الموضوع: حولت النوبيرا بتاعتى مانيوال

العربية كلفتنى بالمصنعية وقطع الغيار وعلى فكرة انا عملت شمبر كمان
4500جنية شاملة كل شئ زيوت ومصنعية وفتيس استيراد 2000سي سي
+طقم بدالات+عصاية فتيس+اسطوانة ودسك زيرو+مستر دبرياج+بعض التعديلات فى كهرباء السيارة
والعربية كدة بقت مانيوال وعلى فكرة انا كنت قاعد مع الميكانيكى اليومين دول وشفت بعنية كل حاجة واتضحلى ان الامر بسيط جداا

اه نسيت اضيف قاعدة فتيس
وشكررا لردكوا

بس انا لسة مركب جنوط الاتوماتك وطقم الابانوس هما شكلهم حلو بالذات الابانوس
هما دول اللى ناقصين والعربية تبقى مانيوال 100 *100

المشاركة الأصلية كتبت بواسطة Ahmed20_08nubira

مبروك على العربية
بس ازاى التانى بيجيب 115 دى غريبة جدا
وياترا اية سبب السرعات العالية اللى العربية بتجبها دى
(اعتقد ان الخامس على كلامك مش هيقل عن 250 260 كيلو متر)

لا طبعا يا احمد بس هو بيحرق جامد على الغيارات اوى وده غلط طبعا
بس لو عاوز تجميع يبقى الاول لحد 50 والتانى لحد 90 والتالت 130 والرابع 180 والخامس للأخر بس حرااااااااااااام طبعا
وهتقفل العداد

المشاركة الأصلية كتبت بواسطة mummy_47

معنى كده ان كل العربيات النوبيرا الاوتوماتيك لازم تتغير...ارجو الافادة..لاني مش حاسس باي مشاكل في الفتيس بتاعي الاوتوماتيك والعربية موديل 99 يعني بقالها 9 سنين

بص الفتيس بيتغير لما بيعطل علشان تريح دماغك منه خالص
وطالما مفيش مشاكل عندك يبقى زى الفل وحافظ عليه

المشاركة الأصلية كتبت بواسطة ahmed_su

لاء طبعا مش شرط
طالما الفتيس تمام يبقى الحمد لله
ربنا يحفظهالك ويبركلك فيها

+1111111111111

مبروك على العربية
بس ازاى التانى بيجيب 115 دى غريبة جدا
وياترا اية سبب السرعات العالية اللى العربية بتجبها دى
(اعتقد ان الخامس على كلامك مش هيقل عن 250 260 كيلو متر)

اعتقد السرعات دية علشان هوة بيقول ان الفتيس دة بتاع 2000 سى سى فا الRatio بتاع الغيارات ممكن ميكونش واحد فى الأتنين اكيد فى ال 2000 سى سى الغيارات نفسها اطول لأن الموتور اقوى

المشاركة الأصلية كتبت بواسطة moudy88

ياجماعه والله من كتر الكلام على الفتيس الاوتوماتيك بتاع النوبيرا ..بقيت ماشي بالعربيه وانا حاسس انه هيبوظ في اي وقت وبقيت بفكر اني احوش ثمنه علشان لما اغيره ..مع انه الحمد لله مافيش منه اي مشاكل والعربيه تمام

نفس الشعور اللى كان بيجى لية لما كانت اتوماتك
بس إن شاء الله مدام انت مش حاسس ان كفائتة قلت عن الاول والسحب تمام يبقى امشى وانت مطمن ومش حيحصل حاجة لو انتة غيرت الفلتر والزيت كل 10الاف كيلو متر هو طبعا المفروض كل 30الف كيلو زى بقى العربيات الاتوماتك بس مع النوبيرا لا ودة عن تجربتى ليها والله

لو حسيت ان الفتيس عندك مش تمام والسحب ضعف والغيارات نتشت واتاخرت يبقى ماتمشيش بالعربية دى خارج نطاق مدينتك اللى انت عايش فيها يعنى ماتفكرش تسافر بيها عشان ممك لا قد الله تعملها معاك وبيبقى موقف سئ للغاية العربية بتبقى شغالة ةتيجى تجيبPRND321تطلعلك لسانهاوتفاجئ ان الفتيس باظ ومابتتحركش متر واحد(ودى نصيحة لاى واحد مالك نوبيرا اتوماتك الزيت الزيت الزيت والفلتر طبعا)
وإن شاء الله ربنا يسترها معاك.