صيانة ال 40.000 لانسر 2007 ( خارج التوكيل )

انا لسه عامل صيانة ال 40000 امبارح خارج التوكيل نظرا لحبى الشديد فى التوكيل .. المهم ندخل فى التفاصيل ...

أولا أسعار قطع الغيار :

* فلتر بنزين 375 ( من الوكيل فى السعودية )
* فلتر هواء 155 ( من الوكيل فى السعودية )
* تيل فرامل 250 ( من الوكيل فى السعودية )
* 5 لتر زيت اوتوماتيك 120 ( من موبيل )
* بوجيهات 110 ( من الوكيل فى اسكندرية ) والمهندس طارق كاتب انها ب 88 جنيه فا هل ثمنها زاد ؟؟؟؟؟

ثانيا اعمال الصيانة : 150 جنيه وتشمل الاتى :
1- تربيط العفشة
2- تركيب قطع الغيار
3-عمل diagnosis بالكمبيوتر على العربية وده مش حاجة اساسية بس هو عملهولى عشان كان عندى مشكلة فى ال airbag وبكره انشاء الله رايحله عشان يظبطها

* ثمن الصيانة دى فى التوكيل : 1608 ( من غير الكشف بالكمبيوتر ) ولو عملت كشف بالكمبيوتر حيبقى كله : 1608 +160 = 1768

* اللى انا دفعته بقى : 1160 .


يعنى وفرت : 608 والعربية بتتصان قدام عينى .

طيب حضرتك عملتها فين بالظبط
بالتأكيد سيادتك كده خرجت بره الضمان و اعتقد ان دي مغامرة برضه لان ايه اللي يضمن ان قطع الغيار اللي راكبة اصلية و مع افتراض انها اصلية ايه اللي يضمن حدوث اي مشاكل منها
فهل مركز الصيانة اللي حضرتك روحتله بيديك ضمان علي الصيانة دي و لا ايه و ربنا يحرسك ان شاء الله

محمد فهمي

ممكن حضرتك توضح يعنى ايه الوكيل فى السعوديه

اقتباس:

---

المشاركة الأصلية كتبت بواسطة zizo

ممكن حضرتك توضح يعنى ايه الوكيل فى السعوديه

---

+111111111111111

انا اولا من اسكندرية وعربيتى سعودى وضمانى تبع مجدى شاهين .

قطع الغيار أصلية لأنى مشتريها من التوكيل مش من محل قطع غيار .

اللى اقصده بالوكيل فى السعودية هو العيسائى وده الموقع بتاعهم http://www.alesayi.com.sa

اللى انا بصلح عنده ده مهندس قسم ميكانيكا وتخصصه فى العربيات الأمريكانى بس عشان انا مقتنع تماما ان التوكيل مالهوش اى ميزة عن اى حد برة غير فى قطع الغيار الأصلية والأجهزة فابالتالى لما اعرف واحد خبرة فى العربيات واسعاره كويسة وعنده جهاز الكشف بالكمبيوتروكل اللى راحله بيشكر فيه يبقى لازم يكون هو نمرة واحد بالنسبالى مش التوكيل . وكفاية ان عربيتى قدام عينى وهو شغال فيها .

ولا انتم ليكم رأى تانى ؟

على فكرة يا جماعة فكرة ان الواحد يدور على حد يعملوه صيانة عربيته خارج التوكيل موجودة فى عربيات تانية .. على سبيل المثال فى الحرفيين عندنا فى واحد اسمه البمبى وده ماسك صيانة Bmw .. يعنى لما اصحاب ال Bmw ( عقبلنا يا رب ) يعملوا صيانتهم بره يبقى اكيد السبب انهم مش مرتاحين للتوكيل وعشان عرفوا ميكانيكى كويس .

والله فكره حلوه
انا كنت بفكر من فتره انى اجيب التيل من توكيل متسوبيشى بتاع الكويت
بس الحقيقه كنت عايز اعرف رقم التيل علشان اسأل علي سعره الاول
عربيتى برضو 1600 اوتو بومه 2008

صحيح انت حطيط زيت فتس عادى ولا زيت cvt ؟

خلي بالك النقطة دي مهمة جدا ما تحطش زيت اتوماتيك عادي لفتيس cvt حيحصل دمار فوري للجير بوكس

ارجو الاطلاع على هذا الرابط

http://www.nilemotors.net/Nile/showthread.php?t=55824

هو انا بصراحة معرفش رقم التيل . بس هما سألوا عن رقم الشاسيه اللى مكتوب فوق التابلوه ناحية السواق عشان يتلعوا قطع الغيار .


انا الزيت اللى حطيته هو موبيل بس حكاية ال cvt بصراحة معنديش فكرة عنها .

شكرا على معلومة الفتيس دى وان شاء الله بكره حبقى اسأل فى التوكيل عن نوع الزيت اللى بيستخدموه ولو كان مش موبيل حبقى اشتريه

يمكن حضرتك وفرت دلوقت المبلغ ده لكن بفرض ان قطعة الغيار اللى انت ركبتها و هى اصلى طلع فيها مشكلة حاتعمل ايه
التوكيل بيضمن قطعة الغيار بعد التركيب لمدة معينة و لما بتشترى قطع الغيار من منفذ البيع الخاص بالتوكيل على اعتبار انك حاتركبها برة بيختم على الفاتورة انهم غير مسئولين عن قطعة الغيار طالما تم تركيبها خارج التوكيل

واضح ان حضرتك عملت كارثه فى الفتيس بتاع حضرتك و قصفت عمره لو هوcvt لو عربيتك 1600 لأن له زيت مخصوص جدا غير متوفر غير فى التوكيل فقط و واضح ان الشخص اللى انت حطيت فيه ثقتك و خليته عملك الصيانه معندوش المعلومه ده هو كمان حطيلك الزيت الموبيل اللى انت جيبته... و غالبا بنسبه 95% الزيت اللى حطيته مش بتاع الcvt لأن تكنولوجيا الcvt مش موجوده غير فى عربيات قليله قوى فى مصر و تقريبا مفيش غير عربيتين أعرفهم فى مصر فتيسهم Cvt وهو الانسر ال1600 اتوماتك و الهوندا سيتى ال1500 اتوماتك فقط و زيتهم فى التوكيل فقط لأنه مختلف عن زيت الأتوماتك المتاح فى كل حته.

يا جماعة ولا مشكلة ولا حاجة العربية اصلا مشيت بعد الصيانة 300 كيلو وحغير الزيت لزيادة الأمان واهو كأنى كنت بنضف الجير من القرف اللى كان فيه عشان الزيت كان نازل أسود غامق ( مجتش على 120 جنيه يعنى )

بس بردوا مش رايح التوكيل وممكن اقول اسبابى :

1- لما يكون فى خبطة فى الأكصدام الأمامى والتوكيل يكتب فى المعاينة ( محاولة اصلاح أو تغيير ) وانا اصلحه بره ب 20 جنيه . يبقى التوكيل اكيد بيفهموا . " الصفوة "

2- لما عربية صاحبك يتركبلها فوج لايت فى التوكيل كبس من غير ما يتربط . يبقى التوكيل اكيد بيفهموا . " الصفوة "

3- لما تروحلهم وكل كهربة العربية بايظة بسبب قطع ضفيرة الكهربة اثناء محاولة سرقتها ويقولوا وديها القاهرة . يبقى التوكيل اكيد بيفهموا . " المأمون "

اقتباس:

---

المشاركة الأصلية كتبت بواسطة lovelorn

يا جماعة ولا مشكلة ولا حاجة العربية اصلا مشيت بعد الصيانة 300 كيلو وحغير الزيت لزيادة الأمان واهو كأنى كنت بنضف الجير من القرف اللى كان فيه عشان الزيت كان نازل أسود غامق ( مجتش على 120 جنيه يعنى )

بس بردوا مش رايح التوكيل وممكن اقول اسبابى :

1- لما يكون فى خبطة فى الأكصدام الأمامى والتوكيل يكتب فى المعاينة ( محاولة اصلاح أو تغيير ) وانا اصلحه بره ب 20 جنيه . يبقى التوكيل اكيد بيفهموا . " الصفوة "

2- لما عربية صاحبك يتركبلها فوج لايت فى التوكيل كبس من غير ما يتربط . يبقى التوكيل اكيد بيفهموا . " الصفوة "

3- لما تروحلهم وكل كهربة العربية بايظة بسبب قطع ضفيرة الكهربة اثناء محاولة سرقتها ويقولوا وديها القاهرة . يبقى التوكيل اكيد بيفهموا . " المأمون "

---

طيب انت ما رحتش المركز الرئيسى ليه و عملت الصيانة هناك , و معلمتش شكوى ليه فى المراكز المذكورة دى

فى معلومة كنت عايز اضيفها

انا لسه دلوقتى حالا كلمت التوكيل وكان الرد :

1- ( المأمون ) وده نمرته 034844617 للى يحب يتأكد : الزيت مش موجود دلوقتى وخليك على اتصال بينا .

2- ( الصفوة ) ودى نمرته 033622205 للى يحب يتأكد : الزيت اللى بنستخدمه فى الأوتوماتيك هو زيت موبيل سواء كان الجير cvt او عادى .

يعنى انا لو كنت روحت التوكيل كان بردوا حطلى زيت موبيل .

شوفتوا بقى ان التوكيل مش غشاش ازاى ؟؟

انا مش ضد التوكيل عشان محدش يفهمنى غلط بس على شرط انك تحس انك مطمأن على عربيتك عنده . بس مادام الأحساس ده مش موجود يبقى تروح عند اى حد وخلاص لو شغله كويس .

السبب انى مش بروح المركز الرئيسى انى اصلا معرفش مكانه وكمان الوقت ضيق اوى عشان ظروف الشغل

اقتباس:

---

المشاركة الأصلية كتبت بواسطة lovelorn

فى معلومة كنت عايز اضيفها

انا لسه دلوقتى حالا كلمت التوكيل وكان الرد :

2- ( الصفوة ) ودى نمرته 033622205 للى يحب يتأكد : الزيت اللى بنستخدمه فى الأوتوماتيك هو زيت موبيل سواء كان الجير cvt او عادى .

يعنى انا لو كنت روحت التوكيل كان بردوا حطلى زيت موبيل .

شوفتوا بقى ان التوكيل مش غشاش ازاى ؟؟

---

الكلام ده كارثه لو مضبوط و اسأل عن موضوع زيت الCVT وهتعرف و تتأكد انه مختلف وان موضوع الزيت ده حساس جدا بالنسبه للفتيس الCVT لأنه باختصار نظريه عمله مش مبنيه على التروس و لكن جنزير معدنى ينزلق على بكرتين للداخل و الخارج و فى نفس الوقت لا يجب ان ينزلق فى اتجاه دورانه لكى ينقل الحركه بكفاءه و معامل الاحتكاك بينه و بين البكر مدروس بدقه بالغه و يجب له زيت ذو لزوجه و سيوله معينه.

http://www.nilemotors.net/Nile/showthread.php?t=55824

إقرأ هذا الموضوع وانا مشارك فيه....................

شكرا استاذ محمد وجميع الأعضاء على النصيحة

بس انتو شفتوا حال التوكيل فى اسكندرية عامل ازاى ( واحد معندهوش والتانى ميعرفش ايه زيت ال cvt اصلا )

عموما اللى قدامى دلوقتى ان فى واحد بيصلح اوتوماتيك بس فا هنزل اشوف عنده الزيت ولا لأ

CVT fluids are HIGHLY specific and specialized. Suggest you get it at the dealer and ONLY at the dealer. You risk trashing your box if you do not use the original fluid. there are so few CVT's in the world, and they are so different from each other, that there is absolutely no singly fluid that covers more than one.
Hope this helps

thanks alot nobody , but what would u do if u were in my place

service centers r rubbish & donot have the cvt fluid which means that if i did the repairs at the center , they would have added the conventional automatic transmission fluid .

i will do my best to buy the cvt oil

do u know whether it exist in the service center in kalyoob where eng. tarek zewel works ?

انا سألت مدير عام الصيانة في التوكيل عن موضوع زيت الـ CVT وهل فعلا ان اي زيت غير الأصلي بتاع ميتسوبيشي بيضر الفتيس وممكن يتلفه وقال الآتي :

زيت الفتيس CVT بنجيبه من ميتسوبيشي اليابان وماركته ATF SP III dia-queen وهو اللي بتنصح باستخدامه شركة ميتسوبيشي مع الفتيس الـ CVT لكن مش معنى كده ان زيوت الفتيس الأخرى تتلفه وان للأسف قوانين الاستيراد في مصر بتحظر استيراد الزيوت طالما شركات البترول في مصر بتوفرها وبالتالي استيراد الزيت ده من اليابان بيكون بكميات مش كبيرة وبالتالي بيخلص قبل ورورد الكميات الجديدة وفي الحالة دي بنستعمل زيت موبيل وده ليس اقل جودة من الزيت المستورد او فيه ضرر على الفتيس انما اكيد الزيت اللي بتنصح به ميتسوبيشي وبيجي من عندها بيكون افضل للعربية

سعر الزيت الأصلي 9 لتر × 27.5 جنيه للتر بالاضافة الى ضريبة المبيعات

حاليا الزيت الأصلي منتهي من التوكيل وبالتالي مش موجود عند المأمون أو الصفوة ومش غلط استخدامهم لزيت موبيل

كذلك انا قلت له على موضوع قطع الضفيرة اثناء محاولة سرقة العربية وقال (ان الكلام ده كان من فترة طويلة وهو فاكره كويس لأن المأمون بلغوه في وقتها وده كان بسبب ان معندهمش جهاز تحليل الأعطال وحاليا الصفوة والمأمون عندهم الجهاز وبالتالي امكانياتهم كاملة زي قليوب بالظبط).

الحمد لله حضرتك طمنتنى أوى أوى أوى وبكده انا حمشى على زيت موبيل وأكون على اتصال بالتوكيل ولما يكون متوفر حشتريه أو ممكن اجيبه من السعودية فى خلال شهر .

بالنسبة للميكانيكى اللى بصلح عنده قالى مفيش اى مشاكل من زيت موبيل وانه بيستخدمه مع عربيات لانسر كتير و ليبرتى وكوماندر . وقالى متنزلهوش على ضمانتى . وبعد كلام مهندس طارق كده يبقى كلام الميكانيكى مضبوط .

الحمد لله

مفيش مشكله فى ماركه الزيت انه يكون موبيل أو أى ماركه بس يكون موبيل مخصص للCVT وليس الموبيل اللى بنحطه فى الأتوماتك العادى عشان فى فرق جوهرى فى المواصفات و المتطلبات بين الأتنين و حتى الزيت الأصلى ATF SP III dia-queen فى الكتالوج بتاع العربيه مختلف عن نوع الزيت الأصلى برده اللى فى نفس كتالوج العربيه للموديلات ال1300 سىسى اتوماتك لأن الأتوماتك بتاعها عادى ولازم علبه الزيت يكون مكتوب عليها CVT حتى لو موبيل أو شل أو أى ماركه و فى اللينك ده مثال للاختلاف بين الزيوت العاديه و الCVT

http://www.maperformance.com/eneos-f...ion-fluid.html

يا أستاذ محمد انا مقتنع بكلامك عن زيت ال cvt بس انا انهارده كنت فاضى فقعدت اقرأ فى دليل الأستخدام ولقيت ان الزيت اللى ينصح باستخدامه هو اللى المهندس طارق قال عليه ( مع العلم ان مش مكتوب أى تنويه او تحذير من ميتسوبيشى ان العربيات الأوتوماتيك العادى تستخدم نوع زيت و الأوتوماتيك ال cvt تستخدم نوع تانى ) فبالتالى ميتسوبيشى منوهتش عن اى ضرر على الجير بوكس ال cvt من استخدام الزيت العادى + ان التوكيل بيستخدم الزيت العادى + لو افترضنا ان الزيت مش ملائم كان أكيد لمبات الجير بوكس هتتهبل وهيبان مشاكل فى النقل ..

ملخص الكلام : زيت ال cvt أكيد حيحسن اداء الجير بوكس بس الزيت العادى حيديلك اداء معين وفى نفس الوقت مش حيبوظ الجير
( زى فكرة الزيت التخليقى والمعدنى للموتور : الأفضل انك تستخدم زيت تخليقى فى اول 10 سنوات من عمر الموتور بس مش معنى كده ان المعدنى استخدامه غلط )

وبالنسبة للينك اللى حضرتك باعته : فى صاحب العربية مغيرش الزيت لمسافة 120 الف كيلو .. وده كان سبب بوظان الجير مش نوع الزيت

اقتباس:

---

المشاركة الأصلية كتبت بواسطة lovelorn

يا أستاذ محمد انا مقتنع بكلامك عن زيت ال cvt بس انا انهارده كنت فاضى فقعدت اقرأ فى دليل الأستخدام ولقيت ان الزيت اللى ينصح باستخدامه هو اللى المهندس طارق قال عليه ( مع العلم ان مش مكتوب أى تنويه او تحذير من ميتسوبيشى ان العربيات الأوتوماتيك العادى تستخدم نوع زيت و الأوتوماتيك ال cvt تستخدم نوع تانى ) فبالتالى ميتسوبيشى منوهتش عن اى ضرر على الجير بوكس ال cvt من استخدام الزيت العادى + ان التوكيل بيستخدم الزيت العادى + لو افترضنا ان الزيت مش ملائم كان أكيد لمبات الجير بوكس هتتهبل وهيبان مشاكل فى النقل ..

ملخص الكلام : زيت ال cvt أكيد حيحسن اداء الجير بوكس بس الزيت العادى حيديلك اداء معين وفى نفس الوقت مش حيبوظ الجير
( زى فكرة الزيت التخليقى والمعدنى للموتور : الأفضل انك تستخدم زيت تخليقى فى اول 10 سنوات من عمر الموتور بس مش معنى كده ان المعدنى استخدامه غلط )

وبالنسبة للينك اللى حضرتك باعته : فى صاحب العربية مغيرش الزيت لمسافة 120 الف كيلو .. وده كان سبب بوظان الجير مش نوع الزيت

---

اللى تشوفه حضرتك ولكن كون هذا الفتيس ليس له اصلاح و لو باظ وجب تغييره كاملا و ان سعره جديد فى التوكيل يبلغ حوالى 30000 جنيه وحتى لو هاتجيبه استيراد سعره النهارده هيعدى ال7000 جنيه و متضمنش هيمشى معاك قد ايه ده غير التجارب والفك و التركيب مليون مره فى العربيه.........كل ده يخليك تهتم بإنك تدور على زيت مخصص للCVT حتى لو مش الماركه اللى فى التوكيل ولاكن انصحك مجرد نصيحه انك تحط الزيت اللى بيحقق المواصفات المضبوطه للفتيس لأنه فعلا حساس جدا.

تعرف حد الفتيس بتاعه باظ بسبب الزيت ؟

Compatibility of ENEOS CVT Fluid

Manufacturer: Mitsubishi Motor

Name of CVT: INVECS-III CVT

Name of Genuine or Recommended Oil :ATF-SP III


*** the question here : is ATF-SP III for CVT only or conventional AT only or for both ?


ولله ان فاهم وجهه نظرك جدا جدا بس الفكرة ان ميتسوبيشى لو شايفة ان فى خطر من الزيت العادى على ال cvt كانت أكيد حتحذر من استخدامه ( فاهمنى ؟؟؟ ) دى الشركة المصنعة وهى اعلم بكل حاجة ممكن تضر العربية فا أكيد كانت حتحذر منه زى ما فى تحذيرات كتير أوى فى دليل الأستخدام .

السلام عليكم
أود السؤال عن صيانة ال 80 أة 160 وهكذا .... ما أجزاء قطع الغيار الواجب تغييرها والصيانة الواجب عملها ، وأسعار قطع الغيار الأصلية الممكن شراءها من وكيل محترم وقيمة الصيانة نفسها عند ميكانيكى بيفهم
مع الشكر ،،،