OBD II connector ??

**tata12001** · 05-02-2009 05:26 PM

انا مش عايز حاجة محددة, انا كل اللي عاوزو اني اوصل الكمبيوتر (laptop) بكمبيوتر العربية بتكلفة بسيطة علشان ان سمعت اسعار الأجهزة اللي زي tech one wa tech two غالي اوي.
فأنا أولت اجيب السوفتوير علي الكمبيوتر و اجيب الوصلة اللي انا مش عارف منين.

**umoussa** · 05-02-2009 07:06 PM

إسمع يا سيدي الكلمتين دول

أولاً العبرة مش في السوفت وير زي الكل هنا مهو عمال يقول.

بالنسبة لموضوع الكبل، فالكبل مؤمن بواسطة مفتاح حماية هاردوير على الوصلة "Hardware Dongle" ودا بيتعرف على السوفت وير ويشغله وليس العكس.

يعني لو انت معاك السوفت وير وجبت أي وصلة مش حتعرف تتعامل مع العربية.

أولاً لازم تعرف انت حتكشف على انهي عربية وتجيب الكبل الخاص بيها، غالبية العربيات الجديدة فيها سوكيت OBD علشان كل كبل فيه مفتاح الحماية بتاعه.....

لمعلوماتك، في عربيات فولكس جروب مثلاً الشركة المصدق عليها من قبل مجموعة فولكس جروب لتصنيع السوفت وير ده هي شركة Ross Tech وموقع الويب بتاعها:

www.ross-tech.com

طبعاً حتلاقي سعره غالي لو عربيتك فولكس مقارنة بالكبلات الصيني المنتشرة بس لمعلوماتك برضو الكبلات الصيني مبيتعملهاش تحديث يعني بتقف عند الحد الي انت اشتريت الكبل عنده، بس الكبل الأصلي بتاع Ross Tech بيتحدث كل مبينزل حاجة جديدة.

معلومة برضو، كبل Ross Tech مبيكشفش غير على عربيات فولكس جروب، يعني فولكس وأودي وسيات وسكودا وبورش

إديني ممعلومات أوضح وانا انصحك

**tata12001** · 05-02-2009 08:40 PM

انا قصدى جهاز يأدر يكشف علي اي عربية فيها OBD II , انا مش عايز الأجهزة بتاعت الورش و التوكيلات علشان اسعرها غالية.
من الأخر انا عايز اوصل الكمبيوتر (laptop) بكمبيوتر العربية, بوصلات او جهاز سعره رخيص علشان دا استخدام شخصي

**M.Mokhtar** · 06-02-2009 01:43 AM

شوف يا باشا
الموضوع كله انك بتشترى كابل وبيجيى معاه اسطوانه بالبرنامج اللى بتنزله على اللاب توب مثلا
والدنيا تمشى معاك 100%

هبعتلك رقم التليفون لواحد شغال فى الحوار ده على الخاص
عشان مش يكون اعلان

**MaiKY** · 06-02-2009 01:57 AM

ياريت يا بشمهندس محمد تبعتلي رقمة عالخاص ايضا لأني بدور عالموضوع ده من زمان و شكرا

**M.Mokhtar** · 06-02-2009 01:59 AM

المشاركة الأصلية كتبت بواسطة MaiKY

ياريت يا بشمهندس محمد تبعتلي رقمة عالخاص ايضا لأني بدور عالموضوع ده من زمان و شكرا

تم الارسال

**MaiKY** · 06-02-2009 02:03 AM

شكرا جزيلا لسرعة الرد

**M.Mokhtar** · 06-02-2009 02:05 AM

المشاركة الأصلية كتبت بواسطة MaiKY

شكرا جزيلا لسرعة الرد

لا داعى للشكر

المهم اللى يوصل لحاجة يقولنا الدنيا اشتغلت معاه مظبوط ولا ايه اللى حصل

**Hisham1** · 06-02-2009 04:44 AM

المشاركة الأصلية كتبت بواسطة M.Mokhtar

شوف يا باشا
الموضوع كله انك بتشترى كابل وبيجيى معاه اسطوانه بالبرنامج اللى بتنزله على اللاب توب مثلا
والدنيا تمشى معاك 100%

هبعتلك رقم التليفون لواحد شغال فى الحوار ده على الخاص
عشان مش يكون اعلان

ياريت تبعتلي الرقم انا كمان يا باشا
وشكرا