هو المشكله انه يطلع تيييت بجد وياخد نمرتك ويعملك خماشر تمناشر مخالفه انت معملتهاش
عرض للطباعة
هو المشكله انه يطلع تيييت بجد وياخد نمرتك ويعملك خماشر تمناشر مخالفه انت معملتهاش
مرة كنت ماشي في طريق في الحارة اليمين والحارة الشمال جنبي كانت فاضية خااااالص (كان الصبح بدري)....
بصيت في المراية لقيت عربية بوكس من بتوع البوليس ورايا وبيضربلي كلاكس بس مش عاوز يعديني...قلت يمكن المسافة اللي عالشمال مش مكفياه (رغم انها كانت تكفي عربيتين مش عربية واحدة)
رحت محضّن يمين أكتر عشان يعدي....لقيته راح طاير زي الصاروخ من جنبي (لدرجة ان العربية كانت هاتعوّم مني) وراح معدّيني من على يميني اللي ساعتها بقى أضيق من الأول ومارضيش يعدي من عالشمال رغم اني وسّعتله زيادة!!! وقعدت أضربله كلاكس من غيظي بعد ما سبقني بس هو ولا هنا !
أنا قلت في نفسي البني آدم ده أهبل وللا شكله كده؟!
المهم ان الموقف ده (ومواقف تانية) أثبتلي وبالدليل القاطع ان كتير من اللي بيبقوا سايقين عربيات بوليس و شرطة في مصر بيبقوا متأخرين عقليا...فا أعتقد انهم ليس عليهم حرج :C_laugh[1]:
شكرا لكم جميعا علي ردودكم و مشاركاتكم
أنا فعلا كنت في حالة عصبية و نفسية سيئة من اللي شوفته أثناء وصولي من تخلف و جهل و غباء الجوازات و نظام المعلومات في مصر اللي بتحكمها حكومة المفروض انها أليكترونية لكن كل يوم بتثبت لنا انها ماشية بالفول و الطعمية
المهم لما حصل الموقف بتاع عربية الشرطة ده يمكن طلعت كبتي و غلي فيها , بدليل أن النهاردة و أنا ماشي علي الدائري و بسرعة حوالي 120 كم/ساعة أذا بلانسر شارك تعمل نفس الحركة معايا و كان خلاص هايلمس شنطة العربية عندي و مع ذلك كبرت دماغي و كمان وسعت له لأنه أتزنق بعد كده بيني و بين عربية نقل كانت علي شمالي بنفس سرعتي
عارفين الفرق كان أيه ؟ أني بالامس كنت في حالة مزاجية سيئة و النهاردة كان مزاجي رايق و كنت منسجم مع العربية و الطريق
والله مش عارف اقولا اية ممكن يكونوا فعلا مستعجلين ... دائما افترض حسن النية
تصرف سليم جدا
هو غتت خليك أغتت منه هو عاوز يمشى بسرعة سد عليه و إمشى براحة مش السرعة القانونية 40 جوة المدن متعديهاش عشا أنت راجل محترم و بتلتزم بالقانون
بس فى نصيحة جامدة جدا خليها على طول فى بالك
لاتغضب
بس كدا