الموضوع: الموت الاسود (black death)؟؟؟؟؟؟؟؟؟؟؟؟

الموت الاسود ( BLACK DEATH):

هو مش عنوان سخيف بالعكس ديه حقيقه راحت ضحيتها الاف المواتير و كان السبب صدق او لا تصدق , الشئ المسئول عن حمايتها (زيت الموتور).............

-البداية كانت فى بداية الثمانينات وجدوا ان ماده سوداء لزجة هى السبب فى توقف مواتير كتير و كانت اكتر مواتير اتأثرت هى مواتير ال FORD وا VAUXHALL (اللى هى الاوبل فى انجلترا و اوروبا) الطرق السريعه و زياده حرارة المواتير و ضعف تحملهم للحرارة و الاحتكاك كانت السبب الرئيسى لتوقفهم.

- اكتشفوا ان الزيوت وقتها مقدرتش تتحمل البهدلة و كانت تركيبتهم الكميائيه( اللى هى مصممه لتحمل الحرارة و الضغط) كانت بتتغير و تعمل حاجة عمله زى الزفت (اللزوجة (VISCOSITY) بتعتها اعلى كتير من الطبيعي و اللى الموتور يقدر يستخدمه)

-كانت النتيجه انسداد فى شرايين الموتور( اقصد القنوات اللى بيمشى فيها الزيت) نتيجة وجود المادة اللى شبيها بالزفت فيه وبالتالى فقدان عامل التبريد و تشحيم للموتور (لمنع التاكل نتيجة الاحتكاك)

و من هنا ابتدوا يدوروا على تركيبه مصنعه بيد الانسان( MAN-MADE) غير مشتقات البترول الطبيعيه (MINERAL-BASED) او المشتقه من ال (CRUDE OILS)

فى القرن ال21 ظهر نوع تانى من الموت الاسود بس لنفس السبب ( عدم قدرته لتحمل الحراره العاليه و الاحتكاك) ( لو لاحظت حاجه هتلاقى ان كل ما تطور المواتير بيزيد عن قدره الزيوت الموجوده على التحمل بيحصل black death )

الزيوت مبتقدرش تتحمل نتيجة الحراره العاليه و الحرق على المواتير , اللى بيحصل كالاتى :
الزيت فى درجات الحراره العالية يبتدى يتأكسد و تركيبته الكيميائيه تتكسر و الاضافات اللى عليه تطلع من المركب و تتكسر هى كمان و تقسو (solidify) تعمل حاجه زى الجلاتين الاسود بيسموها ال SLUDGE و ده بتبقى عمله زى الزبادى بس سوده .

المصيبه بقى ان حجم المواتير بقى بيقل و اداءه بيزيد ( درجات حراره اعلى و احتكاك اعلى ) و حجم خزان الزيت (كارتيرة الزيت) بتبقى صغيرة علشان حجم الموتور صغير و بالتالى بيشيل زيت قليل فلو ماستخدمتش زيت موتور مناسب بيحصل black death .

شكله بيبقى عامل كده









علاجه بقى ؟؟؟

ملوش علاج مجدى بمعنى ان حتى لو فضيت الزيت من الموتور فى اجزاء من ال sludge بتعلق فى حتت ممكن تسبب فيها ضرر اكتر .

فى بعض الابحاث اللى اتعملت وجدوا ان بعض الاضافات اللى بتتحط على الزيت بعد تصنيعه ( aftermarket additives ) بتكون روابط (bonds ) مع المركب الكيميائى بتاع الزيت و بيكون عرضه انه يتكسر بسهوله على السرعات العالية و يكون الزبادى.

بأذن الله بكره اكمل الموضوع اتمنى اكون قدرت افيد

بس ال flushing process هى الطريقه الوحيده اللى ممكن نشيل بيها الزفت.

طب دلوقتى نيجى لانواع الزيوت :
1.mineral oils و دى اللى بتتكون من مشتقات البترول (طبيعيه)
2.synthetic oils و دى بتتصنع فى المعامل بتاعت مصانع الزيوت و بتبقى متصنعه من انقى اجزاء فى ال mineral oils اللى هى polyalpholifins
و فى ال pure synthetic و دى بتبقى متصنعه بالكامل فى المعامل

3.semi synthetic oils ودى بتبقى خليط من mineral oils و اال synthetic oils و بيسموها perimum


طبعا الsynthetic oils احسن من ال mineral oils علشان كذا حاجة

1. عمره اطول يعنى عدد كيلومترات ازيد.

2. لا تحتوى على reactive carbons ( عكس الmineral اللى مليانه reactive carbon و ضرره انه بيتفاعل مع الاوكسجين و بيكون احماض داخل الزيت و بالتالى بيسبب تأكل الموتور ).

3. ال pour point بتاعته اقل من ال mineral ( و ال pour point هى اقل درجه حراره يكون عندها الزيت لسه سائل).


4. بيكون اخف من الزيت العادى و دهبيكون احسن علشان الموتور اكتر فتره بيتاكل فيها بتبقى خلال الاشعال (start up ) وده لان اجزاء الموتور مبيبقاش عليها زيت وبتالى كل ما كان الزيت اخف هيبقى اسرع فى الوصول الاجزاء لتزيتها و منعها من التأكل .

5. قدرته على تحمل درجات الحراره العالية بتبقى احسن .


6. كويس فى درجات الحراره المنخفضة (لان اللزوجه بتتناسب عكسيا مع الحرارة)و بيتحمل درجات الحرارة العاليه علشان تركيبته الكيميائية.

7. انطف من الزيت العادى لانه بيبقى مصنع فى المعمل ( لا يحتوى على sulphur

8. نسبة تبخر اقل.

9. مقاوم للاكسده و التكسير عند د رجات الحراره العاليه و بالتالى بيمنع ال oil sludge انه يتكون