حبس أول سيدة مصرية لقيادتها السيارة عكس الاتجاه

**ihab** · 08-02-2009 04:20 PM

المشاركة الأصلية كتبت بواسطة دينا أبوالعلا

المشكله يا ايهاب مش انك تحذر هتحذر ومفيش لافيتات ممنوع الدخول او الشارع اتجاه واحد

كلنا بنمشي فشوارع منعرفهاش وفجاه تلاقي عربيه جايه قدامك يقولك علي فكره الشارع ده اتجاه واحد
اللي بيمشي قاصد يتحمل نتيجه غلطته طيب واللي مايعرفش مش ذنبه ويلاقيهم طالعين من ورا الشجر
انا بقي نفسي اسال سؤال الفلوس الالوف المؤلفه اللي خدوها فين هتروح فين وهتتصرف علي مين؟؟؟؟؟؟؟؟؟؟؟؟؟؟؟؟؟؟؟؟؟

انا باتكلم يا دينا عن اللى ماشى غلط فى شارع صريح و معروف فيه الغلط من الصح يعنى مثلا و انت على طريق الاسكندرية الصحراوى لما تلاقى واحد ماشى عكسى فى نفس الطريق بتاعك ( دى مفيهاش احتمالات انه مش عارف او مخدش باله من العلامات )
و طبعا المفروض ان قبل ما نبتدى نطبق قانون لازم الامور تبقى واضحة مش سايبينها لظرفها بالضبط زى ما عملوا فى موضوع شنطة الاسعافات اللى لغاية دلوقت مش عارفين هما عايزين يحطوا فيها ايه ، و على اسوأ الفروض لما لقوا انهم مش عارفين يتفقوا على مكوناتها كان تناسوا البند ده من القانون او عملوا نفسهم مش واخذين بالهم منه لغاية ما يتفقوا على حاجة او كانوا لغوه من القانون

**نور العمر** · 08-02-2009 11:11 PM

رأي قانوني
يحق لأي مواطن أن يطعن على قرار الحبس وعدم مشروعية الإجراء كله على بعضه ..... إذا تبين أنه تم إيقافه بتهمة السير عكس الاتجاه ...... دون وجود يافطة حقيقية واضحة وسليمة موجودة بالفعل توضح الاتجاه الحقيقي وتؤكد أنه سار عكس الاتجاه
بس الإجراء ده . عايز نفس وبيتم للأسف بعد الدفع وخلافه
بس ممكن تطلع به أحاكم بعدم مشروعية القصة كلها

لعل وعسى يفوقوا وينزلو يتسلوا في الشوارع ويركبولنا اليفط

وخصوصاً مدينتنا الموقرة ... الإسكندرية .... مفيهاش يفط نهائي

وبالشفا

**نور العمر** · 08-02-2009 11:15 PM

لا أوافق على الحبس في السير عكس الاتجاه ...... لأن الحبس في ظروف أخرى أهم ....
والخبرة الأكبر والرأي الأصوب لأصحاب المركبات الذين يعانون فعلاً من المرور المصري

وربنا مع الجميع

**نور العمر** · 08-02-2009 11:17 PM

المشاركة الأصلية كتبت بواسطة دينا أبوالعلا

المشكله يا ايهاب مش انك تحذر هتحذر ومفيش لافيتات ممنوع الدخول او الشارع اتجاه واحد

كلنا بنمشي فشوارع منعرفهاش وفجاه تلاقي عربيه جايه قدامك يقولك علي فكره الشارع ده اتجاه واحد
اللي بيمشي قاصد يتحمل نتيجه غلطته طيب واللي مايعرفش مش ذنبه ويلاقيهم طالعين من ورا الشجر
انا بقي نفسي اسال سؤال الفلوس الالوف المؤلفه اللي خدوها فين هتروح فين وهتتصرف علي مين؟؟؟؟؟؟؟؟؟؟؟؟؟؟؟؟؟؟؟؟؟

إزيك يا دينا ... أحب أقولك اطمني نصها تقريباً .... عمولات لمحصليها

**youssef_5** · 08-02-2009 11:28 PM

يا جماعة يا جماعة لما تكون اول واحد يتحبس فى تهمة عكس اتجاه تكون سيدة ده معاناه انه مافيش فرق بقى بين راجل وست ولما عدد اللى اتحبسو بتهمة عكس الاتجاه وصل حتى 1000 ده هيخلى الناس الزبالة اللى معندهاش دم اللى بتمشى عكس الاتجاه يحترمو نفسيهم ويبطلو يمشو عكس الاتجاه وبأمانة انا نفسى يطبقو نفس عقوبة عكس الاتجاه على السرعات العالية
اخوكم يوسف

**D . a .\ AYMAN** · 08-02-2009 11:46 PM

المشاركة الأصلية كتبت بواسطة ahit

كنت الأول مع قرار الحبس و لكن بعد اللى سمعتو عن اللى بيحصل للمسجونين على ذمة قضية سير عكس الإتجاة فغيرت رأى بصراحة.
غالبية الشوارع بدون يفط إرشادية و كملن يعملو كماين و مصايد للعربيات !!!! دا شىء غريب جداً.
كمان بيتحبسو مع الشمامين و الحرامية و القتله و النصابين و مسجلين خطر !!!
و لو أى عسكرى أو أمين شرطة حب يغلس يلبسك تهمة سير عكس الإتجاة عشان يقبض عليك !!!!!!!
و العربية تتحجز عليها و تطلع تلاقيها منهوبة و مسروقة من كل حاجة !!!
لا بد من وجود ضوابط و أسس لتنفيذ هذا القانون و إلا نص الشعب هايكون معملو قواضى و يبقى سوابق و طبعاً فيه اللى يستاهل و فيه اللى مظلوم !!!
و ربنا يسترها معانا جميعاً

+10000000000000000000

المشاركة الأصلية كتبت بواسطة ihab

انا باتكلم يا دينا عن اللى ماشى غلط فى شارع صريح و معروف فيه الغلط من الصح يعنى مثلا و انت على طريق الاسكندرية الصحراوى لما تلاقى واحد ماشى عكسى فى نفس الطريق بتاعك ( دى مفيهاش احتمالات انه مش عارف او مخدش باله من العلامات )
و طبعا المفروض ان قبل ما نبتدى نطبق قانون لازم الامور تبقى واضحة مش سايبينها لظرفها بالضبط زى ما عملوا فى موضوع شنطة الاسعافات اللى لغاية دلوقت مش عارفين هما عايزين يحطوا فيها ايه ، و على اسوأ الفروض لما لقوا انهم مش عارفين يتفقوا على مكوناتها كان تناسوا البند ده من القانون او عملوا نفسهم مش واخذين بالهم منه لغاية ما يتفقوا على حاجة او كانوا لغوه من القانون

ماهو الشكلة إني عمري ماشفتهم واقفين في الشوارع الكبيرة اللى معروفة إن الناس بتمشي فيها عكس متعمدة وبتكون خطر جدا ... لكنهم بيقفوا في الشوارع الغريبة اللى مش معروفلها أي حاجة ده طبعا غير التلفيق اللى في دمهم تبقى المخالفة صف تاني وفجأة تلاقيها بقت عكس الإتجاه عشان مافتحتش مخك .. عادي

يعني مثلا مطلع الطريق الدائري في دار السلام للإتجاه الى مدينة نصر دايما تلاقي ناس نازلة المطلع ده عكس وطبعا اللى طالع بيبقى طالع بسرعة ومش دي خوانة ... مع إنه لو نزل المعادي ولف الحتة دي مش هاتاخد 10 دقايق زيادة ... مكان زي ده يستاهل اللى يعكس فيه إنه يتحبس .. لكن ماتجيش في شارع أقل ما يقال عنه إنه شارع ثانوي أو جانبي وتقوللى اللى يعكس فيه يتحبس ... إمال السلطة التقديرية بتاعة القاضي فين

وكمان ماينفعش يكون فيه حبس إحتياطي أبدا للمخالفة دي ولا حجز في القسم لحين العرض على النيابة ... لكن للأسف التعليمات جاية من فوق -وإن كنت ماعرفش مين المستفيد من كدة-

**wkisho2005** · 09-02-2009 02:37 AM

حسبي الله ونعم الوكيل د
البلد كلها هتتحبس ولا ايه؟؟
دا الواحد بتاجر في المخدرات بئي حتي يتحبس علي حاجة مستاهلة طالما كدا كدا هنتحبس

**دينا أبوالعلا** · 09-02-2009 03:16 PM

المشاركة الأصلية كتبت بواسطة Nourelomar

إزيك يا دينا ... أحب أقولك اطمني نصها تقريباً .... عمولات لمحصليها

الحمد لله يا نور ازيك انتي؟؟؟

دا الشئ المتوقع منهم طبعا بس لو يكلفو خاطرهم ويصرفو نص النص اللي فاضل علي الاشارات اللي بيحاسبونا عليها

**أبو إياد** · 09-02-2009 03:20 PM

الحكومه اهدرت خلال عام 42مليار جنيه مصرى دون داعى اى 42الف مليون جنيه
لكى كل الثقه يا ..............

مشاهدة نتائج الإستطلاع: ايه رأيك في قرار الحبس في حاله السير عكس الاتجاه

الموضوع: حبس أول سيدة مصرية لقيادتها السيارة عكس الاتجاه

LinkBack

أدوات الموضوع

عرض

-

-

-

-

-

-

-

المواضيع المتشابهه

سيدة السيارات ...w140

اعرف منين اذا كانت السيارة تبع الوكيل(مصرية)ام خليجي(كويتي-اردني-سعودي...)

سيارة 128للبيع استخدام سيدة

الكلمات الدلالية لهذا الموضوع

المفضلات

المفضلات

ضوابط المشاركة