مجرد سؤال

**Abdallah** · 25-08-2007 03:49 PM

ممكن تقولى بقالك قد ايه مسعمتش الكلام دة ولسة فاكره ولا اتمسح من الذاكرة ؟؟؟

اسمع وجاوبنى .

http://ia350621.us.archive.org/1/ite...elady_64kb.mp3

**AlmAhAtmA** · 25-08-2007 04:15 PM

يا خبر ابيض
فين الكلام ده من زمان
يمكن علشان بنام بدري من سنين و مش بلحقه اصلوا كان بيجي متاخر قبل ما التلفزيون يقفل
لكن انا فاكر اخر مره سمعته امتي
كان في رمضان 2004 كان واحد جي امريكا طازه من مصر و انا كنت هناك و كان حاطوا علي الكمبيوتر بتاعوا
عارف اللي مزعلني ايه
اني ايامها كنت بعيد و لما سمعتوا اترعشت
لكن دلوقتي مش عارف حتي احدد شعوري
الناس دي قتلت فينا الانتماء ولا ايه
لا ما اظنش انا مصر عندي حاجه تانيه خالص
بس نسمع اغنيه يا طير يا محني الجناح و الريش بتاعت منير و احنا نفهم الموضوع
بس بجد الله ينور علي الموضوع الجامد قوي

**Abdallah** · 27-08-2007 01:56 AM

شفت يا عم هانى, الظاهر الناس خايفة تكتب فى ابموضوع, باينهم فاكرنى متراقب ولا حاجة هههههههههههه
للاسف انا كنت متوقع كدة ودة شىء بقة طبيعى فى الزمن الاغبر دة لان دلوقتى معدش فى حاجة اسمها انتماء ولا وطنية ولا فداء..
دلوقتى فى مصالح ورشاوى وشيلنى واشيلك.

**جندى مجند** · 27-08-2007 02:12 AM

جرب يا فندم تنزل تقف فى محطة مصر (أو رمسيس أو المرج ... الخ) لمدة ربع ساعة الساعة 8 أو 9 الصبح و ركز فى وجوه الناس اللى رايحة و اللى جاية ... و حتعرف اجابة الكثير من الأسئلة من تعبيرات هذه الوجوه التى تشعرك أن متاعب و صراعات الحياة كبرتها عن عمرها الحقيقى عشرات السنين ... و الحكمة البالغة بتقول عض قلبى و لا تعض رغيفى :(

**eng_elnaggar** · 27-08-2007 02:17 AM

انت فكرتني بالجنداري في ارض الطابور

تحيا جمهورية مصر العربية
تحيا جمهورية مصر العربية
تحيا جمهورية مصر العربية

وبعدين النشيد

**Dr Ahmed** · 27-08-2007 02:26 AM

النشيد أثار فى نفسى آلام وجراح..
إحنا دلوقت يتقال علينا أمة؟ وللا شوية بشر ساكنين جنب بعض؟؟

أمة؟؟
فين مشروع الأمة؟ فين العدو فين الحلم؟

أنا عمرى ما اعترفت بموضوع مصرى من سودانى من كويتى .. طول عمرى باعتبر نفسى مسلم وإن دى جنسيتى الحقيقية ، ودا بيهوّن عليا احساسى بمصر إلى حد ما..لأن مهما حصل هفضل فخور إنى مسلم..
إنما مصر .. نفسى ييجى يوم ونحكى على واقعنا النهارده انه كان ماضى وتاريخ نستفيد منه انه ما يتكررش تانى.. ولو مش عارفين نعمل حاجة يبقى نربى عيالنا كويس يمكن يعملوا اللى ماعرفناش نعمله!

**Abdallah** · 27-08-2007 01:04 PM

وازاى هنربى عيالنا كويس وهما محاطين بالفساد من كل جانب ؟؟؟
هنقفل عليهم فى حجراتهم ولا هنمنعهم من النزول والاختلاط بالناس؟؟؟
اعتقد ان بعد 20 سنة هيتم فرض حظر تجول للنساء من بعد 6 مساء منعا للاغتصاب.