تجربتي مع لانسر 1300 اوتوماتيك

**ramyfaris** · 23-08-2007 03:44 PM

كانت ليا الفرصه من ساعه زمن بالظبط انى اجرب قياده لانسر 1300 اوتوماتيك ولى هذه الملاحظات:
-لا اعلم لماذا كل هذا الضجر والكلام عن سحبها
-العربيه زى الفل والتسارع بتاعها حلو
-انا جربتها من غير كيك داون....وكمان بالكيك داون
-منعا للاتهام بالمبالغه...طبعا المانويل احسن,بس لازم نعرف ان مقارنه المانويل بالاوتوماتيك...مقارنه ظالمه جدا واعتقد انكم متفقين معايا فى ده

يمكن تتهموني اني مبعرفش اقيم او اسوق عربيات اصلا....وانا اعترف ان خبرتى بالعربيا لا تضاهي خبرتكم....بس احب اقولكم انى اخدت واحد صديق ليا خبير وخبير اوى...قالى ومن غير مجامله لانه صديقى..."سحبها كويس جدا على الموتور بتاعها....والله احسن من سحب عربيتي"

عارفين عربيته نوعها ايه؟........رينو ميجان 2005 اوتوماتيك......ولا تعليق
احب اعرف ارائكم بمنتهي الصراحه...عشان الكل يستفيد

**ibrahim** · 23-08-2007 04:02 PM

أنا اعرف ذلك جيدا و لكن طالما قيلت كلمة تلاقي الكل يرددها بدون ان يركبوا مرة واحدة هذه السيارة , و من هنا ادعو الجميع ان يرد اصحاب السيارة فقط عند اى سؤال اي كان نوع السيارة حتى لا نضلل بعضنا البعض , و اقول ذلك لأنى قرأت مداخلات عن سيارات امتلكتها بالفعل و لا تمت للحقيقة بصلة و شكراّ

**ramyfaris** · 23-08-2007 05:42 PM

الله ينور عليك يا استاذ ابراهيم.....انا معاك فى كل كلمه حضرتك قلتها

**mirage** · 28-08-2007 02:46 PM

يا جماعة أنا عندي لانسر 1300 اوتوماتيك خليجي العربية سحبها بيكون تقيل شوية حتي سرعة 60 كم/س فقط في حالة تشغيل التكييف لكن بعد ما تزيد السرعة عن 60 كأنك راكب 1600 وطبعا في حالة عدم تشغيل التكييف مفيش تقل خالص
الحاجة التانية لما بيكون فيه مطلع عالي مع التكييف السرعة ما بتعديش ال70 وماعتقدش المفروض حد يطلع مطلع مش شايف وراه ايه علي سرعة اكبر من 70 يعني أنا شايف انها عربية ممتازة ده غير اني لما بروح احط بنزين ليها بكون نسيت اخر مرة مونت كان امتي لان استهلاكها للبنزين ممتااااز

مع تمنياتي بالتوفيق للجميع

**محمدايهاب** · 29-08-2007 03:37 AM

مين قالك أن الميجان سحبها حلو الميجان عربية جميلة جداجدا و فيها إمكانيات عالية بس سحبها في الأول مش حلو أوي ( مع العلم إني سقت استيبسترونيك موديل 2005 ) اللانسر فعلا أحسن منها في السحب بس ده مش معناه إن سحبها حلو أنا صراحة عجبني جدا سحب الانسر 1600 بس ما سقتش 1300