امتلاك عربيه في مصر عذاب ومخاطره!!!!!

**moudy88** · 11-02-2009 05:44 AM

حبيت اني اكتب عن امتلاك عربيه في مصر لما فيه من مخاطره وتعب وطلوع روح وعذاب ..حيث اني اشعر ان كل الظروف في مصر ضد امتلاك عربيه ..ويجب على المواطن المصري ان يكون على وعي تام وعلى قدر كبير من المسؤليه لانه سيواجه تحديات ومشاكل وهموم لاحصر لها ...وسيدخل نفسه في دوامه ...بدايه عند رغبتك في شراء سياره فستكون الخيارات اما جديد او مستعمل ...طبعا لو رغبت في شراء جديد هتحوش فلوس لسنين من عمرك وهتحرم نفسك علشان تحقق حلمك ...وبعد لما تحوش مبلغ محترم ..هيتحرق دمك لما تعرف ان العربيه اللي هتشتريها اغلى من ضعف ثمنها الحقيقي المعروف في اوروبا وامريكا وحتى دول الخليج..لا وكمان انت هتشتريها بكماليات لا تقارن بمثيلتها في عربيات بره زي انعدام وسائل الامان (الايرباج والabs) ووسائل الراحه وطبعا ماتحلمش انك تجيب عربيه فوق 1600 سي سي علشان ماتتشبهش بالجماعه الوحشين (الاغنياء)ولذلك احنا بنشوف عربيات باحجام عجيبه بمواتير 1200 و1300 ..لحد 1600 وده طبعا في معظم العربيات وده بسبب الجمارك والوكلاء اللي بيستهبلوا الشعب البسيط ..ولو رغبت في شراء مستعمل هيتحرق دمك لما تعرف ان العربيه اللي انت بتشتريها انقرضت من العالم من 30 سنه واصبحت ذكرى..وبتدفع فيها مايساوي ثمن عربيه حديثه محترمه في اقرب دوله اليك (السعوديه مثلا) مع فارق الدخل الرهيييييييب...وبعد لما تخلص دوامة شراء العربيه هتدخل في هموم اكبر بكثير وهي تقبل الحكومه والشعب لك كصاحب عربيه وبدء الحرب والصراع لتطفيشك من عربيتك وجعلك تكره اليوم اللي جبت فيه العربيه ....اولا : الحكومه :
1- رفعت سعر البنزين وجعلت العربيه عبئا على قلب المواطن ...بحيث يصرف تقريبا ثلث دخله على البنزين (انا شخصيا) لانه لايقدر على تحمل المواصلات الرهيبه في بلدنا ويجب ان يدفع ضريبه راحته
2-ترخيص السيارات وهي هم وحمل ولكن على الاقل لا نتحملها الا كل 3 سنوات وياويله وسواد ليله اللي عنده عربيه 2000 سي سي او فوقها
3- قانون الحبس للسير عكس الاتجاه وده اخر العنقود في مواليد قانون المرور الجديد ..وطبعا في شوارعنا المحروسه الخاليه تماما من الاشارات كل واحد سايق عربيته عامل حسابه انه ممكن يبيت النهارده بره البيت وياسلام لو القاضي خبطه 3 سنين علشان يقضي فتره من حياته مع القتله والمغتصبين والبلطجيه ..وانا طبعا مش مع السير عكس الاتجاه ابدا ابدا ولكن مش مع العقاب الهمجي ...ودي نبذه بسيطه عن دور الحكومه
ثانيا : دور الشعب : معظم افراد الشعب الغير ممتلكين للسيارات ينظرون الى مالكها بغضب وحقد وغل ..وينظرون اليه على انه مستهتر (خاصة لو كان شاب)....اللي يجرح ويكتب على العربيه واللي يمشي وسط الشارع ويتعصب ويتنرفز لما تديله كلاكس ...واللي يعدي الشارع باستهتار ويتحدى السائق بجسمه مقابل العربيه (على اعتبار لو خبطني هتروح في داهيه ) ...واخيرا فئه النصابين والمجرمين الي بيسترزقوا عن طريق توريط السائق في المصائب والمكائد ...لما يلقوا بانفسهم امام السيارت مدعين الاصابه لينالوا مبلغ بسيط (من100 الى1000 جنيه) او يكونوا من الفئه الطماعه ويمشوا في القضايا ويطمعوا في مبالغ محترمه اكيد اكتر من1000 جنيه على اعتبار اما الدفع او ضياع مستقبلك...وده حصلي شخصيا وحسبي الله ونعم الوكيل...وطبعا بيساعدهم في كده قله الضمير في المستشفيات اللي بتضرب تقارير طبيه والمرتشيين من رجال الشرطه....
ودي عينه من اللي ممكن يقابل اللي هيشتري عربيه في مصر وطبعا لاننسى ان الله عز وجل موجود وانه ينصر المظلوم ويعيننا على مايواجهنا والله خير حافظ

وانا اسف على الرغي الكتير ده.. بس انا حاسس كده اني فضفضت عن اللي في نفسي...وشكرا

**ahmedkoko** · 11-02-2009 06:01 AM

إيه التشاؤم ده كله .هو إنت عندك حق في كل اللي إنت قلته و كل ده فعلا موجود بس بصراحه كده انزل مره الشارع في شهر ٨ الساعه ٢ الظهر و اركب اوتوبيس و ساعتها هتقول ادفع مرتبي كله في البنزين و لا البهدله و مرمطة الزحمه و المواصلات وبالنسبه لحكايه الحبس اصبر شويه و كل شئ هيتنسي و هيبطلوا حكايه الحبس دي. يا عم دي إنت مش عارف و لا إيه.ده أنا عايش بره و عارف.

**Osama_soliman** · 11-02-2009 08:53 AM

انا معاك فى النقاط 1 ، 2
بس النقطة الثالثة انت متشاؤم فيها شوية

بس عموما

مشاركة ملخصة وجميلة

**hazzan32** · 11-02-2009 08:54 AM

عندك حق واننا فعلا حقنا ضايع فى اننا نبقى زى البنى ادميين الى المفروض تبقى العربيات جزء مهم من حياتهم نظرا لظروف الحياه والتطور......مش تبقى همنا

**tutankhamoun** · 11-02-2009 09:03 AM

الله يعينك على ما بالانا به من الفوضى اللي في البلد

و لو أنا مش معاك في أول كام نقطة منهم 1 و منهم رأيك عن أمتلاك سيارة في مصر و سعرها
طبعا موضوع الحبس ده مهم و مش مهم
فيه ناس عندها أستهبال فظيع و بيمشوا عكس الأتجاه في طرق سريعة و معروفة الأتجاهات فيها و دول المفروض مش حبس ... دول اعدام .... أما اللي يتمسك عكس الأتجاه في شارع في وسط البلد مثلا و معليهوش أي علامات تحذرك من ذلك المفروض تبقى غرامة بس .

بالنسبة لأسعار العربيات
طبعا أسعار العربيات الجديدة في مصر متساوية مع أسعارها في أوروبا .... و ملناش دعوة بالخليج علشان دول الخليج ظروفها مختلفة تماما عن أي دولة في العالم مش مصر بس .

و مين قال أن امتلاك سيارة في أوروبا سهل ؟؟؟؟؟؟؟؟ ده مكلف جدا جدا .... بنزين ثمنه غالي ..ضرائب عالية جدا ... تأمين عالي جدا .. تصليح شبه مستحيل .... إنما الطرق هناك أكثر من ممتازة و كلها عليها علامات ارشادية .

لذلك أنا عايزك تهدي أعصابك و تروق علشان دمك ما يتحرقش زيي ....

هي دي بلدنا ........ و هي دي الناس اللي أحنا عايشين معاهم هانعمل أيه ؟؟؟؟

ربنا يفك ضيقتك و ضيقتي و ضيقة كل إنسان محترم عايز يعيش منظم و محترم

**moudy88** · 12-02-2009 03:33 AM

شكرا لكل الردود من الاعضاء المحترمين اللي تفاعلوا مع الموضوع

**moudy88** · 12-02-2009 03:35 AM

المشاركة الأصلية كتبت بواسطة Osama_soliman

انا معاك فى النقاط 1 ، 2
بس النقطة الثالثة انت متشاؤم فيها شوية

بس عموما

مشاركة ملخصة وجميلة

شكرا يا اخي الكريم ..

**moudy88** · 12-02-2009 05:03 AM

المشاركة الأصلية كتبت بواسطة tutankhamoun

الله يعينك على ما بالانا به من الفوضى اللي في البلد

و لو أنا مش معاك في أول كام نقطة منهم 1 و منهم رأيك عن أمتلاك سيارة في مصر و سعرها
طبعا موضوع الحبس ده مهم و مش مهم
فيه ناس عندها أستهبال فظيع و بيمشوا عكس الأتجاه في طرق سريعة و معروفة الأتجاهات فيها و دول المفروض مش حبس ... دول اعدام .... أما اللي يتمسك عكس الأتجاه في شارع في وسط البلد مثلا و معليهوش أي علامات تحذرك من ذلك المفروض تبقى غرامة بس .

بالنسبة لأسعار العربيات
طبعا أسعار العربيات الجديدة في مصر متساوية مع أسعارها في أوروبا .... و ملناش دعوة بالخليج علشان دول الخليج ظروفها مختلفة تماما عن أي دولة في العالم مش مصر بس .

و مين قال أن امتلاك سيارة في أوروبا سهل ؟؟؟؟؟؟؟؟ ده مكلف جدا جدا .... بنزين ثمنه غالي ..ضرائب عالية جدا ... تأمين عالي جدا .. تصليح شبه مستحيل .... إنما الطرق هناك أكثر من ممتازة و كلها عليها علامات ارشادية .

لذلك أنا عايزك تهدي أعصابك و تروق علشان دمك ما يتحرقش زيي ....

هي دي بلدنا

........ و هي دي الناس اللي أحنا عايشين معاهم

هانعمل أيه ؟؟؟؟

ربنا يفك ضيقتك و ضيقتي و ضيقة كل إنسان محترم عايز يعيش منظم و محترم

اولا : انا دائما باحترم ارائك الجريئه ووجهات نظرك في كافة مواضيع المنتدى
ثانيا : لو اتكلمنا عن اسعار السيارات في اوروبا في دوله زي انجلترا ....والجنيه هناك قيمته اعلى من عندنا..هتلاقي ان سعر الهيونداي الماتريكس حوالى 9000 استرليني..يعني حوالي 75 الف جنيه مصري..مع العلم ان متوسط الدخل السنوي في انجلترا 25 الف دولار ..ومتوسط الدخل السنوي في مصر 1750 دولار ..طبعا مافيش مقارنه
لو اتكلمت عن المستعمل هتلاقي ان الالنترا 2006 في انجلترا سعرها حوالي 1900 استرليني وطبعا جميع الكماليات اللي مش موجوده عندنا ..هتلاقي ان مثيلاتها في مصر سعرهم حوالي 70 الف جنيه ...والليجانزا موديل 99 سعرها هناك حوالي 900 جنيه ...ده غير ان العربيات القديمه زي التمبرا والاونو مثلا ..ملهاش ثمن هناك ..وبتدفع عليها فلوس علشان تخريدها ...وبتيجي لنا في مصر وبتتباع معاقين وبنبقى منبهرين بيها.... وكلام حضرتك عن الضرائب والبنزين هناك صحيح ..بس بص هما دخلهم قد ايه واحنا دخلنا قد ايه ...يعني اكيد مالهاش تاثير جامد..وشكرا

**tutankhamoun** · 12-02-2009 06:14 AM

المشاركة الأصلية كتبت بواسطة moudy88

اولا : انا دائما باحترم ارائك الجريئه ووجهات نظرك في كافة مواضيع المنتدى
ثانيا : لو اتكلمنا عن اسعار السيارات في اوروبا في دوله زي انجلترا ....والجنيه هناك قيمته اعلى من عندنا..هتلاقي ان سعر الهيونداي الماتريكس حوالى 9000 استرليني..يعني حوالي 75 الف جنيه مصري..مع العلم ان متوسط الدخل السنوي في انجلترا 25 الف دولار ..ومتوسط الدخل السنوي في مصر 1750 دولار ..طبعا مافيش مقارنه
لو اتكلمت عن المستعمل هتلاقي ان الالنترا 2006 في انجلترا سعرها حوالي 1900 استرليني وطبعا جميع الكماليات اللي مش موجوده عندنا ..هتلاقي ان مثيلاتها في مصر سعرهم حوالي 70 الف جنيه ...والليجانزا موديل 99 سعرها هناك حوالي 900 جنيه ...ده غير ان العربيات القديمه زي التمبرا والاونو مثلا ..ملهاش ثمن هناك ..وبتدفع عليها فلوس علشان تخريدها ...وبتيجي لنا في مصر وبتتباع معاقين وبنبقى منبهرين بيها.... وكلام حضرتك عن الضرائب والبنزين هناك صحيح ..بس بص هما دخلهم قد ايه واحنا دخلنا قد ايه ...يعني اكيد مالهاش تاثير جامد..وشكرا

السلام عليكم
يا حبيبي بجد شكرا على كلامك الجميل و الرقيق
بالنسبة لأسعار السيارات في انجلترا مثلا
الجديد منها كان متساوي مع مصر و أحيانا أعلى و الجنيه الأسترليني وقع مؤخرا و نقص 3 جنيه مرة واحدة و بعدين أرتفع تاني 1 جنيه مصري و بقى حاليا 8 جنيه
إنما الاسترليني كان بيلعب في منطقة 11 إلى 10.5 و ده كان مخلي الأسعار متقاربة .
بس برضه الأسعار ممكن تكون متقاربة في السعر النهائي أو أقل
إنما تكلفة أمتلاك السيارة هناك مش سهلة خالص و مش رخيصة .
يعني هاديك مثال :

أنا مرة أشتريت عربية هناك ب 350 جنيه أسترليني ( و لا حاجة طبعا )
عارف دفعت ضرائب كام عليها ؟؟ ......... تقريبا 300 جنيه في السنة الواحدة
و تأمين 450 جنيه في السنة الواحدة
يعني الضرائب و التأمين ........أكبر من ثمن العربية التعبانة اللي أنا أشتريتها !!!!!!!!!!!!
ده غير بقى المصاريف التانية
زجاج أنكسر .......... أشتريته ب 100 جنيه أسترليني بعد طلوع الروح .... العربية فضلت مركونة شهر لغاية ما لقيت الزجاج ( أصل العربية كان قديمة بمقايسس السوق هناك ) 10 سنين بس !!!! تخيل ... عمرها 10 سنين و مكنتش لاقي قطع غيار ليها .

المهم أنا قصدي من الكلام ده كله أن انت فعلا ممكن تشتري عربية رخيصة
بس العربية هناك مش ثمنها بس ؟؟؟
دي عليها مصاريف تانية
ده كمان فيه ضريبة بيئة .... كل لما العربية تقدم .... الضريبة تزيد ....
بالنسبة لدخول الأفراد
ده شئ تاني خالص و على فكرة 25 ألف دولار كدخل ..... و لا حاجة هناك
لأن المصاريف هناك غالية طحن بجد .... يعني هاتصرفهم هاتصرفهم و مش هاتعرف تحوش إلا إذا كانت مراتك شغالة هي كمان و معندكوش مصاريف كتير و مأيحين على نفسكم الحياة .
ده غير ضرائب الدخل اللي الحكومة بتشفط من 25 ألف دولار مبلغ محترم في السنة يمكن يوصل ل 3000 دولار ضرائب دخل.
و يتبقى 22 ألف .... تدفع منهم تاني بتاع 2000 ضرائب الحي ( علشان النظافة و الانارة )
و بعدين ضرائب المبيعات ( VAT ) بتوصل نسبتها 17.5 % من ثمن أي حاجة .!!!!!

بجد الحكومة البريطانية دي ........ منشار
يعني 25 ألف دولار دول ممكن تدفع منهم ضرائب للحكومة بتاع 10 ألاف دولار كل سنة ( ضرائب مباشرة و غير مباشرة )

ده غير أن هناك مفيش حاجة أسمها تفتح حساب توفير
أقصى حد للتوفير كل سنة 3000 جنيه استرلني فقط لا غير
يعني لو معاك 10
هاتحط 3 في حساب التوفير
و 7 الباقيين ترميهم في حساب جاري ملوش أي لزمة و فلوسك مش بتعمل أي فوائد !!!!
و السنة اللي بعديها الحكومة بتسمحلك تحط 3 كمان و هكذا دواليك.

عايزين الفلوس تشتغل و تلف في دورة رأس المال بسرعة علشان الأقتصاد ينمو و يزدهر

بس مع كل الغلاء ده
كفاية أنك عايش في نظام و مع ناس محترمة بتقف في اشارة المرور محترمين من غير و لا كلاكس واحد
كفاية أنك بتعدي الطريق ....... و العربيات كلها تقف تعظيم سلام للمشاة علشان تعدي
كفاية أنك بتسوق عربيتك لأطول المسافات و مفيش و لا واحد بيحاول يتخطاك و لا و احد بيعمل غرزة أدامك و و لا واحد لاصق في شنطة عربيتك و عمال يقلب نور

كفاية أنك تبقى ماشي في وسط البلد و مفيش ميكروباظ و لا نص نقل و لا تاكسي رمى نفسه أدامك علشان يلقط زبون

هناك فرق .... هناك بني آدمين بيستخدموا مخهم في تطوير حياتهم
و هنا مخلوقات غريبة بتستخدم كل وسيلة ممكنة لأفساد حلاوة الحياة .

و حسبي الله ونعم الوكيل

**Terrible_DaRsH** · 12-02-2009 07:44 AM

المشاركة الأصلية كتبت بواسطة tutankhamoun

و مين قال أن امتلاك سيارة في أوروبا سهل ؟؟؟؟؟؟؟؟ ده مكلف جدا جدا .... بنزين ثمنه غالي ..ضرائب عالية جدا .

مين قال لحضرتك كدا !!!

امبارح فى القاهرة اليوم كان فى متصل من برلين قال ان سعر البنزين منخفض جداااااا(يكاد يكون باسعار لا تذكر)

وكل يوم بينخفض عن اللى قبله ولما بيزيد بيزيد حاجات بسيطة جدااا وبيبقى مكتوب على كل بنزينة اسعار كل يوم ...
كيلو اللبن فى المانيا كان ب 90 (سنت) ..
من يومين سعر كيلو اللبن نزل الى 45 (سنت) ..

وجالون اللبن من 30 سنة وهو ب 2 دولار !!!

العقارات فى دبي نزلت من 2 و 3 مليون دولار الى مليون دولار فقط ...

ايجار شقة فى وسط البلد فى المانيا واغلى شقة ايجار فى وسط البلد هناك DOWN TOWN ب 100 دولار !!!

تشترى عربية بتاخد واحدة مجانا ومعاها عروض وهدايا مجانيه كمان !!!

واحنا كيلو اللبن بقي ب 5 جنيه وربع ...
بنزين 80 اتلغى والبحث عن 90 قد يدفعك لاستهلاك باقى البنزين اللى فى عربيتك .!!!
الشقق عندنا هنا فى المنطقة وصل سعر الشقة ال 110 متر الى 350000 جنيه !!!

وبرده كان فى متصل اخر بيقول انه بيتعلم وبيركب الترام وساكن وبياكل مجانــــــــا على حساب الدولة الاوروبية اللى هو فيها لانى مش متذكر اسمها ..
وكل ده علشان الدولة بتاهله للعمل هناك وعلشان يكون عنده خبرات اكبر ويحصل على نتيجة افضل ..
راح عمرو اديب قايل له :
طب ماحنا كمان بنظبط المواطنين فى الترام !!!
يا اخى بعد كل ده الواحد بيحس انه ميتشرفش ان يتكتب فى بطاقته ( م ص ** ) ....
اهه ماشية بالبركة ومش عارفين هتوصل لايه تانى !!