أستاذ وليد ..
أسعد الله صباحك بكل خير....
1- يعني انت جبت بالعربية 185 كم/ساعة و بتقول الاداء ضعيف , مش فاهم يعني أنت عايزها تجيب كام ؟؟؟؟
أما موضوع العزم ده فلاحظ أن حجم العربية مقارنة بالموتور علشان كده النوبيرا تسارعها قليل شوية بس في مقابل ثبات عالي و صالون واسع و مريح
2- مرونة العفشة عمرها ماتبقي عيب , و بالعكس النوبيرا معروفة بثباتها علي الطريق ده حتي البعض بيوصفوها بأنها زي البطة تقيلة و راسية , لكن الواضح أنك بتحب تعمل غرز علي سرعات عالية و مافيش عربية أصلا مصممة للغرض ده لأن أختراع الغرز ده حق حصري لمصر و المصريين فقط و لسه ماوصلش أوروبا أو البلاد اللي بتصنع عربيات من 200 سنة
3- معروف أن كل مواتير الدايو صوتها عالي فده شئ طبيعي و لايستحق القلق
4- فتيس الدايو طبيعي يكون تقيل لأنه علي بار معدني مش ويرات زي الهيونداي أو هيدروليك
5- أصوات التزييق دي مش عارف ممكن يكون عيب تقفيل و التوكيل ممكن يحل المشكلة دي بس تضغط عليهم فيها شوية
6- زي ماقولت قبل كده النوبيرا تسارعها منخفض علشان كده ممكن السيات تسبقك في الطلعة لكن بعد كده هاتحصلها و مش هاتجيبك تاني و عموما أنا مش عارف أيه الموضوع ده أنا شخصيا بيهمني راحة الموتور خصوصا في الطلعة و باطلع بشكل تدريجي حتي لو كل العربيات اللي في الاشارة طلعت و سبقتني لأننا مش في حلبة الفورميلا وان
و أخيرا .. علي مهلك و خد بالك لأن الطرق عندنا و سلوك البشر اللي ماشية فيها مش بتاعت الجري و الغرز
و ربنا يسترها معاك و معانا
المفضلات