لو معاك 5000 جنيه وعايز تستثمرهم . إيه أفضل إستثمار ممكن تعمله علشان تستثمر في المبلغ ده ؟
وخلينا نفكر في المبلغ ده وممكن أقل منه بس مش أكتر
ياريت الناس تشارك في الموضوع ده وتطرح أفكرها في الموضوع ده
عرض للطباعة
لو معاك 5000 جنيه وعايز تستثمرهم . إيه أفضل إستثمار ممكن تعمله علشان تستثمر في المبلغ ده ؟
وخلينا نفكر في المبلغ ده وممكن أقل منه بس مش أكتر
ياريت الناس تشارك في الموضوع ده وتطرح أفكرها في الموضوع ده
أنا عن نفسي كان عندي هوايه الموبيلات وبدأت بمبلغ أقل من ده كمان بيع وشراء وكده يعني وبعدين رنبا فتح عليا وأخدت محل في شارع عبد العزيز قعدت فيه حوالي 4 سنين وبعدين نقلت على حلوان خدت محل هناك علشان أبقى جنب البيت بس بعد حوالي سنتين بطلت الموضوع خالص لأسباب يطول شرحها جدا بس الحمد لله تجارة الموبيلان مربحه جدا وأديني بفكر في حاجة تانية أعملها .
آيه يجماعه هو مافيش حد عنده أفكار أستثمار خالص ولا اللي معاه مبلغ زي كده يصرفهم عالطول من غير مايفكر أنه يستثمرهم
هاقولك يا محمد هو رقم صغير يعنى مش ينفع أقولك حطه مقدم شقة مثلا :)
بس أفضل حاجة ترميهم فى البورصة لو تعرف صديق أو حد ثقة شغال فى السمسره فى البورصة ممكن فى سنه يعملوا قدهم
يشتري بيهم كام شيت جلد طبيعي من العتبة
ويشتري حبة توك أحزمة جلد
ويروح لواحد يقطعله الجلد أحزمة
يركب عليها التوك ويخرمها
ويوزعها بيع فوري على محلات الملابس في وسط البلد وروكسي مثلا وياخد فلوسه كاش
المكسب بإذن الله مش هيقل عن 50% يعني العملية لو خدت أسبوعين ال5000 جنيه يبقوا 7500 جنيه
واحد أعرفه عملها وكسب منها جامد بس عملها مرة واحدة
حاجتين مضمون ربحهم فى بلدنا دى، الأدوية - و حطط تحتها 100 خط - و الموبيلات، و لو أخترت الأدوية يبقى ممكن تبتدى بالمبلغ ده، هتتعب الأول بس مستقبلها حلو ان شاء الله.
أعتقد أن موضوع الأدويه ده مش أي شخص يشتغل فيها وإشمعنى موضوع 100 خط تحتها دهاقتباس:
المشاركة الأصلية كتبت بواسطة Hossam Hassan
متهيئلي ان المقصود بال100خط ان البيئة والجو بيسعدو على انتشار الامراض والامراض طبعآ عيزه ادوية
وبعدين الادوية فعلا شىء اساسي فى كل بيت تحسبآ لاى ظرف مفاجئ
تعالى نحسبها، ال100 خط دول لأن الطلب على الدواء لا يتأثر بسهولة، يعنى لو البنزين بقى ب 2 جنيه بدل 140 قرش، يعنى 40% زياده، ناس كتير هتفكر مرتين قبل ما تروح اى مشوار لكن لو اى واحد بيحتاج دواء ب 140 قرش و بعدين الدواء ده غلى بقى ب 7 جنيه، يعنى 500% زيادة، هيقدر يقول مش جايب؟
وطبعا ممكن واحد يعمل مشروع ممتاز وربحه عالي وفي الآخر ميكسبش لأن المسألة في النهاية أرزاق مكتوبه عند الله
بس أعتقد ان الموضوع ده مش أي واحد يتعامل معاه لازم يكون لدكتور أو صيدلي غير كده مش هايقدر يتعامل مع الموضوع دهاقتباس:
المشاركة الأصلية كتبت بواسطة Hossam Hassan
أكيد فيه أفكار تانيه بس واضح أن أغلبية الناس عندها إستعداد إنها تصرف مبلغ ذي ده أحسن من إنها تستثمره يعني هو المبلغ ده ممكن يعمل حاجه في الزمن ده :D
على فكرة أكتر من 90% من تجار الأدوية و ملاك الصيدليات مش دكاترة صيادلة :roll: :roll:
امال ليه مخازن ادوية بتصفى وتخسر كتير يا حسام ؟؟؟
الموضوع مش سهل للدرجة دى يا باشا والا مكنش حد غلب دة فى حرق ولعب كبير وعايز رئسمال جامد.
5000 صعب أوي يتعمل بيهم أي حاجة و حتي لو إتعمل العائد حيبقي مش مجزي....الحاجة الوحيدة اللي في دماغي انك تشوف حد مسافر الصين و يجيبلك رامات او أي computer accecories تكون أرخص من مصر بكتير.
حديك مثال...
أنا لما كنت في الصين جبت فلاش ميموري 32 جيجا ب 70 جنيه (مضروب طبعاً)
هنا في مصر ناس كانت عايزة تبيعه ب300 و شوية...يعني أكتر من 300%....ال5000 جنيه يجيبولك حاجة و سبعين فلاش...بحسبة بسيطة تكسب فيهم 17000 جنيه تقريباً Net Profit .
بس طبعاً لازم تتقي الله في عملية زي دي لأن من السهل الوقوع في الحرام.
صدقنى انا باتكلم عن تجربة علشان الدواء و الصيدليات ده البيزنس بتاع العيلة عندنا و شفنا قصص نجاح كتير، منهم واحد كان فراش فى واحدة من صيدلياتنا و ابتدا بتروسيكل و 200 جنيه راس مال و دلوقت عنده مكتب توزيع و بدل التروسيكل 11 عربية نقلاقتباس:
المشاركة الأصلية كتبت بواسطة Abdallah
شغلانة بسيطة جداً .. بس محتاجة حد يوزع ..
هات رزمة ورق 100 * 70 سم ، بولندي أو تايلاندني 80 جرام ويستحسن تكون سيرينا ، وممكن برضه 70 جم من شارع الدسوقي في العتبة . سعر الرزمة 80 جم حوالي 140 جم وأقصى مبلغ 155 جم
قطعهم 10 * 10 سم .. بكده يكون عندك 70 باكو كل باكو 500 ورقة اقسمهم بالنص .. يعني تبقى الواحدة 250 ورقة
غريهم وسلفنهم عند أي حد مجلد بكده يبقى عندك 140 واحدة . سعر القص حوالي 4 جنيه .. سعر التغرية والسلفنة حوالي 14 جنيه قول عشرين . المجموع حوالي 175 جنيه .
تباع الواحدة منها للمكتبات كورق مكتب ( وراقه) بسعر جملة لا يقل أبداً عن 175 قرش ويصل إلى 2 جنيه للورق 80 جرام
يبقى 2 * 140 = 280 جنيه مكسب حوالي 100 جنيه صافي لكل 175 جنيه .
والمكتبات تشتري هذه النوعية بسرعة وبكميات كبيرة ، ويمكن توزيعها على الشركات والمكاتب بأسعار أعلى .
تجربة صغيرة ومش هاتخسرك حاجة .
ولو العملية مشيت شوية ممكن تجمع ورق ملون ، أو تشتري رول ورق كبير 1.25 طن ، وتعمله كراريس رسم أو كراريس صماء ( بدون أسطر ) عند أي مقص محترم ، ومكسبها مضمون جداً .
أما لو كان عندك مكان مؤقت ممكن تفتح حاجة مؤقتة لمستلزمات المدارس من الأدوات المكتبية والكراريس ، مكسبها رائع وعن تجربة ، لكن ما تحاولش تبيعها للمكتبات فهم أكثر خبرة ودراية .
للعلم القلم اليونيبول المشهور الياباني الأصلي مش الكوري التقليد ( المشهور أيضاً ) سعره جملة 175 قرش فقط ويباع بحوالي 5.50 . شوفوا انتوا بقى .. هذا الكلام عن تجربة وليس اقتراحات في الهواء .
وبالتوفيق