سبفبك ولا جيتا ولا فكترا ؟؟

**sherifz** · 06-02-2009 03:57 PM

انا ناوى اشترى عربيه جديده على رمضان اللى جاى ان شاء الله فى حدود 200 الف فا عايز اعرف انهى فى التلاته دول احسن و لىه و هل فى حاجه مستعمله بل سعر ده احسن مل تلاته دول زىرو ؟؟؟ و شكرا :]

**hanady** · 06-02-2009 10:29 PM

أنا مريت بنفس الموقف من أقل من سنة و زرت توكيل فولكس فى العبور و توكيل هوندا و توكيل الفيكترا (منصور شيفورليه)
الحقيقة فى معلومات أكيدة أنا سمعتها بأن موديل الفيكترا الحالى آخر موديل و سيتم أيقاف أنتاجه كما أن جنرال موتورز تحت تأثير هول صدمة الأزمة المالية ستبيع أوبل. حاول تتأكد من الكلام ده و لو صحيح يبقى التفكير فى الأوبل مش صح فى الظروف دى.
الهوندا 2008 مع أخى و أنا معى الجيتا 2008
و الحقيقة الأثنين روعة بجد بس كماليات الجيتا مش موجودة فى الهوندا بتاعة الوكيل (حساسات ركن خلفى و قياس الضغط فى الأطارات و تيبترونيك أى نقل التعشيق بين يدوى و أتوماتيك و عجلة القيادة الملتيىفانكشن اللى ترد على التليفون البلوتوث من زرار و تزود أو تنقص سرعات المانيوال بواسطة زرارين صغيرين فى عجلة القيادة لكى لا تتركها و غيرها من الكماليات المبهرة)، كما أن رغم أن الهوندا أحسن حاجة فى اليابانى فالألمانى حاجة تانية خالص و مستوى أعلى من اليابانى، لكل هذه الأسباب فضلت الجيتا.
حاجة أخيرة أنت فى موقف يطلق عليه بالأنجليزية win Win Situation أى رابح فى أى أختيار تختاره و ربنا يوفقك

**ahmed1611** · 07-02-2009 03:47 PM

انا في الحاله دي معايا نفس السعربس مستني علشان الاسعار تنزل يعني على اخر السنه بس انا ناوي على جيتا ان شاء الله عربيه بسم الله ما شاء الله برستيج قوه و الثبات والشاسيه والراحه يعني عربيه الماني اصلي واحسن من الهوندا طبعا بس الهوندا الميزه فيها انها عربيه تجميع وسحب كويس وبتكشش على السرعات العاليه جنب الجيتا اما الجيتا عربيه سفر يعني روحا طويله اما الفيكترا مفيش اختلاف كبير بينها وبين الجيتا غير ان الفكترا عيبها انها ديقه شويه بس انا سمعت والله اعلم ان الفكترا دي اخر سنه ليها في الانتاج و هينزلوا بدلها نوع تاني دا راي..

**midnightman_74** · 07-02-2009 06:46 PM

أخبار سعر الجيتا اية فى ايعادة البيع؟؟؟

**M.Mokhtar** · 07-02-2009 07:21 PM

انا من رأيى
1- جيتا : عربية شبابيه واكثر رياضية ومنتشره الى حد ما فى السوق المصرى - موتور مناسب لحجم ووزن العربية - المانى

2- فكترا: الاكثر فخامة - احسن توكيل من فولكس وهوندا - اوسع صالون - كماليات تحفة - فتيس ايزيترونك (قوة الفتيس المانيوال وسهولة الفتيس الاوتوماتك) - سعر خيالى بعد التخفيضات اللى عملها منصور - المانى 100%

3- سيفيك: عربية مالهاش حل, صالون شيك وواسع شكل جميل - كماليات محدوده (بس فى موديلات نزلت منها فيها كماليات زياده بس اعتقد سعر الموديل عالى وممكن تجيب المانى بنفس السعر ) - واطية ممكن تتعبك فى شوارع مصر الجميلة

المشاركة الأصلية كتبت بواسطة hanady

الحقيقة فى معلومات أكيدة أنا سمعتها بأن موديل الفيكترا الحالى آخر موديل و سيتم أيقاف أنتاجه كما أن جنرال موتورز تحت تأثير هول صدمة الأزمة المالية ستبيع أوبل. حاول تتأكد من الكلام ده و لو صحيح يبقى التفكير فى الأوبل مش صح فى الظروف دى.

فعلا تم وقف انتاج فكترا والقيام بتطوير موديل جديد اطلق عليه اسم انسيجينا
وكالعاده منصور هياخد خط الانتاج ويفضل ينزل العربيه تجميع محلى كام سنه لغايه ما الموديل الجديد سعره ينزل شويه وينفاس الاسعار السوق المصرى ويبدأ ينزلها

نفس الكلام ده حصل فى الفكترا الشكل قبل الحالى
الشكل الحالى نزل بره من سنة 2002
ومنصور نزله عندنا سنة 2007

بالنسبة لموضوع بيع اوبل انا مش شايف فيه مشكلة
ماهى جاجوار اتباعت لتاتا ايه اللى حصل؟

مع ان خلاص الموضوع اتحل بعد ما الحكومه الامريكية ساعدت فى حل مشكله الازمه الماليه فى صناعة السيارات

المشاركة الأصلية كتبت بواسطة ahmed1611

اما الفيكترا مفيش اختلاف كبير بينها وبين الجيتا غير ان الفكترا عيبها انها ديقه شويه بس انا سمعت والله اعلم ان الفكترا دي اخر سنه ليها في الانتاج و هينزلوا بدلها نوع تاني دا راي..

اعتقد انت تقصد العكس
الفكترا اوسع بكتيييييييير من الجيتا

**mohamed_hamdi** · 07-02-2009 08:30 PM

معقول ياراجل يبقى معايا تمن الألماني و ماركبوش؟.
مع احترامي للهوندا كأحسن عربية ياباني و لكن الألماني حاجة تانية خالص غير الياباني و عن تجربة.

**معتز** · 08-02-2009 10:18 PM

فيكترا هى المانى تجميع المانى............جيتا تجميع مكسيكى

**حماده المصري** · 09-02-2009 09:39 AM

من جهه افضل عربيه ياباني ف انا بقول سوبارو مش هوندا

خاصه في الثبات ومواتير التيربو

الجيتا طبعا محدش يختلف عليها والكلام مش هيبقى متناقد كتيير

الفيكترا بصراحه تفضل فيكترا الماني مصري هندي بس فيكترا

وعموما هي فئه اعلى من الجيتا ومن السيفيك

تبقى المقارنه بين جيتا وفيكترا في العفشه

تسال على نظام التعليق الامامي في الاتنين

متهيالي ان الفيكترا هيبقى نظام تعليقها افضل تقريبا هتبقى مقصين في كل جنب

وبرضو تسال على نظام التعليق الخلفي

وتقرر بعد كده