كل ما تريد و ما لا تريد أن تعرفه عن سكودا فابيا ميني :)

**farahat** · 11-02-2009 03:30 PM

العربية فيها موتورين واحد 1400CC و دة 86 حصان ، و واحد 1600CC و دة 105 حصان ، و الاتنين عليهم علامة VW محفورة و كمان وحدة التحكم بتاعتهم عليها العلامة

من الخارج التقفيل بتاعها رائع و جودة الدهان و التفاصيل لا تختلف عن الاوكتافيا

الكاوتش يا إما مقاس ١٤ بطاسات و عليها كاوتش Matador ، أو جنوط ١٥ أو ١٦ (على حسب الجنط ) و كاوتش continental

الفوانيس في الفئة المنوال مفيهاش عدسات ، و كل الفئات الأخرى عدسات ، و كل الفئات فيها فوجات أمامي و خلفي

من داخل الصالون العربية واسعة جداً و خامات الفرش أكتر من رائعة ، زائد كمان إن الفئة السبورت (إلي فيها سقف أبيض ) فرشها الداخلي جامد جداً في لونه و خامته ، و فيه مسند في المنتصف بين الكراسي الأممية بس وضعه مش مريح خصوصاً إن عصاية الفتيس قصيرة ، بس ممكن يترفع لفوق و كأنه مش موجود
بس فرش الباب حسيته بلاستك كدة و إن كان مش رديء بس مش رائع ذي باقي العربية

التابلوه شكله حلو و كمان العدادات واضحة و اضاءتها خضراء ، و يعيبها عدم وجود مؤشر حرارة إلا في الفئة السبورت ، و كمبتر الرحلات بتاعها جامد جداً بيجيب حاجات كتير عن العربية ذي إستهلاك البنزين في كل مشوار و مدة المشوار و متوسط الإستهلاك الكلي و حاجات تانية كتير

الكاست بقى هو أحلى حاجة في العربية دي ، و ده محتاج موضوع لوحده يتشرح فيه ، عيبه الوحيد إن العربية فيها سماعات قدام فقط و وراء ليها مكان بس مش راكبة ولا في أي فئة من الفئات :(

فاضل حاجة واحدة بس ، البنزين إلي بتحتاجه العربية دي يا إما ٩٢ يا إما ٩٥ فقط !!!

بس كدة ، لو في أي حد عنده استفسارات اتفضلوا أنا تحت أمركم

**momenhamdy** · 11-02-2009 03:54 PM

ايه يا باشا الشغل الجامد دا والله 10/10
ومجهود رائع
بجد الفابيا عربية تحفه و تستاهل
بس العجيب في العربية دي انها مش منتشره علي الرغم ان سعرها نزل وبقي لحد ما معقول جداً

بس في حاجة عايز اسأل فيها حضرتك مش تحس ان الموتور نفسه في سنه ميل يعني مش كله نفس المستوي !!!
وعلي فكره دي مش اول مره اخد بالي من الموضوع دا لما شفتها في المصرية اول ما نزلت كان برده الموتور كدا
اعتقد قواعد الموتور ( الكراسي ) تصميمها كدا بس افتكر ان دا غريب ان الموتور يكون في سنة ميل و الله اعلم !!!!!!!!!!!!!!!!!

**hazembarakat** · 11-02-2009 03:56 PM

بس يا أستاذ فرحات أنا لما رةحت المعرض بتاع أرتوك إللي في المقطم قالي أربع سماعات في الابواب و فعلا كان في أربع سماعات
إزاي حضرتك قولت سماعتين بس ؟؟؟

**farahat** · 11-02-2009 05:12 PM

المشاركة الأصلية كتبت بواسطة momenhamdy

ايه يا باشا الشغل الجامد دا والله 10/10
ومجهود رائع
بجد الفابيا عربية تحفه و تستاهل
بس العجيب في العربية دي انها مش منتشره علي الرغم ان سعرها نزل وبقي لحد ما معقول جداً

بس في حاجة عايز اسأل فيها حضرتك مش تحس ان الموتور نفسه في سنه ميل يعني مش كله نفس المستوي !!!
وعلي فكره دي مش اول مره اخد بالي من الموضوع دا لما شفتها في المصرية اول ما نزلت كان برده الموتور كدا
اعتقد قواعد الموتور ( الكراسي ) تصميمها كدا بس افتكر ان دا غريب ان الموتور يكون في سنة ميل و الله اعلم !!!!!!!!!!!!!!!!!

يا باشا ربنا يخليك
هي فعلاً مش منتشرة بس متنساش إن هما منزلين الأسعار لسة قريب و كمان في وقت الدنيا فيه كلها واقفة و محدش بيشتري ، يعني أكيد هتخد وقت على ما تتباع كتير و تنتشر .
الموتور فعلاً من بعيد شكله مايل ، بس لما تقف أدامه مباشرةً متحسش بالحكاية دي ، أكيد الموضوع خداع بصري يا إما نروح نتأكد بميزان مياه :)

**farahat** · 11-02-2009 05:17 PM

المشاركة الأصلية كتبت بواسطة hazembarakat

بس يا أستاذ فرحات أنا لما رةحت المعرض بتاع أرتوك إللي في المقطم قالي أربع سماعات في الابواب و فعلا كان في أربع سماعات
إزاي حضرتك قولت سماعتين بس ؟؟؟

ما هي دي طريقة البيع في كل معارض السيارات كل واحد يقولك فيها ٨ سماعات و عشر سماعات و الحقيقة غير كدة
العربية فيها سماعات قدام فقط لكن ورى مفيش فيها سماعات ، مع العلم إن كل قناه عبارة عن سماعة و تويتر ، يعني قدام في يمين سماعة و تويتر بس بالنسبة للكاسيت دول قناه وحدة يعني سماعة وحدة بس 2-way

بالتالي العربية فيها سماعتين و تويترين و في ورى مكان لسماعتين و تويترين مش راكبين ، و بالتالي لو عملت مفتاح تقسيم الصوت (fader ) على الخلف مش هتسمع حاجة خالص
مع إن الكاسيت 4 channel قدام يمين و شمال و ورى يمين و شمال (يعني 4*35 ) انما إنت مستفيد باتنين فقط :(

**Mustafa_Farouk** · 11-02-2009 05:34 PM

السلام عليكم،

فرحات، أولا شكراً جداً على الموضوع الجامد دة.

ثانياً، الكراسي في فئات السبورت مختلفة عن اللي في الصور اللي فوق ولا زي ماهية. ؟؟

**farahat** · 11-02-2009 08:35 PM

المشاركة الأصلية كتبت بواسطة Moustafa_Farouk

السلام عليكم،

فرحات، أولا شكراً جداً على الموضوع الجامد دة.

ثانياً، الكراسي في فئات السبورت مختلفة عن اللي في الصور اللي فوق ولا زي ماهية. ؟؟

مصطفى باشا نورت الموضوع بمرورك

السبورت فارقة في التابلوه و الجنوط و السقف الأبيض و الكراسي
و أدي صورة الكراسي

**Busquets** · 12-02-2009 02:26 AM

thanks alot for this important topic

im waiting to sell a house in 10th of rmadan to buy this car :)

i want the sport class its really great and the white roof is very attractive

thanks again

**LONLY** · 12-02-2009 04:09 AM

(يعيبها عدم وجود مؤشر حرارة إلا في الفئة السبورت) أزاى والصوره للعدادات المنوره دى فى الأسبور؟؟؟
وشكرا على المجهود و بصراحه أنا شايف أن السيارة دى أكثر من ممتازه خصوصا بالسعر الحالى

**midnightman_74** · 12-02-2009 05:45 AM

عزل الكبوت والموتور جامد ٠٠

الموضوع: كل ما تريد و ما لا تريد أن تعرفه عن سكودا فابيا ميني :)

LinkBack

أدوات الموضوع

عرض

-

-

المواضيع المتشابهه

كل ما تريد ان تعرفه عن منظف الرشاشات (فوائده,نوعه,سعره,طريقة استخدامه )

كل ما تريد ان تعرفه عن منظف الرشاشات (فوائده,نوعه,سعره,طريقة استخدامه )

تريد اثبات فاميه على الرخصة؟ تريد رخصة قيادة بدون اختبار؟ !!!!

كل ما تريد ان تعرفه عن اليفو ذات المحرك 405 حصان

ما هي صناعة سكودا ميني فابيا ؟

الكلمات الدلالية لهذا الموضوع

المفضلات

المفضلات

ضوابط المشاركة