الموضوع: لو عربيتك اتخبطت هتاخد عوض؟؟؟؟؟

الحكاية مش بالبساطة دي
لك مقام مقال
يعني مثلا ممكن اللي يخبطك يكون غصب عنه
او قضاء وقدر
او ليس نتيجة اهمال
او خدش بسيط وما شابه
وفي الحالة دي لا عوض ولا يحزنون ده نصيب
انما ممكن مثلا واحد برعونة او تهور يدغدغلك عربيتك خالص ويعجزها لانه ماشي عكس الاتجاه مثلا
فده لازم يدفع تمن غلطته بالكامل خاصة لو صاحب العربية المصابة معندوش امكانية انه يصلحها بسهولة ومحدش فينا بيلاقي الفلوس
ومش من العدل اننا اشتغل واتعب علشان اصرف علي اخطاء واحد متهور وارعن
وبعد ما يدفع يبقالك مطلق الحرية اما نك تصلح بيها عربيتك او تنفقها في الخير
لكن يكون هو اتقرص والفلوس وجعته يمكن ده يعلمه ان السواقة مسؤولية

المشاركة الأصلية كتبت بواسطة pharonicking

من اتلف شىء فعليه اصلاحه دة مبدا فى الاسلام """
وقصة العوض دى سواقين التاكسيات والميكروباصات هما اللى اخترعوها عشان يطيحوا فى الناس ويخبطوا فيهم ومحدش يحاسبهم
انسى كلمة عوض دى اللى يخبطك خليه يصلح لك العربية"

انا مع مبدا ان كل حالة وليها خصوصية وكل حادثة وليها ظروفها والتعميم مش مناسب
مثلا بفرض ان واح بيفادي عيل صغير بعدي غلط فراح خابطك لا قدر الله حتعمل ايه؟
حتاخد منه فلوس تصليح عربيتك؟

المشاركة الأصلية كتبت بواسطة ahmedkoko

كلام ميه ميه بس أعتقد إني هسيبه يمشي لو كان ماشي عادي و الخبطه جت قضاء و قدر.

علشان كده بنقول ان لكل حالة خصوصية وانا ذكرت الكلام ده
لكن التعميم مش مناسب

ايوة طبعا بعد كده انا حر في مبلغ التصليح
ممكن اختار مجال خير لانفاقه او اقبله ده قرار منفصل