للبيع لانوس 2005

**ابو فرح** · 16-03-2009 06:15 PM

المشاركة الأصلية كتبت بواسطة abou_ruqi

كلمة حق
العربية دي بالسعر ده استحالة تتباع خلينا شوية واقعيين
السعر ده يجيب افيو كوري موديل ٢٠٠٦ ماشية من ٤٠ : ٦٠ الف
انا بايع الافيو الكوري بتاعتي بـ ٥٢ الف

حضرتك سعر المستعمل في العشر سنين الاولى بيتحسب كالتالي :

اول سنة تخسر ١٠٪ وكل سنة بعد كده ٥٪
وعربية حضرتك ماشية ٤ سنين يعني المفرض تخسر ٢٥٪ من قيمتها اللي هو ٦٦ الف

يعني السعر التقريبي للعربية دي ٤٩٥٠٠ يزيد او ينقص الف او الفين حسب حالتها والمفاوضات

على كده انا مغالى فى عربيتى الافيو المفروض ابيعها ب50 الف
ياجماعه كل واحد حر فى السعر اللى يحطه ولا احنا لازم ننقد اى حد بيبع عربيته
هوه ده شعب مصر

**mab** · 16-03-2009 06:30 PM

بصراحة الكلام كله حلو وجميل
لكن البيع والشراء لا يحكمه اى منطق

**basom** · 16-03-2009 06:41 PM

المشاركة الأصلية كتبت بواسطة zazw

على كده انا مغالى فى عربيتى الافيو المفروض ابيعها ب50 الف
ياجماعه كل واحد حر فى السعر اللى يحطه ولا احنا لازم ننقد اى حد بيبع عربيته
هوه ده شعب مصر

لا صح كلامك صح بس دة بيحصل بردوة فى اى حتة غير مصر؟

المشاركة الأصلية كتبت بواسطة mab

بصراحة الكلام كله حلو وجميل
لكن البيع والشراء لا يحكمه اى منطق

ماشى مهو كل شئ عرض و طلب ولكن لازم يكون فية زبون غلبان مش فاهم حاجة علشان بيعلوة بالمنطق بتاعك لكن لو واحد بيفهم شوية هيؤلك خليها تصدى ولا اية واعتقد ان مفيش حد بقى مابيفمش دلوقتى

**doc_semsem** · 16-03-2009 08:58 PM

العربيه ده اخرها 48 الف لو حالتها ممتازه خالى بالك من السعار والموديل احنا فى 2009 لو فى نيه 0108876772

**mab** · 16-03-2009 09:26 PM

المشاركة الأصلية كتبت بواسطة basom

لا صح كلامك صح بس دة بيحصل بردوة فى اى حتة غير مصر؟

ماشى مهو كل شئ عرض و طلب ولكن لازم يكون فية زبون غلبان مش فاهم حاجة علشان بيعلوة بالمنطق بتاعك لكن لو واحد بيفهم شوية هيؤلك خليها تصدى ولا اية واعتقد ان مفيش حد بقى مابيفمش دلوقتى

على فكرة المنطق مش بتاعى
انا بعته من زمااااااااااااااااااااااا اااااااااااااااان

**hamadaeeisa** · 16-03-2009 10:58 PM

كل ده جدل نافيش منه فايده لا هو هيبيع ولا انتو هتشترو ليه بفه لانه هو مفترض ان الاصدقاء فى المنتدى مابيعرفوش حاجه وجاى يصطاد زبون منهم وهم اللى بيشترى بيفطسو فى الحاجه علشان يصطادوها يعنى الاخ بسوم بعد ماقاله انا مستعد اقابلك عند الهيبر والراجل وافق رجع قالله معلهش انا اشتريت لكن ممكن اخدها لاخويا لعبه مكشوفه جدا لتهميد الزبون للفصال معاه بسهوله ياخوانا عاوزين نكون عقلانيين وجادين شويه فى البيع والشراء وربنا يوفقكم جميعا

**basom** · 16-03-2009 11:01 PM

المشاركة الأصلية كتبت بواسطة hamadaeeisa

كل ده جدل نافيش منه فايده لا هو هيبيع ولا انتو هتشترو ليه بفه لانه هو مفترض ان الاصدقاء فى المنتدى مابيعرفوش حاجه وجاى يصطاد زبون منهم وهم اللى بيشترى بيفطسو فى الحاجه علشان يصطادوها يعنى الاخ بسوم بعد ماقاله انا مستعد اقابلك عند الهيبر والراجل وافق رجع قالله معلهش انا اشتريت لكن ممكن اخدها لاخويا لعبه مكشوفه جدا لتهميد الزبون للفصال معاه بسهوله ياخوانا عاوزين نكون عقلانيين وجادين شويه فى البيع والشراء وربنا يوفقكم جميعا

والله ما هى دية نيتى خالص اقرا التاريخ وانت تعرف انة من فترة يعنى الى عايز يشترى عربية هيعد مستنى عربية ما شفهاش ولا يعرف عنها حاجة ولا هيشترى بطلوا افترا على الناس حسبى الله ونعم الوكيل

**abou_ruqi** · 17-03-2009 10:48 AM

المشاركة الأصلية كتبت بواسطة zazw

على كده انا مغالى فى عربيتى الافيو المفروض ابيعها ب50 الف
ياجماعه كل واحد حر فى السعر اللى يحطه ولا احنا لازم ننقد اى حد بيبع عربيته
هوه ده شعب مصر

يا سيدي الفاضل احنا هنا في منتدى
والمنتديات هي احدى صور المشاركة في المعلومات
ده الهدف الاساسي
يجي بعد كده استخدامات فرعية زي الاعلان عن بيع سيارة
طالما الاعلان اتحط في المنتدى يبقى من حق اعضاء المنتدى توجيه النصح او مشاركة الناس في معلوماتهم اللي هي ممكن متكونش موجوده عند ناس تانيين

دلوقتي الحالة اللي عندنا عربية الزيرو بتاعها بـ ٦٦ الف ازاي تتباع بعد اربع سنين استخدام وجري اكتر من ٦٠ الف كيلو متر باقل من تمنها الزيرو بـ ١٠ الاف بس !! ازاي يعني ؟

والله العظيم ده مش شوية كلام بقوله في الهواء
آنا اتحدى اي حد هنا ان العربية دي حتتباع بالسعر ده

استحــــــالة

حط نفسك مكان الشاري
طيب ماتزود العشرة وتجيب الزيرو !
او تقسطهم ودول قسطهم بالفوايد ٢٤١ جنيه في الشهر يعني تمن عشوة واحدة لاسرة متوسط في مطعم متوسط !!!

الاسرة المكونة من ثلاثة افراد بتاكل بثلاثة اضعاف الرقم ده عيش و جبنة في الشهر !!!!

اما بالنسبة لعربيتك انا شايف في الصورة انها ٢٠٠٦ يعني اهلاك ٢٠٪ (١٠ + ٥ + ٥)
لو افترضنا ان سعرها زيرو ٧٨ على اعتبار نظيرتها الكورية يعني عربيتك سعرها العادل ٦٢.٤

اما لو السوق حيحاسبها بالافيو المانيوال اللي زييها ومتفرقش التقفيل المصري (وده اللي حيحصل بالذات بسبب طغيان فكر التجار على عقلية الناس) اللي هي سعرها ٧١
يبقى عربية حضرتك تساوي ٥٦.٨ الف

طبعا الكلام ده لو مش رشة لا بره ولا جوه

وتوقعي ان نظرا للكساد و النوم الرهيب للسوق ممكن تنزلها مبلغ بسيط عن الارقام دي كمان
وده المبلغ اللي قلته في اول مشاركة لما قلت للاخ العزيز صاحب الاعلان ان الـ ٥٥ الف دول يجيبوا افيو كوري موديل ٢٠٠٦ !!!

ازاي بقه انت فهمت من كلامي ان عربيتك بـ ٥٠ الف ؟؟؟

**belal3001** · 17-03-2009 08:26 PM

شكرا ليكم يا جماعة علي كل التعليقات اللي انا استافدت في بعض منها.

لكن : انا حطيت السعر ده بناءا علي واقعة حصلت قدامى , ابن عمى لسة شاري نفس مواصفات عربيتى بــ 52000 و كمان نص كماليات.

و بعدين في ابعاد تانية للموضوع زي انا مقدرش انزل عن كدة علشان عايز ازود مبلغ معين و اجيب حاجة احسن ... (معلش انا باكلم بصراحة)... وكمان حاسس ان العربية تستاهل و انا مهتم بصيانتها كويس...

**abou_ruqi** · 17-03-2009 08:35 PM

المشاركة الأصلية كتبت بواسطة belal3001

شكرا ليكم يا جماعة علي كل التعليقات اللي انا استافدت في بعض منها.

لكن : انا حطيت السعر ده بناءا علي واقعة حصلت قدامى , ابن عمى لسة شاري نفس مواصفات عربيتى بــ 52000 و كمان نص كماليات.

و بعدين في ابعاد تانية للموضوع زي انا مقدرش انزل عن كدة علشان عايز ازود مبلغ معين و اجيب حاجة احسن ... (معلش انا باكلم بصراحة)... وكمان حاسس ان العربية تستاهل و انا مهتم بصيانتها كويس...

ربنا يحسنلك بيعها ويرزقك أحسن منها
إحنا وأنتم وكل الناس يا كريم

الموضوع: للبيع لانوس 2005

LinkBack

أدوات الموضوع

عرض

-

-

-

-

المواضيع المتشابهه

لانوس 2005 للبيع ب46500 الف

للبيع لانوس 2005

لانوس 2005 للبيع

دايو لانوس 2005 للبيع

لانوس مو 2005 للبيع

الكلمات الدلالية لهذا الموضوع

المفضلات

المفضلات

ضوابط المشاركة