استعوض ربنا و احمد الله اننى بخير ومش هقبل العوض
دا راى الشخصى
عرض للطباعة
استعوض ربنا و احمد الله اننى بخير ومش هقبل العوض
دا راى الشخصى
انا رأيي بمنتهي الامانة
خد تكلفه التصليح ده لو عرفت لأننا للأسف في غابة وغالبا هو هايهرب من سيادتك و اصلا مافيش فرصة انه يصلحلهالك. حتي لو عنده نية للصلح كمان هاعمله محضر في ساعتها لو مش هايدفعلي فلوس التصليح كاش. علشان اضمن حقي. او علي الاقل بهدلته ومعرفته ان الله حق. خصوصا ده لو مش محترم.
و للأسف حتي لو مش هاقبل العوض علي نفسي النهاردة لو لا قدر الله حصل ده معايا هاعمله محضر ان شالله يكون حكلي البويا بمسمار
مش كده بس، ده انا لو شوفت قدامي حد بيحك عربية حد ولا بيخبطها هاقفل عليه و هاعمله مصيبة لحد ما صاحب العربية يجي
ده الصح
لأن مشكلتنا اننا مش بنقدر بعض
يوم الاتنين اللي فات قدام نادي هيئة الدريس اللي في المنيل في صلاح الدين... واحد بميكروباص عشه... راسه و ألف جزمة يلف من قدام النادي... و انا 10 دقايق مش عارف اطلع من البوابة بسببه و الاخر الباشا رجع بضهره بغباء وراح داخل في عربية 128 راكنة... انا رحت مبطل عربيتي ونازل متخانق معاه ومزعق و ندهله امين شرطة واقف وسألت بتوع بوابة النادي علي صاحب العربية وعرفنا مكانه وبعتله يجي
وهو حر بقي يصرف معاه براحته... و خدت عربيتي ومشيت
وانا لو لا قدر الله وربنا يسلم طريقنا جميعا ... خبطت حد او حكيت عربيته مش هايهدالي بال الا لو صلحتها او علي اقل تقدير دفعت جزء من قيمة التصليح
عذرا للاطالة ... تحياتي
العين بالعين
والسن بالسن
ده دين مش اسمه عوض
بلاش نسميه عوض ده قصاص
واضح
انا رأيى نفس رأى الناس فى أول 3 صفح عشان ملحقتش ققرا الباقى هوة على حسب الحالة والموقف للى قدامى بس لغاية دلوقتى على طول المسامح كريم بس لو حصل حاجة جامدة او حد كان السبب وقاصد او مثلا نتيجة تهور هقبل عوض عادى جدااا ده حقى
طبعا من افسد شيء فعليه اصلاحه دا الاساس
و بعدين انا حقى انى اللى يبوظلى حاجه يصلحه و يرجعه زى ما كنت قبل ما يلمسها هوا
و محدش يقدر يغلطنى فى كده
و برضه يعتمد على الموقف نفسه يعنى لو اللى بوظلى حاجه ده مش قصده يبقى دا قضاء و قدر و ممكن اتنازل عن حقى فى الحاله دى
و لكن فى مرتبه اعلى و اسمى انى لو سامحت الراجل ده و الكلام ده لما اكون انا قادر اخد منه الفلوس و بعدين اسامحه يبقى انا كسبت ثواب بس ده حسب اللى قدامك برضه علشان لو شاب مثلا و بيخمس و هوا بيلف و يكسرى المرايا و يخبط واحد صاحبى و نازل يضحك يبقى لازم ادفعه دم قلبه و احرق دمه علشان المره الجايه مايعملش كده تانى
دا رأيى و دا اللى انا بعمله
ولكم في الحياة قصاص
والعين بالعين .. والسن بالسن
بس ده في حالة .. لو إللي خبطني غلطان غلط جسيم وبيكابر أو عاوز يتهرب من المسئولية ..
أما لو الموقف كله مفاجأة وغصب عنه .. لازم يكون عندي روح التسامح واحترام الظروف المفاجأة الخارجة عن الإرادة
وربنا يكفينا جميعا شر الطريق .. وخصوصا ( سفنتينا ) عمري إللي هارياني حوادث وتصليحات وفوانيس هههههه