الموضوع: كرولا 2009 بأسعار قديمة

المعرض ده فين فى مدينة نصر وهو ينفع ان معرض يبيع اقل من الوكيل خصوصا ان الكورولا الجنوب افريقي لا يتم استيرادها الا عن طريق الوكيل
وبعدين اقرا الاسعار اللى عند كونتكت حتلاقيها لسه بـ 134900 & 155000 وعلى فكرة كونتكت بيحط أسعار التوكيل
ملحوظة هو مين استاذ خالد اللى الناس بتشكر فيه

باشا انت لو كلمت تويوتا ايجيبت هيدوك رقم المبيعات والمبيعات هتديك الاسعار اللى انا بقولك عليها ودا عن تجربة شخصية

كونتكت مش دايماً عامل update يعنى الوكيل اما كان عامل اوفرالاسعار القديمة كنت لسة موجودة على كونتكت ولسة عاملين update ليها من اسبوعين

ينفع طبعاً المعارض تبيع اقل من الوكيل والا كنت كل الناس جابت من الوكيل

كان فية وكلاء كتير تتديك سعر اقل علشان انت بتحجز وتستلم كان 3-4 شهور بس دولوقتى العربيات مرمية عندك كل الوكلاء يعنى لو كلمت اى وكيل هيقلوك تعلى ادفع فلوسك وخد العربية دلوقتى

اللى فاهمتة من كذا حد ان المعارض بتخد من الوكيل اقل من السعر فى حدود 2- 4 الاف جنية حسب المعرض وكدة انا بكلم على تويوتا كرولا بالتحديد والمعرض بيحاول يبيع طبعاً اقل من التوكيل علشان ميزة الاستلام الفورى بقت مش ميزة للمعرض

وكمان التوكيل هو المستفيد لو المعارض باع حتى لو اقل منة لانة فى الاخر دية عربيات الوكيل وهو كسبان فى تحقيق رقم مبيعات السنوى + الصيانة الدورية للعربيات

لو المعرض هيدينى نفس سعر الوكيل والاثنان هستلم منهم فى نفس الوقت اكيد هجيب من الوكيل من غير كلام

اما موضوع استاذ خالد فانا قريت مواضيع كتير فى المنتدى ناس اشترت من المعرض كتير خصوصاً اصحاب الياريس وبيشكروا فية جداً وانا كلمته وهو ذوق اوى وبيديك خصم لو اقلتة انك من المنتدى

يا ريت لو حد يضيف للموضوع اذا كان عندة معلومات عن بيع المعارض او التوكيل

طيب المعرض فين فى مدينة نصر

المعرض خلف مستشفى حسبو واسمة كايرو تريد