السلام عليكم
محدش يعرف اسعار المستعمل ايه نزلت ولا متماسكة ولا الاسعار رجعت تزيد تانى
وهل الركود بان اكتر فى المستعمل ولا الجديد؟؟؟؟
عرض للطباعة
السلام عليكم
محدش يعرف اسعار المستعمل ايه نزلت ولا متماسكة ولا الاسعار رجعت تزيد تانى
وهل الركود بان اكتر فى المستعمل ولا الجديد؟؟؟؟
انا شيفها زاى ماهي مش نقصت ولا زادت
المستعمل في النازل ولازل الزيرو متماسك
بس توقع انهيار قريب وسريع جدا
لان الجديد لسه منزلش كلها مجرد خصومات والسوق في حاله ترقب وربنا يكرم والاسعار تقل
انا عرفت ان توكيل Bmw
البافاريه علشان ميرخصوش بيدو العربيات للمديرين يمشوا بيها من 20 الي 30 الف ويبيعيوها علي انها مستعمله ويدخلوهالك الصمان بخصم اكتر من 80 الي 100 الف وكمان في فصال
ربنا يسهل والاسعار تقرب من برا
ابو أياد
الاسعار مش معروفة خالص
لسبب بسيط
انة اصلا لا بيع و لا شراء
الكل بيترقب
الكل خائف
الكل بياخد فكرة و بس
دلوقتي الناس مقسومة نصين في سوق المستعمل
نص مقتنع إن الأسعار نزلت و ده بينزل شويه في السعر و بيبيع علطول
(و أنا عملت كده و عربيتي إتباعت في نفس يوم إعلاني عنها)
و نص تاني مش مقتنع إن الأسعار لازم تنزل و مصمم على السعر القديم
و ده بقه هو و حظه , ممكن يجيله واحد يشتري بالسعراللي هو عايزه و غالبا مش حايلاقي حد يرضى يشتري بالسعر العالي وحاتفضل العربيه معاه أسابيع و شهور
انا بصراحة عاوز ابيع الفيورا علشان خايف لا السوق يوقع جامد وما اعرفش ابيعها مستقبلا
وناس تانية بتقولى اصبر السوق ممكن تتعدل فى الاجازة
يا جماعة اللى بيخلى العربية تتباع او متتبعش هى الحالة بتاعتها مش مسالة سوق نزل او طلع انا عن نفسى لسة بايع عربيتى فنفس اليوم اللى اعلنت في رغم ان عربيتى موديل 79 يعنى بقالها 30 سنة وسوق المستعمل مش واقف ولا حاجة زى مالناس فاكرة انا نزلت السوق وشوفت عربيات كتيير بتتباع وفلوس بتطلع قدام عينى والجديد كمان بدا يتحرك لان الناس دخلة على الربع الاول من السنة والاسعار منزلتش ومتحركتش فالناس بدات تشترى صحيح الاسعار نزلت شوية بس مش زى محنا مكنا متوقعين للاسف نزلت الف والفين وتلاتة انما احنا كنا عاوزين اقل شىء 30 % اما اليابانى بقى فدة حكايتة حكاية تانية خالص تصورو اليابانى سعرة زاد جامد عن 2008 بسبب الين يعنى لانسر شارك 2008 كانت ب127 الف هاف سبورت خليجى دلوقتى هى هى بنفس الموصفات ب135 الف واقول للراجل بتاع المعرض ازاى دى كانت ب127 الف يقولى دة كان زمان ياباشا مافيش الاسعار دى دلوقتى ولو لقتها حتبقى العربية ملعوب فيها ومعمول فيها شغل وبتتباع على انها زير ولو عملت اية مش حتعرف الشغل اللى اتعملت فيها غير لو جبت واحد بروفيشنال يشوفها .. لكن نرجع ونقول حسبنا الله ونعم الوكيل السبب الاكبر فالجمارك اللى مش عاوزة تنزل ..ربنا يهدى
انا شايف انها نزلت شوية بسيطة
الأسعار أجمالاً نزلت سواء جديد او مستعمل محدش ينكر كدة بالنسبة للمستعمل الغالبية العظمى نزلت وفي أسعار نزلت كتير وفي أسعار لسة ماسكة نفسها وكلها مسألة وقت والتوكيلات دلوقتي بتبيع العربيات الجديدة في سوق المستعمل على أنها مستعملة والعربيات ماشية 2000 - 5000 كيلو كلها مسألة وقت .
انا شايف ان اللى معاة عربية مستعملة وعاوز يجيب زيرو دة انسب وقت يبيع فى بس لو عربيتة حالتها حلوة خسارة يبيع انما لو نص نص يبقى بيع وبدون بتردد
السوق في حالة ترقب وحركة البيع والشراء محدودة
لو محتاجها في شغل في مصلحة يقضيها هيبيعها ليه ؟ لأ طبعاً يخليها ساتراه ويقضي بيها مصالحه وربنا يرزقه باللي أحسن منها .اقتباس:
يعنى اللى معه عربية قديمة يخلص منها؟؟؟؟؟؟
لو مش محتاجها ضروري الأفضل أنه يبيعها لأن الأسعار في أنخفاض والسيارات القديمة ليها وضع خاص لأنها من ناحية بقت شيء من التاريخ ومن ناحية تانية الناس بقت عاوزة تركب جديد ومن ناحية ثالثة القانون بتاع تكهين العربيات القديمة دة غير التخفيض ال 4% على العربيات الأوروبي دة غير أتفاقية أغادير كل دة هيوفر للناس أختيارات أفضل وأحسن من ما كان موجود وبسعر كويس ويقدر عليه شرائح كتير من السوق وبالتالي مش هيفكروا يشتروا العربيات القديمة يبقى ماتبيعهاش لية ؟
اللي معاه عربية قديمة ( قديمة يعني من عصر الثمانينات ) و مش محتاجها يبيعها ولو تنازل عن جزء من السعر مفيش مشاكل وبعد كدة يقعد على فلوسه ويخليها في حضنه تدفيه لحد ما الأسعار تنزل وبالمرة يكون حوشله قرشين حلوين من التخفيضات في مصروف بيت مصروف مدارس الخ وبعد كدة يشترى براحته وهو مطمن ويجعله عامر .
متأكد بنسبة 100 % والحكاية دي دكاكيني بينهم وبين بعض بيصرفوا العربيات والعربيات بتوصل سوق المستعمل عاملة 3 الآف و4 الآف كيلو .اقتباس:
انت متاكد من الكلام ده
اللي انت بتقوله ده خطير جدا
واللهى اللى انا شايفه انه لسه زى ماهوه بس فى بعض الشواذ
1- هيصرفوا البضاعة اللي عندهم قبل مالبارومة تضرب فيها وتصدي وتتباع موديل قديم برخص التراب .اقتباس:
وهما كده هيستفيدوا ايه
2- مش هيزعلوا منهم الوكلاء والموزعين اللي محتكرين السوق وبيعاقبوا أي حد بيرخص أسعاره ودة حصل فعلاً وعندك مثال سمير ريان وقفوا التعامل معاه ومش بيدولوا عربيات دلوقتي ألا لما يعلن عن الأسعار بتاعتهم من غير تخفيض .
اعتقد ان اسعار المستعمل مش هتفرق بالنسبة لراجل معاه عربية وعايز يبعها علشان يشترى موديل احسن هو كده كده هيدفع تقريبا نفس الفرق وممكن يكون اقل زى اللى بيغير الدهب هيدفع فرق الجرامات والمصنعيه يبقى من مصلحة الفئه ديه ان الاسعار تنزل والناس اللى لسه هيشتروا عربيات برضه من مصلحتهم ان سعر العربيات ينزل اعتقد ان الفئه الوحيدة اللى ممكن تضرر من هبوط الاسعار هيه الفئه اللى هيبع العربيه علشن سبب غير ان هيشترى عربيه تانيه هو ده بس المضرور وديه فئه مش كبيرة لان اللى بيتعود ان يكون معاه عربيه مش سهل يفرط فيها علشان كده انا نفسى ان الاسعار تنزل الى اكبر قدر ممكن لان اللى هيشفاد اكبر من اللى هيضر
فى دوله من دول العالم اسعار العربيات تقريبا هي متوسط مرتب 10 شهور او اقل لكن فى مصر اكتر من ثلاث سنوات
يا جماعة مع احترامى لكل الاعضاء و الاراء انا شايف ان احنا هنا فى مصر اى حاجة ممكن تحصل تقلب حال السوق زيرو او مستعمل
يعنى مثلان قرار او اشعة عن الجمارك تقلب السوق من يمين لشمال و العكس
اسعار البنزين اللى ناس بتقول انو بعد كدة هيكون 92 و 95 و طبعا دا معناه مصاريف تشغيل اكتر و تبقى العربية اللى حتى مش بتاكل بنزين زى بيت تانى مفتوح
و الكل يبيع و ينزل السعر
و اللى يقولو ان البنزين هيرخص و الناس تقولك كدة العربية هتوفر و كلو يشترى و تطلع اسعار العربيات
مشكلتنا ان كلنا بنقعد نقول بيقولو سمعنا لكن دايما بنتفاجئ بقرارات تقلب الدنيا و اللى انا متأكد منو انها قرارات على المستهلك الغلبان لصالح اللى مش محتاج
و انا اعتقد ان الحكومة هتلحق الناس اللى مش محتاجة دى بقرار يخليهوم يبعولنا و هما حطين رجل على رجل
و نصيحة مش تقارنو مصر بباقى العالم لأن احنا شعب دمو خفيف فعلان و احنا مش فهمين نفسنا
يعنى مثلان الدولار عندنا يطع برة يطلع هنا و لما ينزل برة بردو يطلع هنا!!!
ساعة انفلونزا الطيور فى كل بلاد العالم الفراخ رخصت عندنا ههههههههههه
بقت الفرخة ام 6 جنيه ب 20 و 25 تفتكرو بعد كدة ممكن نقيم الاسعار عندنا بالسوق العالمى
انا مش معنا كلامى ان العربيات مش هترخص علشان مش اتفهم خلط بس قصدى ان موش نربط بين قوانين السوق المصرى الجميل و اى سوق اخر.
المنطق بيقول كل القديم يترمي يعني لا بيع ولا شراء
والجديد سوقه واقف وأسعاره رخصت
وطبعاً إحنا ليس لنا دخل بهذا مطلقاً وإتجاهنا هو عكس الإتجاه
والله عن تجربة كل الفيات القديم من 128 الى 132 131 125 ريجاتا ريتمو مبقاش ليهم سعر خالص اما من 2000 الى 2005 دية فترة مطلوبة جدا فى كل الانواع وسعرها زى ما هو اما بعد 2005 بردوة غليت عن الاول و السبب ان كل الى معاة تاكسى قديم عمل احلال و جاب عربية بعد 2005 علشان يشغلها تاكسى و بيتهيألى دة واضح اليومين دول فى الشوارع
يا جماعة الدايو لانوس موديل 2000 كوري , بحالة جيدة .
سعرها ممكن يكون كام دلوقتي ؟؟
ياريت تفيدوني بمتوسط السعر , جزاكم الله خيرا