| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 2 من 2

  1. #1

    الصورة الرمزية أشرف العدوي

    رقم العضوية : 10089

    تاريخ التسجيل : 04May2008

    المشاركات : 2,939

    النوع : ذكر

    الاقامة : أول فيصل ( مصنع الرجال و عرين الأبطال )

    السيارة: تغـور من وش منصـور

    السيارة[2]: Chevrolet Aveo 2008

    دراجة بخارية: Non

    الحالة : أشرف العدوي غير متواجد حالياً

    افتراضي مكالمات سرية..( موضوع ساخر منقول من موقع يلا كورة ) - Facebook Twitter whatsapp انشر الموضوع فى :

    hasad">

    مكالمات سرية..


    مكالمات سرية هى نظره على واقع مرير بعيون باسمه . في كل حلقة نطرح اكثر من قضية بإسلوب كوميدي ساخر (تابع الحلقات السابقه)



    مكالمة 1 ( التحقيق في قضية شيكابلا )
    اذكر سبب شتيمة جمهور الزمالك لشيكابالا واسمك ثلاثي بعد سماع الصفاره واكسب 20 الف جنيه .

    تيت تيت

    انا على توهان ومش فاكرالباقي والاجابه الجمهور كان شارب حشيش ماركة خدنى ومترجعنيش صنف اكسترا انا شربت منه بقالى 3 شهور مش عارف اروح الا هما الـ20 الف دول يعملوا كام مصري اوعه يكونوا مزورين ولا يكونوا مش مهم المهم اروح الا متعرفش انا ساكن فين

    تيت تيت

    انا مرجان شديد ابو العفاريت الاجابه اللى شتمو دول معمول لهم عمل في رحم خنفسه عانس علشان نفك العمل لازم نجيب الخنفسه دى من الربع الخراب ونجوزها صرصار اقرع والبيبي اللى هتخلفه ناكله لنمله فارسي .سؤال صغير هو سمير زاهر واحمد شوبير ليهم نسبة في الفلوس

    تيت تيت

    معاك المرحوم على الدايخ السبب يابيه حماتى مفيش غيرها هى اللى شتمت شيكابالا ورمت الطوبه بتاع زيمبابوي وهي سبب صفر المونديال خدوها ياباشا وعليها خلاط ومش عاوز الـ20 الف كمان

    تيت تيت

    انا زكى ابراهيم الحدق جمهور الزمالك طبق مبدأ اضرب الطويل يخاف القصير فشتم احسن لاعب علشان يخوف باقي اللعيبه ياريت ياباشا بقي الفلوس تكون عمله قديمه ومش متنمره الاحتياط واجب برضو.



    فقره اعلانيه : عبر عن غضبك وانت في الاستاد

    نسيت تجيب معاك طوب متقلقش خايف تاخد معاك شماريخ متخافش

    اتصل بينا هتوصلك الشماريخ والطوب وعبوات الميه الناسفه مع قاذف بعيد المدى فقط من شركة ( يعيش التعصب) اتصل على 0777

    .

    مكالمة 2 ( جوزيه عنده هواية ركن النجوم على الدكه )

    صبري منفاخ : الو عدلى حبيبي جبتلك جون انما ايه المعلم شلاطه الجون الوحيد في العالم اللى بيشوط البلنتى ويصده فى نفسه الوقت مره ماردونا شاط عليه بلنتى وكان الجون القايم اليمين في اسوان والقايم الشمال في الجيزه ماردونا شاط الكوره راح ابراهيم خد تاكسي من اسوان والعجله نامت بتاع التاكسي غيرها في السكه وقعدوا في الرست بتاع السيوط شربوا شاى وحجرين معسل المهم صد الكوره في بنى سويف

    عدلى القيعي : ياراجل ده على كده ماردونا كان شايط الكوره من الارجنتين

    صبري منفاخ : وفي الكور العاليه ايه بقي مقلكش مره طار على كوره عاليه وقع طيارتين وفي ضربات المرمى ايه بريموا مره شاط ضربة مرمى خدت الـ 11 لاعب بتاع الفريق المنافس والحكم ودخلت الجون وعلى كده شلاطه ده مبيقفش في الجون

    عدلى القيعى : امال بيقف فين في دايرة السنتر

    صبري منفاخ : هو كيفه يجيب شيشه ويقعد يشيش ورى الجون

    عدلى القيعي : امال بيصد ازاى

    صبري منفاخ : هو بيبقي خارم الشبكه ومطلع رخله من الخرم اي حد ينفرد يقطع الكوره منه مره عشره انفردوا بيه وكان مع كل واحد فيهم كوره قطع العشر كور منهم وشاطهم جاب عشر اجوان في شوطه

    عدلى القيعي : عشر اجوان في شوطه ده يلعب مهاجم بقي

    صبري منافخ : لا عارف ده مره الفريق اللى بيلعب قصاده قطعله ايديه ورجليه بقي يصد الكور بودانه

    عدلى القيعي : ايه ده ده بقي مكسح خالص

    صبري منفاخ : لا يا بيه ماهو طلعلوا غيرهم

    علدى القيعي : طلعلوا غيرهم ليه بقي سحليه امه كانت بترضعه طحالب

    صبري منفاخ : يعنى الكدبه دى هى اللى وقفت في ودنك عديها ياعدلى مع شوال الكدب اللى قبله

    عدلى : انت بتكدب ده انت عديت الكدب بفدان روح ياراجل ده انت الكدب اشتكى منك

    صبري منفاخ : بص ياباشا شلاطه ده تخين واحول وقصير وبيمشي يتكعبل في رجليه وعمره ما لعب كوره

    عدلى القيعى : لما هو كده جايبه يلعب في الاهلى ليه

    صبري منفاخ : شوف جوزيه عاوز جون نجم يدفع الاهلى فيه ملاين ويركنه على الدكه انا قلت اوفرلكم الملاين دي وارحم موهبه جديده من الركنه ع الدكه ياباشا امير ورمزى محتاجين شوية ثقه بس



    فقرة اعلانيـــه : عزيزي مشجع الزمالك وانت بتتفرج على مطش الزمالك متنساش تاخد مهدئ (طفي الولعه)هتبقي كول على طول وتحافظ على اعصابك اتصل على 0555 يوصلك مندوبنا في الحال



    مكالمه 3 ( الكرسي المحمول )

    مسئول بنادى الاسماعيلى : احنا دفعنا كتير في تصليح الاستاد انا بفكر اعمل الاستاد من غير كراسي وكل مشجع يجيب الكرسي اللى هيقعد عليه معاه

    رجل أعمال : طيب مانجيب احنا الكرسي ونخلي المشجع يدفع رهن 200 جنيه وبعد كده ندخل ناس وسط الجماهير تخليهم يتعصبوا ويكسرو الكراسي ونبقي وفرنا و كسبنا قلت ايه



    خدمه جديده من foot ball spies رسايل الموبيل السريه

    رساله 1 من سمير زاهر لــ احمد شوبير

    مبروك ياعم نجاح مشروع عربيات الكبده وصفقة اللحمه البرازيلى الفلوس بترخ عليك ابوقسم بقي ولا انت شاطر تقاسمنى في فلوس مصالح الاتحاد وبس

    رساله 2 من تامر النحاس لمسئول في انبي

    زيكا جوري دهنته ابيض وهاخده اضربله بطاقه من المغرب ونقول ده لاعب مغربي اسمه حجى ويلعب ولا من شاف ولا من دري



    إلى اللقاء فى حلقات قادمه ( مع تحيات كاتب المقال حسام أحمد)

    ارجو من احبائي القراء اختيار افضل مكالمه والفائز في مكالمة شيكابلا


  2. #2

    الصورة الرمزية EslaM_NagY

    رقم العضوية : 13619

    تاريخ التسجيل : 26Jun2008

    المشاركات : 2,709

    النوع : ذكر

    الاقامة : Nasr City

    السيارة: Verna 2014 AT

    السيارة[2]: Verna 1.6 2007

    الحالة : EslaM_NagY غير متواجد حالياً

    افتراضي -

    hasad">

    ههههههههههههههههههههههههه ههه
    جامدة جددددددددددددددددددا

    شكرا ع النقل

    سبحان الله وبحمده سبحان الله العظيم
    لا تظلمن إذا ما كنت مقتدرا --------- فالظلم يرجع عقباه الى الندم
    تنام عينك والمظلوم منتبه --------- يدعو عليك وعين الله لم تنم



 

المواضيع المتشابهه

  1. انواع المطبات في مصر - موضوع ساخر بالصور
    بواسطة Karim_Monir في المنتدى أخبار السيارات في مصر والعالم
    مشاركات: 11
    آخر مشاركة: 17-12-2012, 10:43 AM
  2. زوجتي قررت مقاطعة الانتخابات ( موضوع فكاهي ساخر )
    بواسطة aif في المنتدى المنتــــــدى الاجتمــاعى
    مشاركات: 72
    آخر مشاركة: 21-11-2011, 03:35 PM
  3. عاااااااااااااااجل النائب العام .. موضوع ساخر
    بواسطة nour_nrc في المنتدى المنتــــــدى الاجتمــاعى
    مشاركات: 5
    آخر مشاركة: 21-05-2011, 02:44 AM
  4. احلى قصات شعر لاحلى بنات (موضوع ساخر)
    بواسطة نور القمر في المنتدى المنتــــــدى الاجتمــاعى
    مشاركات: 134
    آخر مشاركة: 18-01-2009, 12:33 AM
  5. مشاركات: 2
    آخر مشاركة: 13-10-2008, 04:18 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2