مفتاح الاوبترا ضاع يا رجاله!!

**bassam266** · 09-02-2009 10:29 AM

السلام عليكم

الموضوع بأختصار ان اخويا الصغير اخد المفتاح علشان يقعد فى العربيه اللى هى اساسا فى جراج الفيلا قال ايه عايز يسمع الكاسيت المهم اخد المفتاح و قعد شويه فى العربيه و قعد يلعب فى الجنينه شويه و طلع يشترى حاجات رجع قال المفتاح ضاع المهم ان النسخه التانيه فى البنك علشان لسه فاضل قسطين على العربيه انا كلمت التوكيل قالى هات النسخه من البنك و هاتها نعملك عليها سؤالى دلوقتى كالتالى:

هل الاوبترا فيها ايمبوليزر يعنى لازم اروح التوكيل اعمل نسخه عنده علشان التشفير ولا عم محمد بتاع المفاتيح ممكن يعملى عليه و يشتغل؟

لو مفيهاش و عم محمد ممكن يعمله هل عم محمد ممكن يشغلهولى على انذار العربيه ولا لازم اروح التوكيل؟

اخر حاجه بقى التوكيل قالى سعر المفتاح 557 بندق لو حعمله فى التوكيل لازم اروح بالعربيه ولا ممكن اوديلهم المفتاح التانى و هما يعملوا عليه لان الرخصه مع والدى و هو مسافر

معلش طولت عليكم بس لازم الحاج لما يرجع يلاقى المقتاح و الا قولوا عليا يا رحمن يا رحيم و شكرا مقدما

**amelsahn** · 09-02-2009 11:52 AM

أنا أنصحك روح للراجل ده الأول... المفروض انه جامد جداً و ممكن يعملك مفتاح بريموت و أسعاره تقريباً النص

الكل بيشكر فيه بس انا ماجربتوش
http://www.nilemotors.net/Nile/showthread.php?t=24919

**أبو عمار** · 09-02-2009 12:03 PM

الأوبترا مافيهاش إيمبوليزر و لكن المشكلة فى المفتاح اللى بالريموت أعتقد لازم تجيبة من التوكيل

**bassam266** · 09-02-2009 08:19 PM

متشكر اوى يا رجاله حشوف و ابقى اقولكوا

**bassam266** · 13-02-2009 05:43 AM

دلوقتى يا جماعه والدى جاب المفتاح التانى من البنك و لازم اروح التوكيل نعمل مفتاح تانى علشان الريموت السؤال دلوقتى العربيه بأسم والدى ينفع انا اروح اعمل على المفتاح يعنى حيرضوا يعملهولى انا ولا لازم والدى هو اللى يروح علشان البنك مرضاش يدينى انا المفتاح و قالى والدك هو اللى لازم يجى يستلمه فهل التوكيل حيعمل كده برضه ولا ايه؟؟ اصل والدى بينزل خميس و جمعه بس فمستحيل يروح التوكيل و شكرا مقدما