تقرير صيانة ال1000 للجين تو
الحمد لله عملت صيانة ال1000 اخيرا في الفرع الصحراوي بتاريخ 7/2/2009:coool:, وكانت كالتالي:
وصلت في تمام الساعة 9 والعربية كانت عاملة 1280كم وكانت المفاجأة اللي فرحتني جدا لما شوفت اكتر من 20جين تو واقفة بس كان نفسي اقابل حد من الاعضاء الكرام بس غالبا محدش كان موجود, علشان انا اعدت ابص عالعربيات من تحت لتحت:colsmil: إني الاقي حتى شعار نايل موتورز ,أبدا:N_no[1]:.
المهم قابلت المهندس كريم وهو مهندس قمة في الذوق والاخلاق:S_thum1[1]: وسالتوا عن المهندس أمر قالي هييجي بس متاخر, المهم طلعنا جربنا العربية علشان نشوف ايه المشاكل اللي فيها, وكانت ملاحظاتي بسيطةخالص وكانت كالتالي:
1-تربيط العفشة.
2-الفرامل حاسس انها خفيفة او سايبة شوية.
3-في حدفة يمين شوية.
4-احيانا سنتر الباب الخلفي يمين ونور الصالون بيعلق.
5-قلب الباب الخلفي اتفك.
وكان رده كالتالي:
1-متقلقش احنا كده كده في صيانة ال1000 بنربط العفشة.
2-لما جربنا العربية طلعت الفرامل كويسة وان ده احساس طبيعي علشان نظام الabs (وممكن بسبب الهسهس اللي عندي:shyy:).
3-هو ملاحظش الحدفة علشان الطريق بره كله مكسر مقدرش يحكم عليها كويس , وقالي متقلقش هنشيك عالزوايا ولو في حاجة هنعملها.
4-هيتم مراجعة كهرباء العربية كلها.
5-تم تربيط قلب الباب الخلفي.
وملاحظاتي بعد التجربة,:3mla: العربية بجد بقت عربية تانية خالص وسحب جامد:B4_048:, انا معرفتش اجيب اكتر من 120 قبل ماطلع عالمحور علشان الطريق كان زحمة.
وللاسف لما طلعت عالمحور قولت اجرب اشوف موضوع الحدفة يمين ده اتعمل ولا لآ , وكان الرد لآ :_Alshmokh08[1]:لسه فيها نفسي الحدفة, قولت بلاش اعكر فرحتي وابقى اروح اعملها في اي حتة وخلاص.
تكاليف صيانة ال1000 كانت 177.37 تغيير زيت وفلتر.
وده كان ملخص صيانة ال1000, اراكم في الحلقة القادمة وصيانة ال5000 ان شاء الله.
