اي خرطوم يمر فيه زيت لازم يعرق

ليس من الطبيعي لأي محرك تعريق زيت من خلال فتحة أو خرطوم التهوية , لأن الهدف من هذا الخرطوم هو تهوية الكارتير أو بمعني أدق تنفيس الكبس أو الضغط الناتج من حركة البساتم لأسفل فلا يحدث أرتفاع للضغط داخل الكارتير مع وجود أبخرة زيت قد تولد أنفجار

لذا فما يعبر من هذا الخرطوم هو بخار زيت و بنسبة ضئيلة جدا زيادتها تعني وجود مشكلة بالمحرك و تظهر في شكل نقص سريع لمستوي الزيت و أتساخ فلتر الهواء و مجري الهواء بالزيت

**samirayad** · 04-02-2009 02:41 PM

المشاركة الأصلية كتبت بواسطة zalabany2007

تسلمولي يا شباب بس دي مش صورة العربية دي صورة من علىالنت انا جبتها عشان اوريكم مكان الخرطوم
طيب السؤال الخرطوم ده اتجاه الهوا فيه من الموتور ولا الى الموتور

اتجاه السريان من الكارتير لمجمع الهواء....والهدف منها فقط هو تهوية علبه المرفق(الكارتير)....لعدم زيادة الضغط والحراره وبالتالى سخونة المحرك

**Samir Elshahawy** · 04-02-2009 02:51 PM

اتجاه السريان من الكارتير لمجمع الهواء....والهدف منها فقط هو تهوية علبه المرفق(الكارتير)....لعدم زيادة الضغط والحراره وبالتالى سخونة المحرك

هو المحرك أساسا بيكون سخن , لكن الهدف هو منع زيادة الضغط داخل الكارتير حتي لايتسبب في أزدياد درجة الحرارة أكثر فيساعد علي حدوث أشتعال ذاتي لبخار الزيت الموجود و بالتالي حدوث أنفجار بحيز الكارتير