أنا أتصورت

**mo7a_mo7a** · 08-02-2009 07:44 PM

المشاركة الأصلية كتبت بواسطة Ayman_52

معلش ممكن توضيخ اكتر...؟؟

طب ايه بالضبط اللي مش واضح؟

**kemo0o** · 08-02-2009 07:50 PM

استاذ موحه
انت كلامك مظبوط 200% وللاسف اتحدداك تطلع شارع واحد في مصر الخطوط باينة فيه اذا كان فيه خطوط اصلا

**ahmed_wbt** · 08-02-2009 10:44 PM

استاذ موحه حضرتك اتكلمت بقانون اوروبا فى السواقه

بوجد انا معجب جدا باللى انت قولته

سرحت كدا شويه وتخيلت لو كل واحد هنا بيفكر قبل ما ينفذ وعارف القانون وحافظه فعلا ولما تتجادل مع واحد فى ايه صح وغلط فى الشارع يقولك حسب القانون

بس للأسف وبقولها يعنى وانا على مضض اللى حضرتك قولته ده قانون المرور للعوامات الطائره بالنسبه لمصر

ادخل اشرح الكلمتين دول كدا لوكيل النيابه وغالبا هتتحبس 4 ايام على ذمه التحقيق :(

**dr_darsh** · 08-02-2009 11:22 PM

المشاركة الأصلية كتبت بواسطة ahmed_wbt

استاذ موحه حضرتك اتكلمت بقانون اوروبا فى السواقه

بوجد انا معجب جدا باللى انت قولته

سرحت كدا شويه وتخيلت لو كل واحد هنا بيفكر قبل ما ينفذ وعارف القانون وحافظه فعلا ولما تتجادل مع واحد فى ايه صح وغلط فى الشارع يقولك حسب القانون

بس للأسف وبقولها يعنى وانا على مضض اللى حضرتك قولته ده قانون المرور للعوامات الطائره بالنسبه لمصر

ادخل اشرح الكلمتين دول كدا لوكيل النيابه وغالبا هتتحبس 4 ايام على ذمه التحقيق :(

للأسف وبكل أسف هو ده الواقع فى مصر قانون بيطبق من غير قواعد مخالفات سير عكس الإتجاه من غير لافتات و مخالفات سرعه من غير لافتات تحديد السرعه القصوى و مخالفات انتظار ممنوع من غير لافتات ممنوع الإنتظار يبقى هيعملوا خطوط على الأرض ... صلى على النبى ... هى دى بلدنا المحروسه ولا حول ولا قوه الا بالله
انا فى مره كنت ماشى فى شارع اتجاهين واسع حوالى 30 متر عرض المهم ركنت على الناحيه اليمين وانا بأنزل من العربيه لقيت عسكرى جاى وبيقوللى ممنوع يا بيه ... طيب ليه يا عم مافيش يافطه بتقول ممنوع ... قاللى ماهو ده شارع رايح جاى يبقى ممنوع الإنتظار فيه مش محتاجه يافطه ..... شفتوا دى .. جاااااااااااااااااااااااا امده مش موجوده فى أى قانون مرور فى الدنيا

يارب ارحمنا من الناس دى بقى وارفع عنا غضبك

**dr_darsh** · 08-02-2009 11:43 PM

استاذ موحه فى نسبه كبيييييييييييره جدا من سائقى السيارات فى مصر مش عرفين ان المفروض ان كل حاره مروريه تعتبر طريق مستقل بذاته يعنى ممنوع الإنتقال من حاره لحاره الا بعد الإشارات التنبيهيه والنظر فى المرايا وهكذا
تمش على اى طريق اللى ماشى فوق الخط الأبيض واللى ييجى فى ملف يكسر على اللى جانبه واللى بيدى اشاره بعد ما يكون دخل الu turn خلاص
الشارع المصرى فى مهازل لا السائقين عارفين اداب المرور ولا الرجال المرور عارفينها دول عاملين زى عساكر الأمن المركزى اعمل كذا حاضر وسيب كذا حاضر
مثلا : الزجاج الملون او الفاميه الدرجات الفاتحه جدا المفروض انها مش ممنوع وبحكم القانون لأن القانون بيقول الزجاج الحاجب للرؤيه مش أى زجاج ملون وخلاص
وعندك الملصقات المفروض انها مش ممنوعه طالما انها بعيد عن مدى رؤيه السائق ولا تغير من ملامح السياره
بس هما عندهم الزجاج الملون نممنوع يبقى كله ممنوع والملصقات ممنوع يبقى اى ورقه على العربيه ممنوع
انا سافرت بره وشفت هناك رجال المرور ملايكه منتهى الأدب والله كان السواق بتاعنا راكن فى شارع فى المدينه المنوره فى منطقه ممنوعه عدت علينا عربيه دوريه نزل منها الضابط وقاللوه واقف ليه قاللوا الجماعه بس هينزلوا وهأروح أركن العربيه قدام قاللوا ماشى وسابوا ومشى شويه ورجع تانى لقانا واقفين راح مشغل السارينه السواق بتاعنا راح مدور العربيه وادا اشاره انه طالع فسابنا ومشى وبعدها بشويه السواق شاف عربيه الشرطه فى المرايه جايه تانى قال معلهش هناخد لفه ونرجع تانى علشان المره دى هو هيعملنا مشكله
طبعا احنا كنا واقفين غلط وحنا غلطانين بس فى مرونه احنا كنا الساعه 2 بالليل تقريبا والشوارع هاديه يعنى احنا مش معطلين المرور لأن مافيش عربيات اصلا فطبعا مافيش مانع انه يسيبنا نقضى مصالحنا بس بحدود طبعا

**Dr.A.Nabil** · 09-02-2009 01:49 PM

فعلا مفس المشكله اللي حصلتلي
كاميرات غبيه
متبرمجه وخلاص
مجرد ما تعدي بعد الخط
تصور وخلاص

تخلف وغباء

**Ayman_52** · 09-02-2009 02:32 PM

المشاركة الأصلية كتبت بواسطة mo7a_mo7a

طب ايه بالضبط اللي مش واضح؟

الف شكر لحضرتك...فهمت دلوقتى

بس هو انا اعرف منين الكلام ده كله...انا اول مره اعرف معنى الخطوط اللى فى الشارع...فهل المعلومات دى موجوده فى كتاب ولا حاجه عشان الواحد يقراها؟؟

وشاكر جدا لحضــرتـــك

**Hussein_Ramdan** · 09-02-2009 02:36 PM

ههههههههه مبروك يااباشا هل هوما بيطلعو كروت ولاة الصور بس
ياباشا خالى بالك المخالفات اليومين دول بقيت حراقة اووووى

**tmz9111** · 09-02-2009 02:54 PM

المشاركة الأصلية كتبت بواسطة mo7a_mo7a

طبعا كلام حضرتك مش مظبوط اوي لان حضرتك مسموحلك تخش يمين بدون النظر للاشارة لو كان في في الطريق حارة يمين مفتوحة ومخصصة فقط للدخول يمين
والشارع اليمين يكون اوسع بحارة او علي الاقل مساوي لعدد الحارات
وفي الحالة دي حتلاقي خط ابيض متصل بيفصل بين الحارة اليمين اللي حضرتك فيها والحارات اللي بعد كده جهة الشمال وغالبا بيبقي في اشارة منفصلة للحاره دي لكد ممكن ازالتها اذا كانت الحارة مفتوحة ولا يقطعها خطوط لعبور المشاه

الا انه من الواضح ان الخطوط بين الحارة اليمين اللي حضرتك كنت ماشي فيها والحارات اللي علي الشمال كانت متقطعة اي تسمح بالتخطي وتغيير الحارة الي جانب ان السائق في الحارة المين يمكنه اكمال سيره طوالي
او ان الشارع اليمين اقل في عدد الحارات
وفي الحالة دي
تبقي سيادتك غلطان وكسرت الاشارة فعلا

شكرا على المعلومة