الموضوع: للبيع لانوس 2005

1-ماركة السيارة :دايو لانوس
2-الموديل/السنة 2005
3-عدد الكيلومترات 61000 كم
4-الكماليات (كاسيت-تكييف-سنتر-باور)
5-حالة الصاج او الخوارج (فابريقة بالكامل)
6-حالة الدواخل (فابريكة)
7-حالة الصالون ( ممتاز)
8-الحالة العامة او التقييم العام للسيارة (ممتاز)
9-حالة الكاوتش (جيد جدا)- جنوط سبور
10-حالة البطارية : جديدة
11-مكان المعاينة : المهندسين - الشيخ زايد
12-السعر المبد ئي كام (55الف جنية)
13-اسم صاحب الاعلان ورقم هاتفة :بلال عبد اللطيف 0103444274
14-تاريخ انتهاء الرخصة :2010
15-ثان يد
16-حالة الموتور : فوق الممتازة
17-العفشة :فوق الممتازة

__________________

أستاذى الفاضل:
اعذرنى علي التأخير فى الرد - انا اول مرة اشوف ردك دلوقتى.
لو لسة عندك النية انشاءالله , انا مستعد.

2-الموديل/السنة 2005

3-عدد الكيلومترات 61000 كم

15-ثان يد

12-السعر المبد ئي كام (55الف جنية)

كلمة حق
العربية دي بالسعر ده استحالة تتباع خلينا شوية واقعيين
السعر ده يجيب افيو كوري موديل ٢٠٠٦ ماشية من ٤٠ : ٦٠ الف
انا بايع الافيو الكوري بتاعتي بـ ٥٢ الف


حضرتك سعر المستعمل في العشر سنين الاولى بيتحسب كالتالي :

اول سنة تخسر ١٠٪ وكل سنة بعد كده ٥٪
وعربية حضرتك ماشية ٤ سنين يعني المفرض تخسر ٢٥٪ من قيمتها اللي هو ٦٦ الف

يعني السعر التقريبي للعربية دي ٤٩٥٠٠ يزيد او ينقص الف او الفين حسب حالتها والمفاوضات

المشاركة الأصلية كتبت بواسطة zazw

على كده انا مغالى فى عربيتى الافيو المفروض ابيعها ب50 الف
ياجماعه كل واحد حر فى السعر اللى يحطه ولا احنا لازم ننقد اى حد بيبع عربيته
هوه ده شعب مصر

يا سيدي الفاضل احنا هنا في منتدى
والمنتديات هي احدى صور المشاركة في المعلومات
ده الهدف الاساسي
يجي بعد كده استخدامات فرعية زي الاعلان عن بيع سيارة
طالما الاعلان اتحط في المنتدى يبقى من حق اعضاء المنتدى توجيه النصح او مشاركة الناس في معلوماتهم اللي هي ممكن متكونش موجوده عند ناس تانيين

دلوقتي الحالة اللي عندنا عربية الزيرو بتاعها بـ ٦٦ الف ازاي تتباع بعد اربع سنين استخدام وجري اكتر من ٦٠ الف كيلو متر باقل من تمنها الزيرو بـ ١٠ الاف بس !! ازاي يعني ؟

والله العظيم ده مش شوية كلام بقوله في الهواء
آنا اتحدى اي حد هنا ان العربية دي حتتباع بالسعر ده

استحــــــالة

حط نفسك مكان الشاري
طيب ماتزود العشرة وتجيب الزيرو !
او تقسطهم ودول قسطهم بالفوايد ٢٤١ جنيه في الشهر يعني تمن عشوة واحدة لاسرة متوسط في مطعم متوسط !!!

الاسرة المكونة من ثلاثة افراد بتاكل بثلاثة اضعاف الرقم ده عيش و جبنة في الشهر !!!!


اما بالنسبة لعربيتك انا شايف في الصورة انها ٢٠٠٦ يعني اهلاك ٢٠٪ (١٠ + ٥ + ٥)
لو افترضنا ان سعرها زيرو ٧٨ على اعتبار نظيرتها الكورية يعني عربيتك سعرها العادل ٦٢.٤

اما لو السوق حيحاسبها بالافيو المانيوال اللي زييها ومتفرقش التقفيل المصري (وده اللي حيحصل بالذات بسبب طغيان فكر التجار على عقلية الناس) اللي هي سعرها ٧١
يبقى عربية حضرتك تساوي ٥٦.٨ الف

طبعا الكلام ده لو مش رشة لا بره ولا جوه

وتوقعي ان نظرا للكساد و النوم الرهيب للسوق ممكن تنزلها مبلغ بسيط عن الارقام دي كمان
وده المبلغ اللي قلته في اول مشاركة لما قلت للاخ العزيز صاحب الاعلان ان الـ ٥٥ الف دول يجيبوا افيو كوري موديل ٢٠٠٦ !!!

ازاي بقه انت فهمت من كلامي ان عربيتك بـ ٥٠ الف ؟؟؟

المشاركة الأصلية كتبت بواسطة Drift_Lover

حسب كلامك تبقي اللانوس كوري موديل 98 تقف دلوقتي باقل من 30 الف.

اعتقد اني قلت استخدام عشر سنين
اللي بعد كده ليه حسبه تانية


ده غير اني شايف ان السعر ده عادل جدا
العربية بعد استخدام ١١ سنة لازم تفقد ٥٥٪ من سعرها زيرو امال المفروض تبقى ارخص قد ايه ٢٥٪ ؟؟؟ طيب ماتجيبها بخيرها زيرو احسن؟

يا سيدي الفاضل في المحاسبة بيحسبوا الاصول لو كانت سيارات بيحسبوا الاهلاك ١٠٪ في السنة

يعني السيارة ال ١٩٩٨ قيمتها الاسمية = صفر

واللي يجي من بيعها بعد كده مكسب غير محسوب !!!