اكسسوارات هوندا سيفيك

**madooomad** · 06-11-2014 08:56 AM

المشاركة الأصلية كتبت بواسطة marwan elsedfy

السلام عليكم ورحمة الله وبركاته
عندي مشكله ياجماعه في عربيتي سيفك 2009
الاقي حد بيفه فيها كويس

ممكن حضرتك تعمل موضوع بالمشكلة هتلاقي ناس كتير تقدر تفيدك ان شاء الله

**refaat78** · 07-11-2014 05:18 PM

ايه هي المشكلة

**marwan elsedfy** · 07-11-2014 11:22 PM

السلام عليكم ورحمة الله وبركاته
اشكر اهتمامكم جدا
المشكله ان في صوت في العربيه في الناحيه اليمين قدام لما بكون ماشي هادي والطريق في تكسير او طريق غير ممهد الصوت عباره عن صوت حاجه مفكوكه ومش بيبان في السرعات العاليه
علي الرغم اني من اسبوع مجدد العفشه بالكامل اورجينال ماعد المساعدين العفشجي قالي مش مرشحين زت وحالتهم حلوه
العربيه لسه شاريها من شهر سيفك 2009 وانا ساكن في اسيوط
عفشجي في اسيوط قالي ده مستر الفرامل عايز يتزنب روح للميكانيكي
رحت للميانيكي قالي لا ده صوت بطاحه قلتله متغيرين قالي المساعد فيه حاجه مفكوكه من جوه
رحت تاني للعفشجي قالي ممكن فعلا يكون مطب جامد عمل كده في المساعد في حاجه اتفكت من جوه عايز يتغير لكن مش مرشح زيت
كلمت محمود ميكانيكي هوندا الي في صقر قريش قالي لا دي علبة دريكسيون هاتلي العربيه ونفكها ونعملها جلبه في المخرطه وهتتكلف 1000جم
بصراحه انا محتار جدا
اشتري مساعد ولا اسافر القاهره وافك علبة الدريكسيون
افيدوني افادكم الله

**gogo510** · 08-11-2014 12:29 AM

انا لما اشتريت العربيه دي من 6 شهور كان فيها مشكله استهلاك بنزين ولفيت علي الصنايعيه ولاقيتهم بيفتوااااا .... اضمن حاجه روح بيها التوكيل يكشفلك عليها بس وصلح العيب اللي فيها بره بدل ماتقعد تجرب عند ده وده ... التوكيل هيجبلك من الاخر

**madooomad** · 09-11-2014 12:10 AM

باشا المشكلة دي كانت عندي ورحت التوكيل و كتبت تقرير عن زيارتي للتوكيل هتلاقيه في المواضيع انا غيرت ٢ مساعدين و جلب و طقم اصلاح علبة دريكسيون ... انا غيرت مساعدين عشان التوكيل قالي انهم محتاجين تغير بس هما مكانوش بيرشحوا زيت ولا حاجة هوه قالي انهم بس بقو خفاف عمتا .. مشكلتك يا باشا في جلبة الاصلاح بتاعة علبة الدركسيون و الجلب يمين و شمال ولو هتعمل الكلام ده يبقي عند محمد علي في الحرافيين يا اما التوكيل و القصة دي هاتدخل معاك في ٢٥٠٠ جنيه تقريبا في التوكيل

**marwan elsedfy** · 09-11-2014 12:14 AM

الف شكر علي الاهتمام
راي سعادتك محمد علي
ولا واحد تاني اسمه محمود في صقر قريش
ولو حضرتك مرشح محمد علي ممكن تليفونه

**madooomad** · 09-11-2014 08:27 AM

بص يا باشا انا بقولك محمد علي عشان اللي اعرفه انه راجل شغال في توكيل هوندا اصلا وكلام الناس عليه انه زي الفل... بس للاسف مش معايا رقمه بس هوة عندة مركز صيانة في الحرافيين وممكن تسال عليه اي حد هناك من بتوع قطع الغيار الف مين يدلك ...او عليك وعلي التوكيل بس ماتسلمش دقنك ليهم عشان بيبقوا عاوزين يغيروا اي حاجة وخلاص طالما هاتدفع...انا تقريبا غيرت المساعدين و هما لسة ممكن يشتغلوا شويه حلوين

**marwan elsedfy** · 10-11-2014 12:09 AM

الف شكر ياباشا
واشكرك علي اهتمامك
واشكر ادارة نايل موتورز
علي الاهتمام

**marwan elsedfy** · 14-12-2014 12:47 AM

السلام عليكم ورحمة الله وبركاته
معايا سيفك 2009 غيرت العفشه بالكامل ماعدا مساعدين
وبرضه بسمع صوت حاجه مفكوكه في الجنب اليمين وانا ماشي هادي في المطبات المدقدقه
كل ماسال اهل الخبره يقولولي علبة دريكسيون
وناس تاني تقولي اكشف علي المساعد اليمين
وناس تقولي مفيش عيب علبة دريكسيون في موديل 2009
سالت علي اصلاح العلبه في التوكيل طلع 1850جم وضمان 3 شهور او 10000كم
وناس بيقولولي بتبوظ تاني
وفي الحرفيين بيصلحوها 600جم وبرضه بيقولوا بتبوظ تاني
يا اهل الخبره ده عيب علبه فعلا
ولو عيب علبه تنصحوني اعملها فين
ولكم جزيل الشكر

**refaat78** · 16-12-2014 07:59 PM

هي الجلبه الفبر بتاعةه علبة الدركسيون.. بتتغير بجلبه من عند الخراط والمشكله تتحل.. دي موجوده في موديلات من 2007 لغاية 2011..
تكلفتها تقريبا الف جنيه.. بالفك والتركيب