المهزلة اننا مش عارفين فى الاتجاه الصحيح وفى الاتجاه العكس
خصوصاً فى الشوراع الصغيرة والجانبية
عرض للطباعة
المهزلة اننا مش عارفين فى الاتجاه الصحيح وفى الاتجاه العكس
خصوصاً فى الشوراع الصغيرة والجانبية
كل ما بتوع المرور تقوم عليهم نزوة كل فترة بيبقى الهدف هو جمع الأموال....
مش عارف اشمعنى المرة دى هايصين أوى بمسألة الحبس و السجن و النيابة و فى الآخر ما هى هترسى برضه على 1000 جنيه غرامة.......
يبقى إيه لازمة البهدلة ....
هل علشان مبلغ الغرامة كبير فبيعملوا كده علشان يكسروا نفسية الضحية المجرمة و يدفع من غير ما يفتح بقه و لا هما عندهم حالة تراخى فى السجون و المجرمين كلهم أحرار و السجون فاضية فبيملوها بأى حد.....
يمكن الوساطة زادت أوى لدرجة إنهم مش عارفين يلموا الفلوس كويس فى اللجان و نيابات المرور فأضطروا لاتخاذ إجراءات قاسية لا يستطيع أحد التدخل فى مواجهتها
نفسى ألاقى تفسير.....
برافو مرور اسكندرية :k49:
بصراحة ايا كان اللي ماشي عكس الاتجاه لازم يكون عبرة لغيره .... وحلوة اوي حكاية الظباط المتخفيين دي
انا مستعد اقدم بيان للمرور عن الشوارع اللي الناس بيسيرو فيها عكس الاتجاه في العباسية .... وده مجانا لوجه الله
وبعدين انا اتحدى ان يكون الشارع اللي حصل فيه الواقعة دي من غير لافتات تفيد انه اتجاه واحد
حصلت مع ناس اعرفهم وراح مديرية الامن ادوله الرخص لأن ماكنش فيه اي علامات انه اتجاه واحد ....
وواحد لواء كان بيهزر معاه وقال : خلي بالك احنا ح نحط لافتات ... يعني المرة الجاية مفيش عزر
اتمني الاستمرار و تعميمها في القاهرة كمان
.....
استنو لما الموضوع يسمع والناس كلها تعرف .... ح تلاقو كل حاجة اتظبطت .... احنا كدة لازم نتعافب عشان نلتزم :khd:
....
يظهر ان ممكن يكون فيه امل
معقولة الكوسة خلصت من البلد ؟؟
دا شئ كويس جداً ...
اتمنى يكون فعلا مافيش حاجة اسمها واسطة
اتمنى تكون كل الشوارع فيها علامات واضحة تحدد اتجاه السير
اتمنى اخوانا بتوع المرور يشوفوا العربيات اللي بتمشي عكس الاتجاه في الطريق السريع (الزراعي والصحراوي)
اتمنى اخوانا بتوع المرور يشوفوا العربيات النقل اللي بتمشي في الحارة الشمال وتقفل الطريق السريع
اتمنى اخوانا بتوع المرور يشوفوا التكاتك اللي بتمشي عكس الاتجاه في جميع شوارع الجيزة الرئيسية مثل شارع النيل والسودان واحمد عرابي
اتمنى بعد كدة يبقوا يمسكوا اللي بيمشى عكسي في الشوارع الجانبية ويحبسوهم ولا حتى يعدموهم
تطبيق القانون مهم و الأهم إنو يكون على الكل
لكن المشكلة إنو مافيش يفط تحذيرية على رأس غالبية الشوارع تبين السير عكس الإتجاة !!!!!!!!!!!!!!!!!!!!!!!
يعنى بتخش الشارع و إنت و حظك كأنك داخل مصيدة !!!!!!!!! ههههههههه
ربنا يسترها معانا جميعاً
مشكله طرق مصر انها دلوقت هتبقى كلها ون واي يعنى لو غلط عديت من جمب شارع مش هتقف وترجع بضهرك وتدخله لا دا يا معلم هتمشى بتاع كام كيلو على ما توصل للدوران وتلف تانى وتمشى وتفضل ماشى وماشى وماشى على ما تلاقى الملف الى هتلف منه وتقوم لافف وبعدين تمشى وتمشى وتشمى وتدخل الشارع مستكنيص :))
يعنى بدل ما يبقى مشوار ربع ساعه دا هتاخده لو مخدتش بالك فى ساعه =))
انا موافق على تطبيق الموضوع دة بس لو فية اى علامة ان ممنوع الدخول فى الشارع
فعلا اسكندرية متكهربة
والظباط لو لقوا حد ماشى بسرعة فى اى حتة بيجروا وراه بالمتوسيكلات ويعملوا مخالفة فورى كده
ده غير الستاير والفاميه والزينون نفس الكلام
لا معلش الحبس الظلم حرام
يعنى في شوارع مكتوب عليها ممنوع الدخول من خال بن الوليد مثلا و من جمال عبد الناص مش مكتوب عليها حاجة خالص لما تدخل و تلاقى ظابط طالع يقولك انت ماشي عكش السير و مفيش يافطو واحدة توحد الله يبقى حرام و ظلم ولا لا ان مع تطبيق القوانين بس لما تكون صح وبعدين ليه واحد مخالف يتحبس مع تاجر مخدرات او مع بلطجي او قاتل علشان مش عكس السير و الله دا الحرام بعينه