إستثمار

**mbluethunder** · 24-08-2007 12:30 PM

لو معاك 5000 جنيه وعايز تستثمرهم . إيه أفضل إستثمار ممكن تعمله علشان تستثمر في المبلغ ده ؟

وخلينا نفكر في المبلغ ده وممكن أقل منه بس مش أكتر

ياريت الناس تشارك في الموضوع ده وتطرح أفكرها في الموضوع ده

**إسلام شاهين** · 24-08-2007 12:33 PM

أنا عن نفسي كان عندي هوايه الموبيلات وبدأت بمبلغ أقل من ده كمان بيع وشراء وكده يعني وبعدين رنبا فتح عليا وأخدت محل في شارع عبد العزيز قعدت فيه حوالي 4 سنين وبعدين نقلت على حلوان خدت محل هناك علشان أبقى جنب البيت بس بعد حوالي سنتين بطلت الموضوع خالص لأسباب يطول شرحها جدا بس الحمد لله تجارة الموبيلان مربحه جدا وأديني بفكر في حاجة تانية أعملها .

**mbluethunder** · 25-08-2007 08:34 PM

آيه يجماعه هو مافيش حد عنده أفكار أستثمار خالص ولا اللي معاه مبلغ زي كده يصرفهم عالطول من غير مايفكر أنه يستثمرهم

**memo_hefnawy** · 25-08-2007 08:40 PM

هاقولك يا محمد هو رقم صغير يعنى مش ينفع أقولك حطه مقدم شقة مثلا :)

بس أفضل حاجة ترميهم فى البورصة لو تعرف صديق أو حد ثقة شغال فى السمسره فى البورصة ممكن فى سنه يعملوا قدهم

**ahmed1981** · 25-08-2007 09:36 PM

يشتري بيهم كام شيت جلد طبيعي من العتبة
ويشتري حبة توك أحزمة جلد
ويروح لواحد يقطعله الجلد أحزمة
يركب عليها التوك ويخرمها
ويوزعها بيع فوري على محلات الملابس في وسط البلد وروكسي مثلا وياخد فلوسه كاش
المكسب بإذن الله مش هيقل عن 50% يعني العملية لو خدت أسبوعين ال5000 جنيه يبقوا 7500 جنيه

واحد أعرفه عملها وكسب منها جامد بس عملها مرة واحدة

**Hossam_Hassan** · 26-08-2007 11:33 AM

حاجتين مضمون ربحهم فى بلدنا دى، الأدوية - و حطط تحتها 100 خط - و الموبيلات، و لو أخترت الأدوية يبقى ممكن تبتدى بالمبلغ ده، هتتعب الأول بس مستقبلها حلو ان شاء الله.

**mbluethunder** · 27-08-2007 07:40 AM

المشاركة الأصلية كتبت بواسطة Hossam Hassan

حاجتين مضمون ربحهم فى بلدنا دى، الأدوية - و حطط تحتها 100 خط - و الموبيلات، و لو أخترت الأدوية يبقى ممكن تبتدى بالمبلغ ده، هتتعب الأول بس مستقبلها حلو ان شاء الله.

أعتقد أن موضوع الأدويه ده مش أي شخص يشتغل فيها وإشمعنى موضوع 100 خط تحتها ده

**mohammed magdy** · 27-08-2007 03:04 PM

متهيئلي ان المقصود بال100خط ان البيئة والجو بيسعدو على انتشار الامراض والامراض طبعآ عيزه ادوية
وبعدين الادوية فعلا شىء اساسي فى كل بيت تحسبآ لاى ظرف مفاجئ

**Hossam_Hassan** · 27-08-2007 03:11 PM

تعالى نحسبها، ال100 خط دول لأن الطلب على الدواء لا يتأثر بسهولة، يعنى لو البنزين بقى ب 2 جنيه بدل 140 قرش، يعنى 40% زياده، ناس كتير هتفكر مرتين قبل ما تروح اى مشوار لكن لو اى واحد بيحتاج دواء ب 140 قرش و بعدين الدواء ده غلى بقى ب 7 جنيه، يعنى 500% زيادة، هيقدر يقول مش جايب؟

**ahmed1981** · 27-08-2007 08:11 PM

وطبعا ممكن واحد يعمل مشروع ممتاز وربحه عالي وفي الآخر ميكسبش لأن المسألة في النهاية أرزاق مكتوبه عند الله

الموضوع: إستثمار

LinkBack

أدوات الموضوع

عرض

إستثمار - انشر الموضوع فى :

-

-

-

-

-

-

-

-

الكلمات الدلالية لهذا الموضوع

المفضلات

المفضلات

ضوابط المشاركة