تقرير صيانة ال1000 للجين تو

**M.Nabil** · 08-02-2009 12:05 PM

الحمد لله عملت صيانة ال1000 اخيرا في الفرع الصحراوي بتاريخ 7/2/2009, وكانت كالتالي:

وصلت في تمام الساعة 9 والعربية كانت عاملة 1280كم وكانت المفاجأة اللي فرحتني جدا لما شوفت اكتر من 20جين تو واقفة بس كان نفسي اقابل حد من الاعضاء الكرام بس غالبا محدش كان موجود, علشان انا اعدت ابص عالعربيات من تحت لتحت إني الاقي حتى شعار نايل موتورز ,أبدا.

المهم قابلت المهندس كريم وهو مهندس قمة في الذوق والاخلاق وسالتوا عن المهندس أمر قالي هييجي بس متاخر, المهم طلعنا جربنا العربية علشان نشوف ايه المشاكل اللي فيها, وكانت ملاحظاتي بسيطةخالص وكانت كالتالي:
1-تربيط العفشة.
2-الفرامل حاسس انها خفيفة او سايبة شوية.
3-في حدفة يمين شوية.
4-احيانا سنتر الباب الخلفي يمين ونور الصالون بيعلق.
5-قلب الباب الخلفي اتفك.

وكان رده كالتالي:
1-متقلقش احنا كده كده في صيانة ال1000 بنربط العفشة.
2-لما جربنا العربية طلعت الفرامل كويسة وان ده احساس طبيعي علشان نظام الabs (وممكن بسبب الهسهس اللي عندي).
3-هو ملاحظش الحدفة علشان الطريق بره كله مكسر مقدرش يحكم عليها كويس , وقالي متقلقش هنشيك عالزوايا ولو في حاجة هنعملها.
4-هيتم مراجعة كهرباء العربية كلها.
5-تم تربيط قلب الباب الخلفي.

وملاحظاتي بعد التجربة, العربية بجد بقت عربية تانية خالص وسحب جامد, انا معرفتش اجيب اكتر من 120 قبل ماطلع عالمحور علشان الطريق كان زحمة.
وللاسف لما طلعت عالمحور قولت اجرب اشوف موضوع الحدفة يمين ده اتعمل ولا لآ , وكان الرد لآ لسه فيها نفسي الحدفة, قولت بلاش اعكر فرحتي وابقى اروح اعملها في اي حتة وخلاص.

تكاليف صيانة ال1000 كانت 177.37 تغيير زيت وفلتر.

وده كان ملخص صيانة ال1000, اراكم في الحلقة القادمة وصيانة ال5000 ان شاء الله.

**MedaSam** · 08-02-2009 12:12 PM

مبروك عليك و عقبال صيانة ال 10000000 ألف ان شاء الله

متسكتش على موضوع الحدفه ده ...... ده خطر جدا خصوصا على السرعات العاليه

**M.Nabil** · 08-02-2009 12:15 PM

المشاركة الأصلية كتبت بواسطة MedaSam

مبروك عليك و عقبال صيانة ال 10000000 ألف ان شاء الله

متسكتش على موضوع الحدفه ده ...... ده خطر جدا خصوصا على السرعات العاليه

اشكرك يا جميل على ذوقك, وان شاء الله هشوف حد بتاع زوايا كويس كده يظبطهالي.
شرفتني بردك.

**momenhamdy** · 08-02-2009 05:13 PM

الف مبروووووووووووك يا باشمهندس مايكل علي صيانة ال 1000 و عقبال صيانة ال 100 الف
بالنسبة للنقطة الخاصه بالزوايا حضرتك ممكن تروح مركز بريدجيستون او اي مركز تاني محترم وخليه يظبط زوايا
بس في سؤال عايز اسئلوا لحضرتك هو الحدفه اليمين ملحوظه و لا كأنها تحميل خفيف اوي اوي ؟؟؟
والف مبروووووووووك مره تانيه علي الصيانه

**Ayman_52** · 08-02-2009 06:45 PM

الف الف مبروك...على صيانة 1000...وعقبال الــ100000 إن شاء الله

وربنا يباركلك فى عربيتك مايكل باشا ...ويحفظهالك من كل شر يارب

مايكل باشا ياريت تتفضل وتشوف مكان المقابله والوقت مناسبين ليك..وتقولنا اقتراحك.

تحيــــــــاتى

**elmadawy** · 08-02-2009 06:59 PM

الف مبروك علي صيانه الالف وعقبال صيانه مائه الف

**M.Nabil** · 08-02-2009 11:04 PM

المشاركة الأصلية كتبت بواسطة momenhamdy

الف مبروووووووووووك يا باشمهندس مايكل علي صيانة ال 1000 و عقبال صيانة ال 100 الف
بالنسبة للنقطة الخاصه بالزوايا حضرتك ممكن تروح مركز بريدجيستون او اي مركز تاني محترم وخليه يظبط زوايا
بس في سؤال عايز اسئلوا لحضرتك هو الحدفه اليمين ملحوظه و لا كأنها تحميل خفيف اوي اوي ؟؟؟
والف مبروووووووووك مره تانيه علي الصيانه

الله يبارك فيك يا استاذ مؤمن, شرفتني بردك.
بالنسبة للحدفة انا جربتها على المحور على اساس انه يعتبر طريق نضيف مفيهوش مطبات او اي حاجة, وظبط الدريكسيون لاقيت ان الحدفة ملحوظة, وكان راكب واحد قريبي معاه جين تو بردوا لاحظها, وبإذن الله اروح مركز بريدجستون يظبطوها.
واشكرك مرة تانية لمرورك.

**M.Nabil** · 08-02-2009 11:22 PM

المشاركة الأصلية كتبت بواسطة Ayman_52

الف الف مبروك...على صيانة 1000...وعقبال الــ100000 إن شاء الله

وربنا يباركلك فى عربيتك مايكل باشا ...ويحفظهالك من كل شر يارب

مايكل باشا ياريت تتفضل وتشوف مكان المقابله والوقت مناسبين ليك..وتقولنا اقتراحك.

تحيــــــــاتى

استاذ ايمن اشكرك يا جميل على ذوقك ودعاك الجميلة, ربنا يباركلنا جميعا في عريباتنا ويحفظها من كل شر.
وبالنسبة لموضوع المقابلة رايي بعتوا في موضوع حضرتك وياريت يعجبكم.
شرفتني بردك الجميل

المشاركة الأصلية كتبت بواسطة elmadawy

الف مبروك علي صيانه الالف وعقبال صيانه مائه الف

الله يبارك فيك , واشكرك على ردك الجميل.

**khpopo** · 08-02-2009 11:24 PM

مبرووك الصيانة وعقبال كل صيانة
نصيحة قبل ماتروح تضبط زوايا اعمل التجربة دة امش فى شارع ولما تحدف يمين ارجع عكسى وشوف هاتحدف برضة يمين ولا ؟؟؟... المهم الشارع يكون اتجاهين عشان المخالفات
ربنا يوفق

**M.Nabil** · 08-02-2009 11:40 PM

المشاركة الأصلية كتبت بواسطة khpopo

مبرووك الصيانة وعقبال كل صيانة

نصيحة قبل ماتروح تضبط زوايا اعمل التجربة دة امش فى شارع ولما تحدف يمين ارجع عكسى وشوف هاتحدف برضة يمين ولا ؟؟؟... المهم الشارع يكون اتجاهين عشان المخالفات

ربنا يوفق

الله يبارك فيك استاذ خالد, شرفتني بردك.
انا فعلا جربت وانا رايح ووانا راجع كان نفس الكلام, اشكرك عالنصيحة الغالية.

الموضوع: تقرير صيانة ال1000 للجين تو

LinkBack

أدوات الموضوع

عرض

تقرير صيانة ال1000 للجين تو - انشر الموضوع فى :

-

-

-

-

-

-

-

-

المواضيع المتشابهه

صيانة ال1000

تقرير صيانة 40000 كم للجين تو

قبل صيانة ال1000......

تقرير صيانة ال1000 لبروتون واجا مميزات وعيوب

تقرير صيانة الالف كيلو للجين 2 Facelift

الكلمات الدلالية لهذا الموضوع

المفضلات

المفضلات

ضوابط المشاركة