مشكلة فى كرولا 97 - لمبة الـ Check بتنور عند سرعة 100 كم !!

:N_no[1]::U_thin1[1]:عطل فى السياره تويوتا كورلا موديل1997
http://www.almohandes.org/vb/images/smilies/eh_s(5).gifhttp://www.almohandes.org/vb/images/smilies/a18.gifلمبة التشك تضىء فى السرعات العاليه وذهبت الى مركز للكشف على السيارة بالكومبيوتر قال لى ان حساس العادم قراء بان الهواء فى العادم قليل وتم اذالة هذا العطل بواسطة الكمبيوتر و فعلا لمبة التشك لم تضىء ولاكن عندما اسير بسرعة 100 ك تضىء لمبة التشك مرى اخرى وتكرر هذا العطل اكثر من مره و مزال موجود ماذا افعل ارجو الرد بسرعه لو سمحتوة علشان انا قلقان جداااااااااااااا بسب هذا العطل وشكرااااااااااااااااااااا اااا

طالما اللمبه لا تضىء الا مع السرعات العاليه.....يبقى ممكن تكون فيشه أحد الحساسات.......بتفصل مع السرعه نتيجة رعشة المكنه..............

التوكيل هو اكتر مكان يفيدك فى الموضوع دة
لازم يحطها على الجهاز و يكشف على كل الحساسات

شكرا على الرد بس معرفتش ايه هى المشكلة و شكرااااااااااا

اقتباس:

---

المشاركة الأصلية كتبت بواسطة said_ghaber

شكرا على الرد بس معرفتش ايه هى المشكلة و شكرااااااااااا

---

شوف كهربائى كويس.....وخليه يراجع على جودة التوصيل بتاعة فيش الحساسات.....وبالذات حساس الأكسجين اللى بتقول عملولك فيه شغل فى مركز الخدمه....وجرب وقولنا

بص عادة دا بيكون نتيجة سوء البنزين. انت بتحط بنزين نوعه ايه؟ غير المحطة

واحتمال اكبر يكون حساس الاكسجين باظ وكدا يبقى كتر خيره لأنه مفروض يتغير كل 100000

عارف ايه الي يثبتلك صحة انتهاء عمر الحساس ده؟ ان العربية تاكل بنزين

وبعدين معلش لو انت زي ما بتقول كدا رحت عند واحد وشاف فيه عيب على الحساس العيب بيكون حاجة من 3

Open Circuit أو Short Circuit أو In-operative

الحالتين الاولى والاخيرة اللمبة متنورش التانية تنور

روح عند حد بيفهم

شكرا على الاهتمام الكبير وعلى الردود
انا بستعمل بنزين 90 ثانيا انا قولت حساس العادم وليس حساس الهواءثالثا قال لى الفنى ان حساس العادم قراء بان نسبة الهواء فى العادم قليله هذا كل ما قال لى رابعا يوجد عندى رعشه بسيطه فى السياره خصوصا فى بدءادارة السياره انتظر نصائحكم الجميلة من مهندسين المنتدى و المشرفين و لكم كل الشكر منى و التقدير

السلام عليكم ورحمة الله وبركاته

حساس العادم هو حساس الأكسجين هو حساس الشكمان
وهو المسؤل عن نسبة خليط الهواء والبنزين، وبما ان حضرتك رحت قبل كده وظبطولك العملية بالجهاز واللمبة نورت تاني فده معناه إن الحساس عايز يتغير.

أما الرعشة فلا علاقة لها بالحساس، يجب فحصها لبيان السبب
وفقك الله

اقتباس:

---

المشاركة الأصلية كتبت بواسطة said_ghaber

شكرا على الاهتمام الكبير وعلى الردود
انا بستعمل بنزين 90 ثانيا انا قولت حساس العادم وليس حساس الهواءثالثا قال لى الفنى ان حساس العادم قراء بان نسبة الهواء فى العادم قليله هذا كل ما قال لى رابعا يوجد عندى رعشه بسيطه فى السياره خصوصا فى بدءادارة السياره انتظر نصائحكم الجميلة من مهندسين المنتدى و المشرفين و لكم كل الشكر منى و التقدير

---

طيب عملت ايه فى موضوع اللمبه اللى بتنور مع السرعه العاليه الأول......................

اقتباس:

---

المشاركة الأصلية كتبت بواسطة m_awad

السلام عليكم ورحمة الله وبركاته

حساس العادم هو حساس الأكسجين هو حساس الشكمان
وهو المسؤل عن نسبة خليط الهواء والبنزين، وبما ان حضرتك رحت قبل كده وظبطولك العملية بالجهاز واللمبة نورت تاني فده معناه إن الحساس عايز يتغير
وفقك الله

---

انا بأيد m_awad الحساس عايز يتغيير

هو محدش قال حساس هواء أصلاً

انت مش حاسس ان العربية بتاكل بنزين؟ ولا حاسس انها مكتومة؟

حكاية الرعشة دي احتمال تكون العربية بتكون متلتة، شوف البوجيهات الأول لو مغيرتهاش بقالك كتير غيرها وأفضل نوع بالنسبة للياباني هو Ngk

بص أنا كان عندى نفس العيب فى البرافا 2001 وكل لما أجيب بعد 120 مثلا أو 140 بلاقى العربية بتقطع ولمبة الشيك بتنور لو عاوز تحصر العيب أعمل كدة أفصل حساس الشكمان وأجرى بالعربية بس هتاكل بنزين شوية ولو العيب مظهرش يبقى كدة أتـأكد أن العيب منو ولو ظهر يبقى العيب حاجة تانية وانا لما عملت كدة العيب أختفى روحت غيرت الحساس ب 350 جنية وبقت العربية زى الفل على أى سرعة.

اقتباس:

---

المشاركة الأصلية كتبت بواسطة ahmedibraheem

بص أنا كان عندى نفس العيب فى البرافا 2001 وكل لما أجيب بعد 120 مثلا أو 140 بلاقى العربية بتقطع ولمبة الشيك بتنور لو عاوز تحصر العيب أعمل كدة أفصل حساس الشكمان وأجرى بالعربية بس هتاكل بنزين شوية ولو العيب مظهرش يبقى كدة أتـأكد أن العيب منو ولو ظهر يبقى العيب حاجة تانية وانا لما عملت كدة العيب أختفى روحت غيرت الحساس ب 350 جنية وبقت العربية زى الفل على أى سرعة.

---

الله ينور يا أستاذ/ أحمد على هذه الفكره الطيبه......وبعد اذنك بلا ش أستخدام اللون الأحمرفى المداخلات..... لأنه مخصص للمشرف بتاع الورشه فقط...وأعذرنى وجب على التنبيه فقط.....أشكرك مره ثانيه

حضرتك دى بنسبه 90% بوجيهات او موبينه واحد صحبى عربيته حصل فيها كده بالزبط فى الطلعه رعشه كده ولمبه checkمنوره ولما يزود السرعه تنور و تطفى والعربيه مخنوقه كده و بتاكل بنزين جامد وطلع العيب الموبينه اتغيرت والعربيه بقت زى الفل

كل الشكر و التقدير لكل مهندسين المنتدى المميز على الردود الجميله
فعلا العربية بعد سرعة 120 تكون مخنوقة و صوت العربيه بيرتفع وبتاخذ وقت كبير علشان اجمع سرعه بعد 120 ولكن لو العربيه بتاكل بنزين يكون لون العادم اسود ولكن العادم تقريبا مش باين خالص اما بخصوص البوجيهات عاوز اعرف مقاس ضبط ثغرة البوجيه للسيارات اليبانى و افضل نوع موجود فى السوق وشكرا لكم جميعا:_Alshmokh08[1]:

اقتباس:

---

المشاركة الأصلية كتبت بواسطة said_ghaber

كل الشكر و التقدير لكل مهندسين المنتدى المميز على الردود الجميله
فعلا العربية بعد سرعة 120 تكون مخنوقة و صوت العربيه بيرتفع وبتاخذ وقت كبير علشان اجمع سرعه بعد 120 ولكن لو العربيه بتاكل بنزين يكون لون العادم اسود ولكن العادم تقريبا مش باين خالص اما بخصوص البوجيهات عاوز اعرف مقاس ضبط ثغرة البوجيه للسيارات اليبانى و افضل نوع موجود فى السوق وشكرا لكم جميعا:_Alshmokh08[1]:

---

ممكن تدخل في الجزء الخاص بمركت عربيتك ة تعرف موضوع البوجيهات
اما عن باقي المشاكل روح لميكانيكي بتاع ياباني يفك الانجكشن و الحساسات الي عليه و ينضفهم كويس الاول و تغير البوجيهات و فلتر الهواء و فلتر البنزين و بعد كدة تجرب لو المشكلة موجودة يبقي تروح بيها هلى التوكيل يحطوها على الاسكانر بتاعها و ممكن لو عاوز توفر شوف الي عاوز يتغير في تقرير التوكيل و غيره بره

شكرا اخى بس مش عارف احصل موضوع البوجيهات ممكن تساعدنى نوع السيارة تويوتا كورولا 1997هيدروماتيك cc 1600 وشكرااااااا