هذا عنوان مقال فى جريدة العالم اليوم بتريخ النهاردة، والمقال يوضح استراتيجية التجار فى الفترة القادمة
http://www.postimage.org/aV1EWexr.jpg
هذا عنوان مقال فى جريدة العالم اليوم بتريخ النهاردة، والمقال يوضح استراتيجية التجار فى الفترة القادمة
http://www.postimage.org/aV1EWexr.jpg
يعني هيخفضوا ويقللوا الكماليات
يعني كله علي دماغ الزبون
حضرتك دة بيتعمل من زمان بيشيلوا التكييف والكاسيت والفرامل الأيه بي أس دة فاضلهم يشيلوا الكراسي عشان يخفضوا الأسعار .. التجار دلوقتي عاملين زي الفئران بيدوروا على أي مخرج يخرجوا منه مرة يلعبوا على منع الأستيراد ومرة على تقليل الكماليات ومرة مع أخواننا أياهم بتوع الجرائد و مرة بالجنيهات الذهب لكن هيهات فكما تدين تدان والدنيا يوم ليك ويوم عليك وهما مش مؤمنين بالمبدأ دة وعاوزين يفضلوا كسبانين على طول وسبحان الله بدل ما يحمدوا ربهم على نعمة المكسب لأ بالعكس جشعهم بيزيد أكتر وبيتسعروا على الناس زي الذئاب المفترسة أول ما تشم ريحة الدم عموماً الناس مش هتشتري عربيات غصب عنهم الفترة الجاية لما المشكلة تتعمق أكثر وتظهر بجد أبقى وريني هيخلوا الأسعار زي ما هي أزاي وهيدفعوا أعلانات الجرائد أزاي وهيدفعوا للصحفيين المرتشيين منين فأنا بنصحهم ويقولهم أيها الفئران مالكومش غير التخفيض يا أما تروحوا تقعدوا في بيوتكم تغسلوا الصحون وتغسلوا الهدوم وتتفرجوا علينا وأحنا راكبين أجمل عربيات وبالسعر الي يريحنا ويجعله عامر .
حسبي الله ونعم الوكيل على البلد اللي اخر حاجه يفكروا فيها هي مصلحه المواطن
طب مهم شايلين كل الكترونيات السيارة ومعدات الامان والفرامل فاضل ايه التكييف؟
عربية زي الماتريكس والفيرنا مفهمش حتي فلتر التكييف
عندهم حق
كل يوم انزل الشارع الاقى العيال ولاد الناس الاغنيه هاتك يلعب
تنطيط على الاير باج اولد عمال يفتح ويقفل فى الباور ستيرنج وحاجه توجع الدماغ
تصور العيال عماله تحدف بعض ب ال abs
يا خوفى ليعتبروا الكاوتش من الرفاهيات اللى ملهاش لازمة و يمشونا على الجنط ....او يشيلوا الفرامل اصلا واهو كدة يبقى بيساهموا فى حل مشكلة التضخم السكانى..... والله بلد مسخرة برة بيدوروا على كماليات زيادة يحطوها سنسور للباركنج و للمطر و 8 ايرباج و abs و abdو غيروا و غيروا وبردوا بيرخصوا العربيات و احنا هنا نائص يسلمونا العربية على الصاج و كل واحد يشطبها بمزاجو ا لوكس ولا سوبر لوكس وبردوا مش عاوزين يرخصوا..... يكش تولع بيهم مش تصدى بس ...
دى بداية الانهيار
دة كدة هيرجعوا المشترى لايام التمانينات يعنى عربية بموتور وشكرا على كدة
مفيش تكيف مفيش ازاز كهربا مفيش جنوط مفيش خامات نضيفة فى التقفيل
دة على كدة ممكن يلغوا الكنترول يونت من العربيات
احلى ما فى المشاركة ده عنوانها
ههههههههههههاقتباس:
استراتيجية التجار الآثمة لتخفيض الاسعار الفترة القادمة
اي تاجر لن يلجأ الى خفض مكسبه الا كخطوة اخيرة ..يعني يقلل كماليات يستغنى عن عمالة عنده الخ..
لكن انا مازلت عند رأيي و الي ناس كتير مش فاهماه ان حتى لو التجار باعو من غير مكسب هاتفضل الاسعار عالية برضه بسبب ال 60 % التي تلهفها الحكومة كضرائب و رسوم
هتنزل على دماغ التجار الجشعين
وايه المشكلة يعنى... ما يقللوا الكماليات.... دى كتير قوى وزيادة عن اللزوم....
يعنى مثلا ايه لزمة 6 airbag اللى بتنزل عندنا ستاندرد فى أقل عربية .... ولا ال GPS ما بنشغلوش كتير..... وحساس المرشدير مش مهم قوى..... وفتحات السقف بتجيب شمس .... وفرامل ال ABS ضحك على الدقون.... والكلاكس ممنوع ... والتكييف بيجيب زكام... والكاسيت بيجيب صمم فى الودان ... والاشارات متعبة للعين .... والدركسيون بيلخم اللى بيسوق .... والعربيات رفاهية مالهاش لازمة ..... وال scooter مبقاش مناسب لسن الواحد .... وال توك توك نزلوا الجمارك بتاعته .... والحياة بقى لونها بمبى :B4_033:
كماليات ايه اللى حيقللوها- دى تصريحات علشان الناس تقول لك الحق الموجود قبل الجديد اللى مافيهوش كماليات ماينزل - وللاسف احنا شعب طيب والاشاعات والفشخره بتخلينا نهرول
شوية صبر بقى خليهم يرجعوا اللى كلوه وز وز
بمناسبة تخفيضات شيفرولية و هيونداى لاسعارهم، حد عنده فكرة هل تخفيض السعر اثر فعلا على تخفيض الكماليات او لا؟
طيب ماتشيلوا الكاوتش و الكراسي بالمره:k49:
طب ويا ترى إيه هي بالضبط الكماليات "الترفيهية" دي بالنسبالهم ؟!
يا ترى الباور وللا الإزاز الكهربا وللا يمكن التكييف؟!
ما تقوللنا تفاصيل المقال يا mahora
قال ترفيهية قال....يا عيني عالترفيه اللي إحنا فيه :k48:
للاسف الموضوع لم يوضح التفاصيل، و الكلام عن هذا الموضوع لا يتناسب مع العنوان الذى خصص له، لذلك انا ارجح نظرية الاخ الذى قال ان هذا تهويش للناس من هذا الاحتمال لحثهم على الشراء. انا سألت هذا السؤال الاخير لان لو تفتكروا كان فى اعلان من منصور عن الاوبترا الاوتو لما كان سعرها لسه 97، وكان الاعلان عن كماليات تشمل حتى الانذار، فالسؤال هنا: مع تخفيض سعرها الاخير، هل مازالت كل الكماليات موجودة ام تم نزع الانذار و حساس الركن، وغيره؟
وقيس على هذا باقى السيارات.