أولا أهلا بيك يا أستاذ مصطفى
بس أنا اللي قالي كدا .......... خبرتي علشان أنا كنت عايش هناك و أنا وضحت بالتفاصيل المصاريف
و بصراحة أنا مش عارف ليه بنقارن الحال الأقتصادي المصري بدبي مثلا
و هو حضرتك فاكر أن الأسعار كانت كدا في دبي من 6 سنين ؟؟؟
الأسعار دي أسعار خيالية و النزول ده نزول أصلا لأسعار مرتفعة جدا و الناس هناك بتشتكي .
كل اقتصاد و له مؤثرات مختلفة عن أقتصاد أخر .
بالنسبة للمثال بتاع الدولة الأوروبية اللي حضرتك ضربته
مع أني مش فاهمة قوي بس هاشرح على أد ما فهمت .
بُص يا سيدي
90 سنت هناك قيمة كبيرة .......... ليه ؟؟؟
لأن اليورو مثلا قيمته عالية
فلا يُمكن مقارنة 90 سنت ب 90 قرش
لأن هناك ممكن أشتري كمبيوتر ب 200 يورو
هايكلفني في مصر 1500 جنيه مصري
يبقى قيمة ال 90 سنت هناك عالية و قيمة التسعين قرش هنا أقل
فلما تقولي لتر البنزين هناك ب 90 سنت .... يبقى غالي طبعا
لأن هناك أنا ممكن أجيب لتر لبن ( بلادهم منتجين للألبان و معندهومش زيادة ساكنية و عندهم زيادة انتاج زراعي ) و ثمن لتر اللبن هناك مثلا 50 سنت
و في مصر بخمسة جنيه ( بلد انتاجها أقل من استهلاكها ) و كمان الخمسة ملطوش اللي أحنا بندفعهم في اللبن برضه بتدفعهم هناك بس مش في شكل 5 جنيه و لكن في شكل 50 سنت أي نصف يورو
و ده راجع لقيمة اليورو العالية و قيمة الجنية المصري المنخفضة
هناك أسعار البنزين مرتبطة بالسوق العالمي
يعني السوق العالمي نزل ........ الأسعار تنزل .
السوق العالمي طلع ......... الأسعار تطلع .
أحنا عندنا حكومتنا بكل مساوئها ....... بتدعم البنزين و لكن أحنا عندنا زيادة سكانية يتبعها زيادة في عدد السيارات مما يؤدي للزيادة في الأستهلاك العام من الموارد و لا يقابل كل ذلك إنتاج مماثل
يبقى مينفعش نقول البيضة في أوروبا بسنت و عندنا بجنيه
لما تنتج مثله ......... و يبقى الإنتاج أكبر من الإستهلاك ... ساعتها بس نقدر نتكلم عن مقارنة الأسعار في المواد الغذائية أو حتى البترول اللي هو هناك بقيمته الحقيقية
و طبعا أنا وضحت في مداخلة قبل كدا تفاصيل امتلاك سيارة في أنجلترا و نفس الكلام بينطبق على معظم دول أوروبا الكبيرة زي فرنسا و ألمانيا و أسبانيا و أيطاليا
سويسرا أساسا بيشجعوا الناس على استخدام المواصلات العامة و معاها فنلندا و النرويج و السويد و مش بيحبوا العربيات علشان البيئة و البترول القليل هناك و ثمنه المرتفع .
فياريت تقولنا على أسم الدولة اللي الأخ ذكرها علشان أقدر أتكلم عن معرفة
أسعار العقارات في مصر أو أي بلد في العالم مرتبطة بسوق العرض و الطلب
و طبعا مصر من الدول اللي الطلب فيها كبير جدا لزيادة السكان مليون بني آدم في العام و ده لازم يقابله ارتفاع في الأسعار !!
بالنسبة لموضوع التأهيل و الكلام ده
ه بيحصل في دول كتيرة و لكن أغلبها دول متقدمة ذات عدد سكان ثابت و موارد كثيرة
و الفلوس دي بتيجي من الضرائب الكثيرة اللي هما بيلموها
إنما مصر هاتدرب مين و لا مين و لا مين
ده أحنا بنزيد مليون بني آدم في السنة !!!!!!!!!!!!
إنما هما عدد سكانهم ثابت ........ لا يزيد و بعض الدول يقل مثل ألمانيا و روسيا و فرنسا .
يا حبيبي ربنا يكرمك ..... و ينور طريقك و أنا أتشرفت بالنقاش مع حضرتك بجد .
الكلام اللي أنا قلته بينطبق على أغلب الدول الكبيرة في أوروبا و لكن أنجلترا أغلاهم في موضوع الضرائب ( حكومة منشار منشار منشار بجد ) بس هما معندهومش موارد تانية كتيرة غير الضرائب للصرف على البلد .... بس بيني و بينك هما مزودنها حبتين .
بس قصاد الغلاء ده زي ما قلت قبل كدا بتأخد حياة نظيفة و منظمة و عايش في بيئة صالحة للإنتاج و الحياة .
المفضلات