الموضوع: يا جماعة اه هو رأيكم فى المشكله دى

و الله يا أخ حماده مش عارف أقولك ايه عن الفرامل ديه , أنا معايا 2007 أتوماتيك عملت بيها حتى الأن 16500 كم و فى صيانة ال10000 ألاف فى التوكيل طبعا تم الكشف عليها و كانت تمام لم أغيرها !! بعد ال15000 ألف بدأت أحس أن أداء الفرامل أصبح أقل حاجة بسيطة جدا , يعنى حاجة لا تذكر يعنى أقدر أقول 98 % , يعنى بأضطر أدوس أقوى شوية بس مفيش و لا صفارة و لا حاجة و الأداء بتاعها كما ذكرت ممتاز , و أنا ناوى ان شاء الله فى صيانة ال20 ألف أغيره حتى لو قالى التيل كويس. أفهم من كلامك أن التيل بتاعك لسه فابريكة و لا غيرت فى ال10 ألاف؟؟؟

بالنسبة للعفشة مفيش أى صوت عندى , أنت عديت على بلاعة مفتوحة مثلا أو مطب صناعى مفاجىء فى الطريق :lol:

صوت الصفارة لو كان واضح و مسموع قوى - كما يقول كتيب المالك - يبقى حضرتك لازم تغيير التيل فورا حفاظا على الطنابير بتاعتك و بالمرة تخليهم يكشفوا على العفشة. المهم بس تلاقى ميعاد و ربنا يوفقك و ان شاء الله خير , وشوف الموضوع ده برده

http://www.nilemotors.net/Forum/viewtopic.php?t=5123

أخوك اسلام

شكرا يا استاذ نادر وشكرا لا خى اسلام

على ردكم الجميل ونصيحتكم وانا فعلا سوف اذهب للتوكيل ان شاء الله خلال هذا الا سبوع وربنا يسهل من عنده

أفهم من كلامك أن التيل بتاعك لسه فابريكة و لا غيرت فى ال10 ألاف؟؟؟

لا يا اخى اسلام انا لم اغير التيل فى العشرة

بالنسبة للعفشة مفيش أى صوت عندى , أنت عديت على بلاعة مفتوحة مثلا أو مطب صناعى مفاجىء فى الطريق

حدث اكثر من مرة ان اكون قد اخدت مطب بس بلحق نفسى من فوق قبل العجلتين الخلفيتين ما يخشوا المطب

صوت الصفارة لو كان واضح و مسموع قوى

والله هو الصوت مش مسموع اوى اوى للدرجة بس انا قلقان وحضرتك عارف القلق بيبقا عامل ازاى
وكل ما ادوس فرامل يبقى الصوت فى مرة عالى جدا ومرة يبقى صوت ضعيف

المهم بس تلاقى ميعاد

اه والله هى دى المشكله وربنا يسهل

وشكرا لكم يا اخوانى الا عزاء :D

شكرا لك يا استاذ كريم على اهتمامك وردك بس المفروض انها قطعة غيار يابانية وان عمرها الا فتراضى يبقى اكترمن العشرين

دا انا كان واحد صاحبى معاه دايو لا نوس غير التيل فى ال25 الف

مشهور جدا ان اللانسر الشكل الجديد بياكل تيل بسرعة وغالبا بيتغير عند ال 20

ازاى اكون معايا لا نسر واغير فى العشرين تيل فرامل

مش عارف ايه اللى بيحصل ده الصناعات تدهورت بشكل كبير

وربنا يسترها معانا
شكرا يا استاذ كريم :)

العفو يا أخ حماده :) أنا تحت أمرك , يبقى أنت كده أكيد هتغير التيل يا باشا , أعمل حسابك فى 300 جنيه تقريبا! ان شاء الله تلاقى ميعاد و يبقى طمنا عليك :)

كلام سليم يا كريم و مفيش عربيه في الدنيا كامله