يا جماعة اه هو رأيكم فى المشكله دى

لما تكون معاك لا نسر 2006 وعملت طبعا صيانه الا لف والعشرة الا ف

والفرامل زى الفل وبعدان عندما وصلت لل 16 الف بدأت تسمع صوت ترييحة فى العفشة مع الوقوف وصوت صفارة اثناء الضغط على الفرامل

وعلما انى مبسألش عنها وانا عامل دلوقتى 17500 كيلو بس برده فى صفارة فى الفرامل

هى مش جامده اوى بس تقدر تسمعها بسهولة فما هو رأيكم انتظر لل20 الف ولا اروح دلوقتى التوكيل

علما ان سيارتى لا نسر 2006 1600سىسى مانيول

فما ذا افعل؟

وهل هناك معاد لتغيير التيل الفرامل فى العشرين

ولا دا بيرجع للا ستخدام علما ان فالشهر الا خرانى طلعت عين العربيه فى السفريات والمشاوير

بس ده برده المفروض ميكنش السبب

بصراحة انا مش عارف اعمل ايه


ارجو الا فادة

اولاً هو العمر الافتراضي لتيل الفرامل اكتر من الرقم اللي انت قولتة بكتير، بس عموماً لطريقة واسلوب القيادة دور كبير في عمر التيل. لو التيل بيصفر يبقي جلص وبياكل في الطنابير يعني هيبوظلك الطنبير كمان، روح اكشف علية واتاكد ان هو دة سبب الصفارة "لان ببساطة ممكن يكون في حصوة مزنوقة وهي سبب الصوت دة".

و الله يا أخ حماده مش عارف أقولك ايه عن الفرامل ديه , أنا معايا 2007 أتوماتيك عملت بيها حتى الأن 16500 كم و فى صيانة ال10000 ألاف فى التوكيل طبعا تم الكشف عليها و كانت تمام لم أغيرها !! بعد ال15000 ألف بدأت أحس أن أداء الفرامل أصبح أقل حاجة بسيطة جدا , يعنى حاجة لا تذكر يعنى أقدر أقول 98 % , يعنى بأضطر أدوس أقوى شوية بس مفيش و لا صفارة و لا حاجة و الأداء بتاعها كما ذكرت ممتاز , و أنا ناوى ان شاء الله فى صيانة ال20 ألف أغيره حتى لو قالى التيل كويس. أفهم من كلامك أن التيل بتاعك لسه فابريكة و لا غيرت فى ال10 ألاف؟؟؟

بالنسبة للعفشة مفيش أى صوت عندى , أنت عديت على بلاعة مفتوحة مثلا أو مطب صناعى مفاجىء فى الطريق :lol:

صوت الصفارة لو كان واضح و مسموع قوى - كما يقول كتيب المالك - يبقى حضرتك لازم تغيير التيل فورا حفاظا على الطنابير بتاعتك و بالمرة تخليهم يكشفوا على العفشة. المهم بس تلاقى ميعاد و ربنا يوفقك و ان شاء الله خير , وشوف الموضوع ده برده

http://www.nilemotors.net/Forum/viewtopic.php?t=5123

أخوك اسلام

شكرا يا استاذ نادر وشكرا لا خى اسلام

على ردكم الجميل ونصيحتكم وانا فعلا سوف اذهب للتوكيل ان شاء الله خلال هذا الا سبوع وربنا يسهل من عنده

اقتباس:

---

أفهم من كلامك أن التيل بتاعك لسه فابريكة و لا غيرت فى ال10 ألاف؟؟؟

---

لا يا اخى اسلام انا لم اغير التيل فى العشرة

اقتباس:

---

بالنسبة للعفشة مفيش أى صوت عندى , أنت عديت على بلاعة مفتوحة مثلا أو مطب صناعى مفاجىء فى الطريق

---

حدث اكثر من مرة ان اكون قد اخدت مطب بس بلحق نفسى من فوق قبل العجلتين الخلفيتين ما يخشوا المطب

اقتباس:

---

صوت الصفارة لو كان واضح و مسموع قوى

---

والله هو الصوت مش مسموع اوى اوى للدرجة بس انا قلقان وحضرتك عارف القلق بيبقا عامل ازاى
وكل ما ادوس فرامل يبقى الصوت فى مرة عالى جدا ومرة يبقى صوت ضعيف

اقتباس:

---

المهم بس تلاقى ميعاد

---

اه والله هى دى المشكله وربنا يسهل

وشكرا لكم يا اخوانى الا عزاء :D

مشهور جدا ان اللانسر الشكل الجديد بياكل تيل بسرعة وغالبا بيتغير عند ال 20
ليا اكتر من 3 اصحابي في الشغل غيروا تيل عند ال 20 ونصيحة ما تملاش خالص لانه غالبا مش حلو
هات اي نوع ولو مش بتاع التوكيل بس ما تملاش

شكرا لك يا استاذ كريم على اهتمامك وردك بس المفروض انها قطعة غيار يابانية وان عمرها الا فتراضى يبقى اكترمن العشرين

دا انا كان واحد صاحبى معاه دايو لا نوس غير التيل فى ال25 الف

اقتباس:

---

مشهور جدا ان اللانسر الشكل الجديد بياكل تيل بسرعة وغالبا بيتغير عند ال 20

---

ازاى اكون معايا لا نسر واغير فى العشرين تيل فرامل

مش عارف ايه اللى بيحصل ده الصناعات تدهورت بشكل كبير

وربنا يسترها معانا
شكرا يا استاذ كريم :)

العفو يا أخ حماده :) أنا تحت أمرك , يبقى أنت كده أكيد هتغير التيل يا باشا , أعمل حسابك فى 300 جنيه تقريبا! ان شاء الله تلاقى ميعاد و يبقى طمنا عليك :)

لما تكوت عربية زي دي رائعة بكل المقاييس وتمنها منافس للكوري والمصري احيانا يبقي دي حاجة بسيطة

كلام سليم يا كريم و مفيش عربيه في الدنيا كامله

تمام كده انتوا عنكوا حق وربنا يسترها وخصوصا انى انهارده وانا ماشى بالعربية دخلت فى رصيف بس الحمد لله ربنا ستر

والعجلة باظت خالص واتأكلت بس انا قلت الحمد لله انها جت على قد كده وربنا يسترها معانا


وشكرا لكم يا اخوانى انا فعلا حغير التيل

السلام عليكم يا جماعه,,, أحب أولا أجل أوّل مشاركه في المنتدي للأخ hamada2010 ,,

الحقيقه بالنسيه لبعض قطع الغيار في السياره لا يعتمد تغيرها علي الكيلو متر وانما علي كيفيه استخدام السياره,, واضح من كلام الأخ حماده ان معظم مشيوا بالسياره داخل البلد و بالتالي معرض أكثر لثلاث أشياء:

1- كتر الوقوف و تغيير السرعه وده بيتسبب في استهلاك أكبر للوقود و لتيل الفرامل حتي لو كان الكيلو مش كتير..
2- المطبات المصريه الدوليه, اللي هيه احدي معالم الطرق المصريه,, و دي برضه بتأثر بطريقه كبيره علي عفشة العربيه وأحيانا الشاسيه مع الوقت..
3 - سواقين الأجره و الميكروباص ربنا يكفينا الشر..

أما بالنسبه للمشي في الطرق المفتوحه فده مريح للسياره من كل الاتجاهات باستثناء ضرورة تغيير الكاوتش بصوره دوريه كل 60000 قبل ظهور أي عيب فيه حفاظا علي أماننا عالطريق

لكن أنا في الآخر رأيي ان اللانسر أفضل سياره في فئتها علي الاطلاق.......

شوف زيت الفرامل اذا نقص جامد يبقى التيل اتاكل خلاص و متتأخرش عليه علشان مايكلش فى الطنابير

شكرا لكم يا اخوانى الا عزاء وانا مبسوط اوى من مشاركة الا خ tahereyad


وايضا الا خ hoko_mosha


وشكرا لحضراتكم على مشاركتكم المفيدة ولكن التوكيل زحمة اوى وصعب انك تاخد معاد اليومين دول

لو حد يعرف مهندس فى التوكيل يقدر يدبرلى معاد ابقى مشكور اوى وربنا يكرمكم لا نى بصراحة خايف جدا من الصوت الا بيظهر مع الضغط الفرامل وخايف

حاجة تبوظ حاجة تانية عشان كده عايز اكشف عليها واغير الا محتاج يتغير فى التوكيل وشكرا