يا فندم حضرتك تؤمرى اى استفسار تحت امرك
بس كنت محتاج اعرف الدهان النهائى اللى شطبتى بيه اسمه ايه علشان افيدك اكتر و مط و ﻻ سيلك و لا نصف ﻻمع علشان بيفرق
من فضل حضرتك الشقة في اخر دور و البويه بتقشر عاوز ادهنا انا في حجرة عملتها بلمعجون بس النتيجة معجبتنيش مجتش زي الاماكن الي مش متقشرة و هل لازم ادهنا وش ولا وشين من السانيتون قبل ما ادهن بي البلاستك و سؤال اخير انضف اديا بي ايه هل في حاجة غير الجاز عشان مش متوفر في كل مكان و لما بلبس جونتي اديا بتعرق
الموضوع عدى ال 26 الف مشاهده يعنى موضوع مفيد وله شعبيه ليه مش فى المثبتات
ده عدد مشاهداته تخطى عدد مشاهدات اى موضوع فى المثبتات عدا بيانات الاعضاء
نرجوا التثبيت للفائده
لا معرفتش اوصل لحضرتك انا بزاكر الخطوات مع حضرتك كل ما تيجي في بالي سؤال باسءله علشان لما اعمل الدهان اكون ملمه بكل حاجه ....انا لسه مشترتش بس براجع الخطوات ولو حابه ادهن الاستناسل اعمل ايه فايه راي حضرتك يكون مط ولا نصف لمعه ولا ايه يا باشمهندس واشكرلك سعة صدرك وطول بالك ....وبطالب بتثبيت الموضوع لاني بزاكره كله كزا مره ..موضوع مفيد جداااااا
معلش انا مش واضحه ليا اول نقطه يعنى حضرتك تقصد امك لقط معجون فى اﻻماكن المقشره و حاسس ان النتيجه مش عاجباك لو ده اللى انا فاهمه و صح يبقى تدى سكينه معجون تانيه لغايه ما تحس ان الحوائط قريبه من بعض و بعدين تدى وشين البﻻستيك على طول هتﻻقيها كلها بقيت ميه واحده
تانى حاجه موضوع السنيتون قبﻻ البﻻستيك انا مش فاهم ليه حضرتك عاوز تدهن سينيتون قبل البﻻستيك اللى انا فاهمه ان الحوائط عمدك مدهونه بﻻستيك يبقى ﻻزمه السينيتون اللى هو ﻻكيه
بالنسبه لنضافه اليد لو بﻻستيك يبقى الميه بس كافيه مش محتاج جاز و لو شغال ﻻكيه النفط بيتباع جرتكن تمد اى حد بتاع حدايد و بويات و كده كده ﻻزم هتشتريه علشان تخفف بيه اﻻكيه او شغال بيه
لو اى استفسار تانى او انا ما كنتش فتهم اى حاجه صح و ما وضحتهاش وضحهالى تانى و انا ارد على حضرتك ان شاء الله
شكرا لذوقك يا فندم
بالنسبه لو هتحطى ستنسل على الحائط يبقى يفضل تشتغلى فينوماستيك مط ﻻنه لو اشتغلتى سيلك اللى هو ربع لمعه او نصف ﻻمع اﻻطراف بتاعته ممكن تطلع و تبوظلك شكل الرسمه و بالتالى كل الناس اللى بتطبق ستينسل بننصحهم بالفينوماستيك مط ارضيه الحائط و بعد ما ينشف كويس تحطه اﻻستنسل و تدهنى برضه حاجه من اتنين
1 فينوماستيك مط بﻻستيك عادى و بيطلع نتيجه حلوه
2 فينوماستيك اينامل مط و ده اﻻكيه بتاع يوتن ميزه اﻻكيه انه بينشف بعد وقت فلما تيجى تشيلى اﻻستبنسل من الحيطه الرسمه بتطلع مظبوطه
اﻻتنين هيطلعو نتيجه كويسه غالبيه الناس بتعملها بالبﻻستيك علشان بهدله الاكيه
اى استفسار تانى تحت امرك
بص بقي يا باشمهندس انا خلاص تشبعت من كتر قرايتي للموضوع هههههه خلاص حتوكل علي الله وحخاد الخطوه الجريئه وابدا......بس حقول لحضرتك خطواتي من الالف الي الياء كتاكيد ........
1/ حمسح الحيطان والسقف بقماشه نظيفه
2/ حشيل بالسكينه اي بياض قابب او مكان مسمار
3/ حمعجن الاماكن دي بمعجون من يوتن كويس
4/حصنفر الاماكن دي كويس بس رقم الصنفره كام ( ده سؤال)
5/ حدهن وش بطانه بلاستيك ابيض جاهز من يوتن فينوماستيك
6/لو وضح اي عيوب في الحيطه القطها بالمعجون تاني
7/ ادهن وش او وشين النهائي فينوماستيك برضه
8/ اجيب الاستانسل بعد الدهان ما يخلص وادهنه فينوماستيك اللي حضرتك نصحتني بيه
بس خلاص .....كده الخطوات صح ولا في حاجه تلفت نظري ليها يا باشمهندس وجزاك الله كل خير
معلش مش فاهم الجرانيت ده ازى وبيتكلف كام يعنى لو تكلفه كبيره ولازمله صانيعى يبقى اعالج الحجات دى مؤقتا لحد منعمل الجرانيت ده.
وحاجه تانيه فى بقع طلعت ف الحيطه اللى منها للشارع والسقف زى متكون مزيته دى من اى
واخيرا زى منا فهمت هقشر الحتت البايظه وادهن الماده اللى حضرتك قلت عليها بس محتاج اعرف اجيب قد اى
وبعدها امعجن وبعدها ادهن وش بلاستيك صح كده
والف شكر ليك ولسعه صدرك
توكلى على الله و ان شاء الله خير
1. تمام
2. مكان المسمار ده هيتمعجن بس على قد فتحه المسمار
3. محجون يوتن الداخلى اسمه ستوكو و الكميه اللى هتجيبيها جالون لو على قد تلقيط مكان فتحات او دهان مقشر و بستله لو مناطق كتير و سحب بالكتمل مش تلقيطات
4.الصنفره 180 معقوله
5.البطانه طالما الحوائط عندك مدهونه قبل كده ممكن تستغنى عن البطانه و بعد التلقيط تدهنى اول وش فينوماستيك و لو ظهرت حاجات بسيطه تلقطيها و بعدين تدهنى المناطق اللى اتلقطت دى بالفرشه على قدها بس فىىالمناطق دى و بعدين تدى الوش النهائى
لو فى اى حاجه مش واضحه تحت امرك افسرها تانى