الموضوع: غلطة جامدة فى سيارة أوشى أومبللاء فى حلقة المفتش كرومبو الجديدة

المشاركة الأصلية كتبت بواسطة fadynabil

يا عم حرام عليك إنت هتخلي designer اللي عمل الجرافيكس يتجنن كده ..

أكيد محدش هيشوف أساساً أي حاجة من الكلام ده

بس واضح إنك مركز أوي أوي

مهو ممكن الدنيا كلها متاخدش بالها لكن احنا منتدى سيارات، واكبر منتدى سيارات فى مصر يبقى لو احنا مخدناش بالنا مين اللى ياخد باله، يعنى مثلا لو فيه منتدى للبطاطا فى مصر كان ممكن يعلقوا على ان فرن البطاطا مبيطلعش دخان او ان البطاطا لونها نية مش مستوية، او لو كان فيه منتدى للدش فى مصر ممكن هم ياخدوا بالهم ان ال إل إن بى اللى راكب فى الدشات اللى على السطح من النوع الأنالوج القديم مع ان كل الناس ديلوفتى بتستعمل ديجيتال، كدة يعنى، لكن احنا بعتبارنا بتوع العربيات فى مصر يبقى احنا اول ناس لازم تاخد بالها من حكاية الموتور اللى بالعرض

بالاضافى الى انى بحب حلقات كورومبو جدا لانى شايف انه واحد من اكتر الأعمال الكارتونية فى مصر اللى عرفت تلم الشعب المصرى كله حواليها

المشاركة الأصلية كتبت بواسطة sab3aawy

حلقة المفتش كرومبو الجديدة والتى تتحدث عن سرقة ساعة الملحن أوشى اومبللاء فيها غلطة جامدة جدا فى سيارة اوشى معرفش حد منكم خد باله منها وللا لأ

واضح من شكل السيارة انها سيارة قديمة تعود الى اواخر الخمسينات او اوائل الستينات من القرن الماضى حيث تشبه جدا الفيات 1300 والفيات 2300 ، المهم ان اوشى لما العربية عطلت وفتح الكبوت ... طيب اقول لكم ، اتفرجوا على الفيديو الأول ، وركزو فى الثانية رقم 31 ،

http://www.youtube.com/watch?v=Z_8ZH...eature=related

حد خد باله الغلطة فين؟
.
..
...
....
.....
......
.......
ايوة ، صح كدة، الموتور بالعرض، يعنى برغم اهتمام مصمم الجرافيك بكل التفاصيل وظهور بعض تفاصيل داخل المحرك مثل وش السلندر وفلتر الهواء ومكان تقسيمة سير الكاتينة، لكنه حط الموتور بالعرض مع ان فى الفترة اللى اتعملت فيها العربية دى مكانش فيه عربيات فيها موتور بالعرض فى العالم كله لأن اول عربيتين فى العالم كله كان فيهم موتور بالعرض هم ال 128 والمينى كوبر القديمة ودول العالم عرفهم فى السبعينات، ومبتدتش حكاية المتور اللى بالعرض دى تنتشر غير فى التمانينات،وبالتالى مينفعش عربية شكلها كدة ايا كانت ماركتها يكون موتورها بالعرض

طب بص دي كمان يا سبعاوي لوتاخد بالك في اختلاف كمان

الكبوت بيتفتح زي العربيات الجديده في اتجاه بربريز العربية
ولكن ال 1300 القديمة كان الكبوت بتاعها بيفتح العكس هههههههههههههههههههههههه

و الله اول ما شوفت الحلقه دى قولت الكلمتين دول ازاى العربيه دى موتورها بالعرض لكن بصراحه قولت لنفسى يمكن كان اياميها اخترعوا الموتور ده

ميه ميه سبعاوى باشا