عرض للطباعة
السلام عليكم
يا جماعه انا قررت ان اشترى عربية وطبعا على اد الفلوس اللى معايا قررت انها تكون لادا 2107
روحت لمعرض شركة الامل اتفرجت عليها بصراحها عجبتنى جدا بس انا محتار
المصرى موديل 2009 ب 46000
الروسى موديل 2008 ب 47500
بس الروسى مافيهاش الوان ميتالك وبصراحه المصرى احلى من فى الشكل بس بصراحه انا خايف من المصرى دى
فاريت اى حد عنده خليفه يفدنى فى الاختيار دا
ولكم جزيل الشكر
:S_thum1[1]:انا اعتقد ان الروسي افضل بكتير في التقفيل مع واحد صحبي تقفيل مصري بيشتكي منها
المصري الوان بس وراح يقابلك فيها مشاكل في كذا حاجهاقتباس:
المشاركة الأصلية كتبت بواسطة mr_who247
اما الروسي انضف في التقفيل وفي الصاج وعربيه محترمه
واذا كنت عايز تعرف اكثر روح التوكيل وشوف العربيات اللي بتتصلح.....ايهما اكتر المصري ولا الروسي
خليك في الروسي بس اللي اعرفه انها اوكراني وليست روسي
أنا سمعت والعهدة على الراوى أن المصرى أفضل لأن فيها اضافة تتعلق بالمساعدة على عدم سخونة السيارة وعلى العموم انا اسأل على أخبار التكييف فى السيارة
في لادا 2107 بتنزل دركسيون باور ومكيفة
أنا إتفرجت عليها في شركة الأمل بمصر الجديدة وجربت الباور وكان ممتاز وسعرها كان 53000 جنيه من حوالي أربع شهور
طبعاً هي المصري
لكن الروسي بتنزل فاضية ومعرفش ممكن تطلب منهم الباور يركبوه ولا لأ
أنا سمعت إنهم خفضوا السعر شوية ؟؟؟
والروسي بها ميزة مهمة وهي انها إنجكشن وهذا أمر مريح جداً من مشاكل ضبط الكربيراتير
وطاما حدودك السعرية حوالي 50000 جنيه
ممكن تبص على موديلات جيلي الصينية عندهم عربية في حدود 56000 جنيه مع ضمان 100000 كلم أو خمس سنوات
انا روحت الامل قالولى ممكن يركبو باور وتكيف للروسى ب3000 للجزء يعنى العربيه بتكييف وباور ب
52000
بس ان شاء الله انا ناوى على المصرى هيا كربراتير وادى ارخص بكتير فى الصيانه عن الانجكشن
يعنى معني كلام حضرتك ان السيارةلادا 2107 الروسي ب46000 جنيه ولا انا فهمت غلطاقتباس:
المشاركة الأصلية كتبت بواسطة mr_who247
ولكن الإنجكشن أكثر إنضباطاً وأقل حاجة للصيانة بفرق كبير عن الكربيراتيراقتباس:
المشاركة الأصلية كتبت بواسطة mr_who247
و الله لو عاوز نصيحتي ابعد عن اللادا اصلا هي عربية صاج جامد جدا و موتور تمام و ميكانيكا 10/10 لكن متعبة في التقفيل بتاعها و الجودة مش عالية يعني الموتور زي مقلتلك تمام لكن لما تبص على الامان متلقيش شوف الcrash test بتاعها و انت تفهم اصدي هي معايا السمرة 2004 روسي انجكشن بصراحة الموتور بالرغم من اللي بعملو فيه مستحملني و الحمد لله رب العالمين ماشي زي الساعة
لكن اجابة على سؤالك الروسي افضل بمراحل من المصري و 3000 جنيه في الباور و التكييف مش حاجة لأنك لو ركبتهم برة هيعدو كدة بكتيييييير
بس حاجة كمان بالنسبة للاتدا هي ان وكيلها اي كلااااااااااااااااام يعني متعتمدش عليه و خصوصا في المودلات زي السمارة و ال2110 و الحاجات الجديدة كلها لأن قطع غيارها نااااااار و مش موجودة كتير برة التوكيل
و ربنا يوفقك للي فيه الخير و متنساش تصلي استخارة قبل متاخذ القرار
أبعد عن الادا
سياره متعبه جداااا فى قيادتها وغير امنه على الطرقات
اشترى اى حاجه مستعمله ب ال 50 الف دول احسن من مليون لادا زيرو
مظبوط انا كنت فى شركة الامل للتجارة الخارجية وكيل لادا فرع التحرير وقبلت الاساتذ شوشة محمود محم مدير الفرعاقتباس:
المشاركة الأصلية كتبت بواسطة ameen_ra
ودا العنوان وارقام التليفوانت
182-ش التحرير-امام عمارة استراند-باب اللوق
فاكس/27941228
تليفون/27951930
موبايل/0125035434
دا العنوان وارقام التليفونات لو اى حد عاوز يستفسر عن اى حاجه انا كنت سامع ان الادا الروسى مش موجوده وقدمها فتره لسه على ما تيجى ولحد دلوقتى لسه مقررتش مصرى ولا روسى
الروسى طبعا شىء مفروغ منة من زمان
شوف سوق المستعمل وانت تعرف موديلات 2006 حتى 2008 اللى فى السوق كلها مصرى علشان الناس تعبت من مشاكل المصرى
لكن الروسى عددة قليل لان مشاكلة اقل
http://www.postimage.org/aV2zO9vA.jpg
شكرا علي ردكاقتباس:
المشاركة الأصلية كتبت بواسطة mr_who247
بص هو المصر يمتعب قوي والتقفيل تعبان جدا ، يعني عادي خالص ممكن تركن العبية في حتة تلاقيها اتملت تراب بعد خمس دقايق لان التقفيل ميش مظبوط ، وعادي جدا لما تنزل الشماسة اللي قدامك لما تكون الشمس ضاربة في وشك متعرفش ترفعها تاني ، وعادي جدا انك تلاقي الببان صوتها وحش ومفرقة وتقيلة في القفل وممكن اصلا متقفليش كويس ... وعادي جدا لما تلاقي كوتيشت الميزان بتقع وانت ماشي وفي التوكيل هيقلك اصل النوع اللي عندنا وحش ، وبرضة عادي لما تلاقي علبة زيت الدبرياج اتكسرت لوحديها لانهم بيركبوا في التوكيل نوع ميش اد كدة ، وعادي برضة عندهم لما تبقي العربية جديدة ومرة واحدة تلاقي عيوب في الصناعة في حجات خطيرة جدا يعني على سبيل المثال لا الحصر (طلمبة المية ، الطنابير ، حتي الكوتش يا راجل) يعني من الاخر حاجة تعل وتجيب المرض ... انا بتكلم على فكرة على الموديلات الجديدة منها علشان بس محديش يفتكر اني بتكلم عن الموديلات القديمة ..
تخيل انهم في التوكيل مثلا ممكن عادي برضة ان مدير التوكيل بتاع الامل اللي في العباسية (راجل كان ظابط جيش) يطلع يزعق في العملاء برضة عادي ... يعني عايزك لو قررت تشريها تبقي كوووووووووووول وهادي ونفسك طويل ....
تخيل انهم بيخافوا في التوكيل يشتغلوا في الانجكشن (الروسي يعني) وبيقولوا المصري احسن (طبعا علشان كاربرتير وكلة بيعك فية) ... المهم بصراحة كدة ميش عارف اقلك اية استخير بقي .. بس فكر الف مرة قبل ما ترمي نفسك الرمية دي
:Zb_sor1[1]:
اقتباس:
المشاركة الأصلية كتبت بواسطة marawansabry
طمنتنى الله يطمن قلبك
الكلام بتاع الاخ مروان يا ريت يتأكد لنا marawansabry هل الكلام بتاع حضرتك دة كلة وكل المشاكل دة هل هى موجودة فى اللادا الروسى أيضا ولا الكلام دة المقصود منة اللادا المصرى . أرجو الرد مع الشرح بتفصيل أكتر و أكون شاكر لحضرتكم وشكرا جزيلا لكل من يشارك بمعلومة ينصح بها الاخوة الاعضاء .
انا الكلام اللي بتكلمة دة عن اللادا 2107 المصري .. بس طبعا الكلام عن التوكيل ميش هيفرق خالص لان هوهو طبعا.
في واحد قلي ان الروسي تقفيلة احسن طبعا وبعدين ميش وحش طبعا موضوع 1500 سي سي دي .. هي عامة علشان منظلمش العربية هي قطع غيارها رخيصة وطوب الارض بيشتغل فيها وبعدي صاجها كويس ناشف يعني وبعدين عربية سفر مبتقلش لا يعني زر تور (يعني تحط المفتاح تدور).
بس برضة للحقيقية علشان محديش يقول اني خدعتكم : هي تقيلة قوي ، ومفهاش اي رفاهية ، والتبلوة بتاعها فقير قوي يعني هي هي من عشرين سنة مفيش اي تغيير ، دات حتي كان في موديلات بيحطوا فيها لمبة لما تفتح الكبوت (ذي بلادوس كدة) شلوها بعد كدة (اظاهر الناس شكرت فيها فشلوها) ، طبعا هي بتسخن جامد حتي بعد ما شالوا الترموستات بتاعت الكوعة بتاعت الريداتير برضة بتسخن ، وبعدين بصراحة كدة الناس بتبصلك على انك سواق تاكسي
...!!!!!!!في مشكلة كمان العربية لازم بعد ماتشتريها بيعليهالك في التوكيل بيحط حاجة في السوستة بتاعت المساعد علشان العربة ترفع شوية لانك لو معاد واحد بس العربية بتحك في المطبات (هي ميش واطية بس هما عملين علبة الشكمان مدلدلة في نص العربية فبتحك في المطبات)
حاجة كمان هي لحد كبير عربية بياعة يعني سوقها شغال لحد ما ...
استكمالا للمعلومة .. مرة رحت التوكيل قبل ما ينزلوا موضوع الباور دا وعندهم ميكانيكي بتاع ظبط زاويا هناك شاطر قوي وطلعين بية السما ... قلي بنفسة ان اللادا 2107 مينفعش يركب ليها موضوع الباور دا علشان دا هياثر على الاستبيلتي بتاعت العربية وشرحلي موضوع كدة عن زوايا العجل وان الباور بيغير الزوايا دي .. معرفش اية اللي حصل وخلاهم يحطوا فيها باور ؟؟؟ يمكن علشان يبيعوا !!!! ممكن وخاصة انهم ولا بيبصوا على موضوع الاستبيلتي دة ولا غيرة المهم يبعوا وخلاص
يعني هقلكم على قصة ظريفة ... كنت بروح التوكيل في اول عشرة الاف كم بقف طبور طويييييييييييييل لغاية مايجي عليا الدور حتي لو رحت بدري (قبل ما بفتحوا بساعة) وبعد لما خرجت من الضمان (ضمان عجيب جدا عشرة الاف كم او سنة) رحت لقيتهم اخدوا عربيتي من الطبور ودخلوها علطول من غير دور (طبعا مانتا هتدفع فلوس .. شفت بقي ناس محترمين اذاي وبيهتموا بالعميل).
معليش بقي الحقيقة احيانا بتبقي مفجعة بس انتم طلبتم توضيح .. ارجو اني اكون ةضحت اللي انتم عايزينوة ...
:Zb_sor1[1]:
توكيل الامل معتقدش ان في مكان في العالم اسواء من المكان ده يعملوا فيه الناس في منتي قله الذوق وقله الادب وعدم الفهم انا بصراحة همة فتحين ازي اسواء مكان علي وجه الارض واعتقد انهم بيعملوا المساجين افضل من توكيل الاميل وده مش افتراء ده عن تجربة علشان ده نفس توكيل العربية الفلاير اللي معي وكان الله في العون
بسم الله الرحمن الرحيم
انا اتفق تماما في كل الذم الذي قيل في توكيل اللادا ، فعلا هما اسوأ توكيل لأي شئ موجود في مصر ، و دة عن تجربة شخصية ، ممكن جدا مدير مركز الصيانة يشتم العميل و يهزءه ، بس برضو العملاء بيردوا عليه و بيعرفوه مقامه ، دة لأن اغلب اللي شغالين في توكيل لادا كانوا اصلا ظباط و عساكر في الجيش و واخدين عالشخط و النطر و الزعيق و الاوامر ، دة بالإضافة الى سوء الصيانة كمان ، يعني لا يعرف يتعامل معاك و لا يعرف يتعامل مع العربية ( مش فاهم ازاي دة اخد توكيل شركة كبيرة زي شركة لادا ) مع انه بيتعامل مع قطاع عريض من المستهلكين .............!! المهم العربية كويسة بالنسبة للطرق في مصر و بالنسبة للميكانيكية اللي في مصر يعني خلاص حفظوها و قطع غيارها مرطرطة في كل محلات قطع الغيار ... توكل على الله و صلي استخارة
انا متشكر جدا لكل المشاركات الممتازة والردود الرائعه
وشكرا على التوضيحات المهم جدا
Go Lada Go
السلام عليكم
لو تقدر تبعد عن اللادا أصلا يبقى أحسن
انا سمعت ان الكيا برايد سيدان الجديدة كويسة وهي بردة ب 46500
وممكن تلاقي تفاصيل عنها هنا
http://www.nilemotors.net/Nile/showt...t=%D3%C7%C8%C7
وإن كان ولابد من اللادا (اللي أول اسمها لا)يبقى الروسي طبعا
انا اعرف شخصيا اتنين اشتروا لادا 2008 زيرو مصري ومش عايز اقولك على الشافوه
اللي خرطوم طرمبة المياه يضرب تاني يوم وهو على السريع والعربية تدخن كلها
واللي جه يمون ومعرفش يقفل غطاء التانك تاني ولما راح التوكيل وبعد العديد من المحاولات طلع زور التانك هو اللي بايظ وغيروا له التانك كله و ... وبالمناسبة واحد منهم عايز يبعها 2008 علشان يجب حاجة مستعملة !!!!!!!!!
شكرا على الافاده والمجهود
نصيحة ياجماعة احذر من المصري لانها سيئة جدا والتكييف تعبان وكل مايشتغل العربية تسخن
اللادا الروووووووووووووووووووووو ووووووسي احسن كتييييييييييييير
على فكرة اللادا خدومة جدا بشرط على ابوها لا تكييف ولا باور ولا دلع
غير كده خد فيرنا او لانوس احسن
ياعمو سيارة اكل عليها الدهر وشرب واحنا فى 2009 ودة سيارة بتصميم 1975 . هما الاتنين بصراحه اتحف من بعض بس لو عايزها الروسى اكيد احسن .. واخيرآ اطلع من الحاجات وشوف موديلات اكثر اناقه بصراحه
اقتباس:
المشاركة الأصلية كتبت بواسطة akram2010
خللوا بالكم يا جماعة الراجل دة شغال فى توكيل هيونداى و مبيعملش اى حاجة فى المنتدى غير انة يقول على اى عربية زبالة و ان الهيونداى احسن منها و يمجد فى توكيل هيونداى
MMamdouh
و أنا اللي داخل أشوف مين أحسن؟؟؟
واضح ان لادا ولادا
والله أعتقد إن التكييف في اللادا فاشل، لأن في عدم إحكام في كل حاجة فيها وحتى هواياتها مش محكمة وخراطيمها مش محكمة، وهتلاقيها ولا كأنها مكيفة.. وأنا معايا الروسي، وفكيت التابلوه وعارف من جوه شكله إزاي.. بعدين هتلاقي حتت فيها بتنفخ عليك صهد في الصيف نتيجة عدم إحكام كل حاجة فيها.. متوجعش دماغك..