الموضوع: حقيقة الأهرامات: معجزة قرآنية جديدة

المشاركة الأصلية كتبت بواسطة Sameh

ولك إنت كمان - أنا متشوق أعرف الإستاذ ماهر من موضوع سابق

شكرا عزيزى ams.
عزيزى ا/سامح: انا اعلم جيدا اين سأجدك. فى المشاركات الجدية المفيدة، و التى تحتوى على معلومات يتم تبادلها و تحليلات منطقية، و رؤى جديدة للاشياء، نتوصل لها سويا. اتطلع دائما للقائك !

السادة الزملاء
الموضوع شيق
وتحية لكاتب الموضوع وتحية لكل من قرء وتحية للمصححين
بس انا لي تعليق بسيط على الموضوع
هو ليه احنا بنفرح لما بنلاقي معجزة من القرآن او الطبيعة ونهلل بالطريقة ديه
يعني الدنيا قامت وقعدت لما قالوا انهم لقوا شجرة مكتوب عليه اسم الله او حجارة
هو احنا لسه ياجماعة بندور على معجزات؟!!!
هو احنا ياجماعة شكين في الدين بتاعنا علشان كده بنفرح لما بنلاقي دليل؟؟!!!
ياجماعة لو عايزين معجزة احسن من الاهرامات وطريقة بناءها في معجزة خلق الانسان ياريت نبص لنفسنا هو احنا مش معجزة من معجزات الله!!!!
القرآن نفسه معجزة في تشريعاته
وفي معجزات كتيرة جداً
فرق كبير بين ان احنا نقرأ القرآن علشان نمصمص في شفايفنا وفرق كبير بين ان احنا نقرأ القرآن علشان نفهم
اصل خلي بالكم القرآن حاول يلفت نظرنا علشان ربنا عارف ان معظم الناس كانت ح تعمل كده
هو ربنا سبحانه وتعال قال في كتابه
ان في ذلك لآيات لقوم يتدبرون
ان في ذلك لآيات لقوم يتفكرون
ان في ذلك لعبرة لأولي الالباب
وايات كتيرة
الشك للأسف هو اللي بيخلينا نهلل بالشكل ده
احنا مش في مبارة اهلي وزمالك ونقول "اصل عندنا في القرآن وعندهم في الانجيل او التوراة....."
طبعا كلام مش صح لأن ببساطة ممكن حد يفسر حاجة بطريقة غلط ويجي حد من اي ديانة اخرى يقول "شوف اديكم بتقولوا القرآن كان مكتوب فيه واتضح ان الكلام ده غلط"
طبعا احنا مش علماء في الدين كل له كتابه وكل له دينه وكل له تشريعاته اللي مقتتنع بيها

اول عقيده في الاسلام هي الايمان بالله وملائكته وكتبه ورسله والعظمة هي "لا نفرق بين احد من رسله"
انتم نسيتم تأكيد الرسول صلى الله عليه وسلم ان انت قبل ما تنام لازم تأكد العقيده ديه
من قرأ آخر اياتين في البقرة كفتاه
(آمَنَ الرَّسُولُ بِمَا أُنْزِلَ إِلَيْهِ مِنْ رَبِّهِ وَالْمُؤْمِنُونَ كُلٌّ آمَنَ بِاللَّهِ وَمَلائِكَتِهِ وَكُتُبِهِ وَرُسُلِهِ لا نُفَرِّقُ بَيْنَ أَحَدٍ مِنْ رُسُلِهِ وَقَالُوا سَمِعْنَا وَأَطَعْنَا غُفْرَانَكَ رَبَّنَا وَإِلَيْكَ الْمَصِيرُ (285)
وعلشان ممكن خلال اليوم نكون ارتكبنا بعض الذنوب فنتضرع إلى الله سبحانه وتعالى
لا يُكَلِّفُ اللَّهُ نَفْسًا إِلا وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لا تُؤَاخِذْنَا إِنْ نَسِينَا أَوْ أَخْطَأْنَا رَبَّنَا وَلا تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِنْ قَبْلِنَا رَبَّنَا وَلا تُحَمِّلْنَا مَا لا طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنْتَ مَوْلانَا فَانْصُرْنَا عَلَى الْقَوْمِ الْكَافِرِينَ
عرفتم ايه فائدة آخر آياتين
احنا مرة تانية مش مستنين معجزات علشان نهلل ليها
احنا مفترض ان احنا نرتقي عند الله
وندعي ان احنا يرضى ربنا عنا ويدخلنا الجنة
انا بعتذر اني طولت عليكم
وانهي كلامي بآيه وهي
وإنك لا تهدي من أحببت
ولكن الله
يهدي من يشاء
اللهم اهدنا صراطك المستقيم
اشكركم

yes, please mention your support