هل السى سى هو قوة المحرك؟وهل ال1600 سى سى بتسحب بنزين اكتر من 1500 سى سى؟و السى سى بيفرق فى اية على الطريق؟وهل كل ما يكتر الضريبة علية تكتر؟
عرض للطباعة
هل السى سى هو قوة المحرك؟وهل ال1600 سى سى بتسحب بنزين اكتر من 1500 سى سى؟و السى سى بيفرق فى اية على الطريق؟وهل كل ما يكتر الضريبة علية تكتر؟
بص يا باشا السى سى يبقى عامل كبيير جدا فى قوة الموتور يعنى الموتور ال 1600 سى سى غالبا بيكون اقولى من موتور 1300 سى سى و لكن دة مش شرط يعنى
و لكن مع التقدم دلوقتى ممكن تلاقى موتور زمان 3000 سى سى و عربية 1800 سى سى او 1600 سى سى بتطلع نفس القدرة
و بيبقى برضة غالبا السيارات الى السى سى بتاعها عالى استهلاكها اعلى من السيارات الى السى سى بتاعها واطى يعنى استهلاك عربية 3000 سى سى اكيد اكتر من استهلاك عربية 1600 سى سى و لكن ممكن تلاقى عربية 1500 سى سى استهلاكها اعلى من عربية 1600 سى سى و دة بيبقى بسبب الفرق فى التكنولوجيا و التقدم حتى فى عربيات موديل 2007 و 2008 يعنى مثلا الانوس 1500 سى سى و استهلاكها للبنزين اعلى من سيارات 1600 سى سى
السى سى بيفرق على الطريق فى القوة طبعا يعنى السحب بتاع العربية بيبقى اعلى و دية طبعا مش قاعدة لأن دلوقتى ممكن موتور 1400 سى سى تربو يبقى اقوى و اسرع من موتور 1600 او 2000 سى سى بس فى العادى يعنى ان كل ما السى سى يزيد كل ما التسارع و السرعة القصوى بتاعت العربية حتبقى اكتر
اعتقد فى معلوماتى المتواضعة انه السى سى مش هوا كل حاجة فى قوة العربية و كده. لانه عربية زى البونتو كلاسيك 1300 سى سى و قدرتها 60 حصان بس و كذلك السايبا برايد 1300 و عاملة 62 حصان و الاتنين 4 سلندر ...بينما سيريون وان 1000 سى سى بس و 3 سلندر و بتدى 69 حصان ... فاعتقد انه عدد السى سى مش هوا كل حاجة ... و برضه الموضوع متروك للخبراء يردوا علينا فيه....:U_thin1[1]:
السي سي اختصار لسعى اسطوانة المحرك وتحسب السنتيمتر المكعب
السيارة 1600 مثل هي1600 سم^3 تقريباً
وده بيوضح الحجم الخاص بغرفة الاحتراق واللي بيتملي بمخلوط الاحتراق (بخار البنزين والهواء) وبالتالي كل ما الحجم ده زاد ينتج احتراق اكبر يولد قدرة اكبر واستهلاك بنزين اعلي
بعض التعديلات التكنولوجية في المحرك يمكنها تعظيم الاستفادة من القدرة الناتجة وتقليل الفقد فيها سواء في الموتور او الالات الجر
لذا هناك مقياس اخر وهو القدرة الحصانية HP ولذلك يمكن ان تجد سيارة مثل اللانسر 1300 سي سي 110 حصان واخري شاهين 1600 سي سي 85 حصان
وبالتالي المتسوبيشي اقوي وقدرتها اعلي واستهلاكها اقل للبنزين
والفرق ناتج عن كفائة الاستفادة من القدرة الناتجة ومقدار الهدر فيها خاصة في الات الجر
هذا الي جانب عامل اخر وهو عدد لفات الموتور فالسيارة 1300 ستنتج قدرة اكبر عند عدد لفات موتور 5000 دورة / دقيقة عن سيارة 2000 سي سي عند 2500 دورة في الدقيقة لان حجم الطاقة الناتجة في الحالة الاولي اكبر نتيجة تكرار العملية اكثر من مره هذا في ظل ثبات عدد السلندرات (4) لذلك يستخدم عامل اخر وهو العزم (Torque) ويقاس بوحدات نيوتن متر/دورة في الدقيقة
فيقال مثلا انه 121 نيوتن متر عند 4400 دورة في الدقيقة وهي اقصي عزم يمكن للمتور انتاجه
او تقاس كطاقة مثدرة بالكيلو وات عند اقصي عدد لفات مسموح به مثلا 66 كيلو وات/6000 دورة في الدقيقة
ومما سبق يتضح ان هناك 4 مقاييس رئيسية للمحرك
سعة وحجم الاسطوانة
القدرة الحصانية المنتجة
العزم الاقصي
الطاقة القصوي
وكلها مترابطةوغالبا ما نجد ان العزم الاقصي ينتج عن عدد دورات للمحرك قليل نسبيا مما يعكس كفاءة المحرك وقدرته علي التحمل
اما عند تركيب تربومثلا فان مخلوط الوقود الداخل للمحرك يكون مضغوطا اي كمية اكبر في نفس الحجم وبالتالي تنتج طاقة اكبر من المعتاد اي كمثال اذا كانت السيارة 2000 سي سي ونسبة ضغط التربو 1.5 بار (ضغط جوي) فانها ستنتج طاقة مماثلة تقريبا للمنتجة من محرك 3000 سي سي تحت نفس الظروف الاخري
حذا الا جانب معامل اخريسمي نسبة الانضغاط ولانه اصبح ثابت في كل السيارات الجديدة 1:10 فانه يمكن عدم ذكره وهو نسبةضغط الحجم الخاص بمخلوط الاوقود وهذا المعامل له اهمية في ضبط القدرة الناتجة فعلي سبيل المثال ان ملات اسطوانة المحرك بمخلوط الوقود واشعلتها كما هي دون ضغط ستنتج طاة تنتشر في كل الاتجاهات بينما اشعالها وهي مضغوطة 10 مرات ستنتج طاقة في اتجاه معاكس لاتجاه الضغط تسمح بدفع المكبس (البستم لاسفل ليدور المحرك وتلك النسبة تختلف من سيارات البنزين لسيارات السولار لاختاف ميكانيكية الاشعال
ارجو الا اكون قد اطلت
تحياتي
هايل هايل يا دكتورنا
المختصر المفيد
و أحب أزود ان فيه سيارات نسب انضاغطها معدية 1:10 في 1:10.5
طبعا كل ما معدل الانضغاط زاد ده معناه مشوار أطول للبستم في غرفة الحريق
http://library.thinkquest.org/C007574/media/engine2.gif
ومعناه وقت أطول قبل الانفجار علشان كده بنحتاج بنزين رقم الأوكتان بتاعه عالي 92 أو 95 مثلا لأنه بينفجر بتأخير بسيط
أما لو استخدمنا بنزين 80 مثلا مع انضغاط 1:10 ساعتها البنزين بينفجر و البستم لسه ما كملش المشوار بالكامل
http://library.thinkquest.org/C007574/media/engine3.gif
بتلاقي البستم طالع فوق و الانفجار بيزق لتحت في توقيت خاطئ بكده تكون الcompression stoke و الـpower stroke مش في تزامن صحيح
و ده اللي بيسمعنا صوت الموجات الارتدادية الناتجة (التسقيف) أو الكركرة زي ما ناس بتسميها
الله عليكم
تسلم اديكم
معلومات قيمه جدا اول مره اعرفها
جزاكم الله كل خير
معلومات هايله جدا....الف شكر