انا صاحب شركة سيارات ممكن لو فى سؤال

**karimone** · 06-02-2009 11:19 PM

الراجل شكله طفش منكم...

**mada121977** · 06-02-2009 11:34 PM

بالراحه على الراجل شويه .. اللى عاوز منه معلومه او استفسار يقوله ويستنى الرد

**Scent7104** · 07-02-2009 03:41 AM

إلى الأستاذ ؟ صاحب المعرض أنا عندي استفسارات بسيطة:

1- بما إن حضرتك صاحب معرض : هل يا ترى هناك تقسيط مباشر مع المعرض بمعنى غير ربوي يعني و لو كان فيه ايه الشروط اللي حضرتك بتعملها؟ لأن فيه ناس كتير ممكن تشتري من حضرت هنا في المنتدى لو حضرتك بتتيح هذا الخيار.

2- هل حضرتك بتتعامل في المستعمل بمعنى هل حضرتك بتبيع عربيات مستعملة أو كسر زيرو؟

3- هل حضرتك بتتيح استبدال العربيات؟

4- ايه أحسن طريقة لبيع المستعمل من وجهة نظر حضرتك؟

5- ايه أخبار أسعار العربيات اليومين دول (فبراير و مارس) بالنسبة للياباني و الأوروبي (كل على حدة) و خصوصا بعد العروض اللي عملتها توكيلات كتيرة في الفترة ده ... و أعتقد ده لازم يكون ليها تأثير كبير عند المعارض؟

6- هل حضرتك بتتعامل في العربيات الخليجي ؟ و ايه نظام ضمانها و صيانتها؟

7- هل من الممكن أن تقوم بعمل عروض خاصة و مجزية لأعضاء المنتدى ؟ أو لمجموعة من الأعضاء؟ ( و أعتقد خسارة قريبة و لا مكسب بعيد ممكن مايجيش)

8- هو فين مكان المعرض و أرقام تليفوناته و اسمه؟

9- هل حضرتك لسه فاتح المعرض قريب و لا من كام سنة؟ لأن ده أكيد هيدينا فكرة عن تفاوتات السوق؟

و شكرا على الخدمة

**mo7a_mo7a** · 07-02-2009 03:54 AM

احنا منتظرين رجوع صاحب الموضوع

**samohaa1000** · 07-02-2009 05:24 PM

المشاركة الأصلية كتبت بواسطة Tyler_Durden

يبدو ان في ازمة كبيرة مادام (اصحاب شركات) سابو الشغل و تفرغو للنت..
سؤال اسم شركتك ايه

شكرا على تعلقيق ولاكن بس انا عايز اخدم بكا احترام

**samohaa1000** · 07-02-2009 05:29 PM

المشاركة الأصلية كتبت بواسطة zeyad1810

اسمحلى اختلف معاك ان الاسعار هتفضل تمسك نفسها لمدة سنة دة من رابع المستحيلات لان لو الاسعار فضلت كدة يبقى المصانع هتقفل والتجار هتفلس دة قانون السوق (عرض وطلب ) طب دلوقت معروض كتير ومفيش طلب يبقى ازاى الاسعار مش هتنزل غير بعد سنة
يا سيدى الفاضل احنا فى ازمة عالمية مأثرة على العالم كلة وعلى كل مصانع السيارات فى العالم يبقى اللى فى مصر هيفضلوا يقولوا كلة تمام واحنا مالناش دعوة بالازمة ؟ طب ازاى ؟

ما هو انا قلت لحضرتك انو فى ركود رهيب هو بس الى مخلى فى عرض كثير ومفيش طلب 0000لاكن الاسعار مش هتنزل الا بقرارات للشركات وتعويض للتجار وبعدين ينزلوا الاسعار

**samohaa1000** · 07-02-2009 05:31 PM

المشاركة الأصلية كتبت بواسطة asaadte

متوسط هامش ربح التاجر فى السوق كام
زيرو او مستعمل

بالنسبة للزيرو لو البيعة كاش 500/1000 ج
لو تقسيط 2000/4000 اما بالنسبة للمستعمل
كل عربية ليها ظروفهااا

**samohaa1000** · 07-02-2009 05:37 PM

[quote=asaadte;639428]ايه الورق اللى ممكن التاجر يلعب فيه عند بيع العربية مستعملة[/
بص اولا متأخدش سيارة يكون فيها اكتر من توكيل واحد وثانيا ممكن تكشف على رخصة السيارة فى المرور فى ادارة المباحث لو انت شاكك وتكشف على التوكيل فى حاجة اسمها المايكروفيلم فى الشهر العقارى
ثانيا فى حاجة خطيرة جدااا دلوقتى فى عربيات عليها حظر بيع من البنوك والتجار بيضربوا الرخص فى المرور ويبعوها
لازم تكشف عليها الاول فى المرور

**samohaa1000** · 07-02-2009 05:40 PM

المشاركة الأصلية كتبت بواسطة Tyler_Durden

:POINTI~2[2]:

انا اختلف معاك في التاريخ ده
هاتنزل في 12/2/2010 ..
حوالي الساعة خمسة المغرب..
و الدنيا هاتشتي يوميها

شكرا على الاسهزاء ولاكن انا عندى نص التواريخ وارقامها فى نزول الجمارك مبتكلمش من فراغ
وشكرا جدااا

-

الموضوع: انا صاحب شركة سيارات ممكن لو فى سؤال

LinkBack

أدوات الموضوع

عرض

-

المواضيع المتشابهه

حبس صاحب شركة لبيعه سيارة معيبة لأحد المستهلكين

صاحب معرض سيارات

شركة فولكس فاجن تستحوذ على شركة تويوتا لتصبح أكبر شركة صناعة سيارات على مستوى العالم

حوار بين صاحب معرض سيارات و مراتة!!!!!!!!!!!!

الكلمات الدلالية لهذا الموضوع

المفضلات

المفضلات

ضوابط المشاركة