صباح الخير..
ما هي المشاكل المحتمل حدوثها في حال تلف حساس الاوكسجين ؟
و ما هي فوائده اصلاً؟
وشكراً..
عرض للطباعة
صباح الخير..
ما هي المشاكل المحتمل حدوثها في حال تلف حساس الاوكسجين ؟
و ما هي فوائده اصلاً؟
وشكراً..
1- زيادة في استهلاك البنزين بشكل ملحوظ جداااا وخصوصا عند السير بسرعة غير منتظمة ، أو بداخل البلد.
2- خروج دخان أسود من الشكمان
3- لو حطيت منديل في اخر الشكمان في فتحة خروج العادم والعربية مطفية هتلاقي المنديل مطلع سواد كتير (بنزين غير محترق)
4- ضعف في السحب والتسارع
ومش ضروري لمبة check تنور
شكرا جدا ياريس...طيب هل له مشاكل غير استهلاك البنزين؟ يعني مشكلة مع الموتور مثلا لقدر الله او الفتيس أو اي حاجة ؟
any UPDATE guys?
/استهلاك البنزين هوا الاساس
ثاني حاجه القريات بتبقي غلط اللي داخله للكنترول فهيأثر معاك في السحب
انت عرفت منين ان حساس الاوكسجين بايظ علي فكره لازن يتقاس علي الجهاز ميبقاش اعلي من واحد فولت في القرايه يعني هتلاقيه إن شاء الله في العربيات المظبوطه بين النص و الثلاث تربع فولت
بس منك لنفسك تقول انه الحساس بايظ يبقي لا
هو ياسيدي اللي حصل إني لاحظت ان العربية بقت غريبة في السحب والتجميع، ساعات السحب بيحسسني ان العربية 2400 سي سي!! وساعات بحس ان مفيش بنزين اصلا واصل حتى!
المهم رحت التوكيل اول مافتحو الكبوت لاقو ان الحساس بتاع الاوكسجين متني! المهم قلتلهم متأكدين انه بايظ؟ راحو جابو الكمبيوتر و عملو reset وهوب طلع ايرور ان الحساس بايظ؟
طيب لو في مكان أقدر أتأكد منه غير التوكيل ياريت، لان حاسس ان يومها كانو بيخلصو مني بسبب الضغط ومكنتش فايق اناهد معاهم خالص "كنت مطبق 48 ساعة".
ملاحظة : الحساس انا معرفش ازاى اتنى...علما بإن العربية دي عمرها ماتفتح كبوتها غير في التوكيل!!.
فهل في طريقة اعرف بيها؟ و على فكرة لمبة شيك انجين مش بتفضل منورة ولاحاجة...
وشكراً.
إزاى يعنى الحساس ينتنى لوحده؟
لازم ميكايكى أو أى فاعل
ممكن قطة:C_laugh[1]::C_laugh[1]:
هو ملهوش أي تأثير على المتور لكن بيخليك تحس ساعات إن العربية مخنوقة وساعات تكون جايب دواسة البنزين للأرض وصوت المتور يعلى خالص ومفيش أي سحب أو تسارع ، كإن اسطوانة الدبرياج مفوتة
وكانت أحيانا بتمشي كويس
وعلى فكرة مفيش داعي إنك تكشف عليه في أكتر من مكان طالما التوكيل أكد لك إن المشكلة منه
تمن الكشف على الاسكانر 75 جنيه وانت لو كشفت مرتين هيكون ب 150 جنيه وتمن الحساس أصلا (بتاع اللانوس) ب 245 تقريبا يعني غيره وريح نفسك ، وتغييره مش شغلانة يعني أي ميكانيكي هيغيره عادي ، ومتنساش تخلع كابل البطارية وتركبه تاني لو هتغيره عند حد معندهوش اسكانر بعد ما تركب الحساس الجديد علشان الكمبيوتر يعمل ريستارت لنفسه
أو تمسح مشكلة الحساس من الاسكانر
ولو الحاجات اللي قلتهالك فوق موجودة عندك وأهمها زيادة استهلاك ملحوظ في البنزين ووجود سواد في الشكمان يبقى هو الحساس غيره وريح نفسك
وهتحس إن العربية دي مش بتاعتك هتتغير تماما من حيث السحب والبنزين :S_thum1[1]:
مش مهم مين عمل كدا، لان كدا ولا كدا انا هشتري و التوكيل مستحيل هيقول انا كسرتلك حساس بدون قصد سامحني!! :d
لكن اللي عايز أعرفه هل في خطر لو مشيت بيها كدا لفترة طويلة؟ لان سعر الحساس مع التركيب داخل في 900 جنيه!!!!
وازاي أتأكد انه بااايظ فعلاً مش اشتغالات عشان يلبسوني فيه؟!
لو حد يعرف مثلا ورشة مش زحمة وفيها جهاز كشف في وسط البلد او شبرا
والف شكر ليكم يارجالة