السلام عليكم و رحمة الله و بركاته
الساده أعضاء الفولكس عامة و البيتل خاصة
محتاج رأيكم فى تليين ماتور عربيتى البيتل بعد العمرة لأنى هاستلمها النهاردة بإذن الله.
يعنى التليين الصح بيكون كام كيلو؟ و إيه الإجراءات السليمة للتليين ؟ و إيه الحاجات اللى أتجنبها أثناء التليين؟
محتاج آراءكم و خبراتكم :U_thin1[1]:
شكراً
السلام عليكم و رحمة الله و بركاته
أنا سألت الميكانيكى قالى إنو فتح التاكيهات إثناء التليين و هايلين على الواقف فى حدود صفحتين بنزين و بعد يومين من إستلام العربية أروحلو عشان يغيرلى الزيت و يكشف على البوجيهات ليكون بوجية قاطع ولا حاجة و بعدين التليين الأولانى بيكون لغاية 500 و ماعديش سرعة 60 كيلو و محرقش على الغيار و أتجنب المطالع و الكبارى العالية و بعدين أروحلو بعد 500 كيلو أغير زيت تانى و أنظف المصفاه بتاعة الزيت و أغير بوجيهات و أظبت تاكيهات و بعدين أبدء تليين لغاية 1000 كيلو بس أزود السرعة شوية شوية لغاية 90 كيلو فى الساعة بالكتير و بعد كدا أغير زيت و براحتى فى العربية بعد كدا بأمر الله.
فياريت اللى عندو معلومة زيادة أو تجربة يفيدنى .
شكراً
اوعى بس تنسى نفسك وانت على الطريق وتقرص خد يمينك وعينيك دايما على مؤشر السرعه وممكن تاخد الدائرى بالليل لفه كامله
في شوية حاجات في التلين لابد من مراعاتها في اول 1000كيلو
1- الزيت واللمبة علشان لو نورت لاي سبب من الاسباب لازم تبطل
2- السرعة متكونش اكتر من 70 80
3- تجنب الأحمال والقطر او الشد والمطالع الشديدة
4- التسارع علي الغيارات الاولي والقرص
5- زيادة لفات الماتوراكثر من الازم في حالة السلانسية
6- الحرارة الزائدة و يفضل التلين ليلا
وافضل حاجة التلين يكون في الطرق الطوالي وعموما العمرة في الشتا افضل من الصيف وعلي قد ماترعيها في التلين الماتور هيعيش معاك
وإن شاء الله ربنا يتمهملك علي خير واهو التلين بيديللك فرصة لتأمل العالم
ومتنساش ؟؟؟؟
اللبس الحزام والخوذة وكل وسائل الامان علشان السرعات العالية الي انت هاتمشي عليها !!!!!!!!!!وربنا يكون في عونك يا أحمد باشا
شكراً يا هاشم باشا و إن شاء الله هاعمل كدااقتباس:
المشاركة الأصلية كتبت بواسطة hashem1999
اقتباس:
المشاركة الأصلية كتبت بواسطة ahmed azab
شكراً يا أحمد باشا على المعلومات القيمة دى و ربنا يباركلك.
و الله الناس مبقاش عندها صبر خالص و غالبيتهم عاوزين يدوسو عليا و أنا ماشى :B4_237: مع إنى لابس الحزام و الخوزة هههههههههه :w6266d :verygood:
كلام مظبوط ميه ميه ومافيش كلام تانى بعدهاقتباس:
في شوية حاجات في التلين لابد من مراعاتها في اول 1000كيلو
1- الزيت واللمبة علشان لو نورت لاي سبب من الاسباب لازم تبطل
2- السرعة متكونش اكتر من 70 80
3- تجنب الأحمال والقطر او الشد والمطالع الشديدة
4- التسارع علي الغيارات الاولي والقرص
5- زيادة لفات الماتوراكثر من الازم في حالة السلانسية
6- الحرارة الزائدة و يفضل التلين ليلا
وافضل حاجة التلين يكون في الطرق الطوالي وعموما العمرة في الشتا افضل من الصيف وعلي قد ماترعيها في التلين الماتور هيعيش معاك
الف مبروك يا باشا على العمرة و ربنا يعوضك عن المصاريف و عقبال لما نبركلك على الحج مش العمرة .......اخوك ايمن...
الله يبارك فيك يا أيمناقتباس:
المشاركة الأصلية كتبت بواسطة amo400
و نطلع عمرة رمضان الجاى إن شاء الله و يكون جميع أعضاء البيتل و المنتدى الكرام مع بعض
يارب امين احنا والسامعين
لو عندك rpm حيكون التليين اسهل من عداد السرعة, و خلي عينك عليه و ثبت سرعتك على 2000 في الطريق المفتوح, و 2100-2200 في حالة غيار النقلة...
و لو حتمشي ال 500 كيلو مرة واحدة عشان تخلص, يبقى كل 30 دقيقه بطل الموتور و سيبه يريح 10 دقائق...
و دايما خلى الشنطة مفتوحة بالذات في اول 500 كيلو...
شكرا
اللهم اميناقتباس:
المشاركة الأصلية كتبت بواسطة ahit
الحمد لله رب العالمين أنا عامل دلوقتى 400 كيلو تقريباً.
أنا روحت لجمال الميكانيكى بعد يومين من الإستلام و غيرت زيت بعد 100 كيلو تقريبا و بعدين مشيت لغاية دلوقتى 400 كيلو تقريبا بدون قرص أو حرق على الغيار و السرعة القصوى 60 كيلو فى الساعة.
و إن شاء الله لما أكمل ال 500 هاروح أغير زيت و أظبت تاكيهات و أبدء ال 500 التانيين.
و ربنا يسهل و أشوف صوت و آداء العربية بعد ظبط التاكيهات و ربنا يستر.
السلام عليكم و رحمة الله و بركاته
إمبارح تميت 550 كيلو تليين بعد العمرة و الحمد لله , و روحت لجمال الميكانيكى و ظبط التاكيهات و ماغيرش زيت لأنه قالى الزيت نظيف جداً و حرام نغيره لأنى غيرتو بعد 100 كيلو من إستلام العربية بعد العمره.
بس أنا ملاحظ بعد ظبط التاكيهات إن صوت العربية عالى؟ فهل دا طبيعى ولا فيه حاجة فى ظبط التاكيهات ؟؟؟؟؟؟؟؟؟؟؟؟؟؟؟؟؟؟؟
شكراً
المفروض يا ابو حميد انك لما تظبط تاكيهات صوت الموتور يوطي اكيد ... بس خلينا نحكم بعد ال 500 كيلو اللي فاضلين ... ان شاء الله بعد ما تخلصهم نظبط تاكيهات و نظبط كهرباء و نغير زيت و نبص علي طقم الكهربا بالمرة ... و ان شاء الله يرجع صوت الماتور زيييييرو .....
انت عارف اد ايه انا بحب صوت الماتور يكون مظبوط ...
و ان شاء الله خير ... و ربنا يعينك
النهارده واحد صاحبى معاه بيتلز قاللى انه بيستعمل زيت مصر للبترول
هو زيت تخليقى ب75 جنيه عليه صورة نمر وهو بيغيره على 1500ك
وبيشكرلى فيه جدا وقاللى انه بيحافظ غلى الموتور
ياترى ايه رايكم فى الكلام ده
و الله يا هاشم باشا الأنواع كتير و الواححد مش عارف فين الأفضل لأن أوقات كتير بيكون الزيت مضروب.اقتباس:
المشاركة الأصلية كتبت بواسطة hashem1999
لكن عن تجربة شيل X100 أفضل للبيتل و خاصة فى الصيف لأن لزوجته عالية جداً , لكن المشكلة إن كل كام يوم سعره بيغلى !!!!!!!!.
أنا بعد العمره و فى فترة التليين بحط زيت عادى و بعد ال 1000 كيلو إن شاء الله هاستخدم شيل X100 .
بص يا باشا,اقتباس:
المشاركة الأصلية كتبت بواسطة ahit
لو ظبط التاكيهات علي 0.20 يبقي الموتور صوته هيعلى شويه بس مفيش مشكله لكن بعد ما تعدى ال 1000 كيلو خليه يضبطهوملك على 0.15, و صمم على كده, عشان فيه اعتقاد خاطىء بان كل لما تفتح التاكيهات يبقى احسن, طبعا ده كلام غلط و غير علمي, المصنع نفسه حدد الرقم ده في كل مكان في العالم نزلت فيه العربية دى, حتى في المكسيك المولعه نار في الصيف برده بيضبطوه على 0.15, و ذلك بسبب ان عواميد الضغط بتاعة التاكيهات مصنوعه من الالمونيوم و نسبة تمدده مع الحرارة بتخلي الفراغ تقريبا صفر, و هو ده المطلوب, لكن لما يكون مضبوط على 0.25 و 0.30 و الارقام الغريبة الي بنسمعها دى حيبقى فيه فراغ كبير حتى بعد ما الموتور يسخن, و ده بيهري عمود الكامة و يحرق الصبابات(بعيد عنكم جميعا),,,
على العموم, جمال متفاهم و فاهم هو بيعمل ايه, بس لما يقولك لا على ال 0.15, قوله "فيه ناس حبايبك من اسكندرية هما الي قالولي كدة", و بالمرة سلملي عليه كتير, هو هيعرف على طول قصدك مين...
شكراً شريف باشا على الرد الواضحاقتباس:
المشاركة الأصلية كتبت بواسطة Astromic
بس ليه سؤال
انت حضرتك جربت جمال الميكانيكى اللى عند الفسطاط و لا انت تقصد جمال تانى؟
و لما اشوف جمال اقوله إيه بالظبط عشان يفتكر حضرتك؟
و تنصحنى بإيه فى تليين ال500 التانيين اللى هما باقى الألف ؟
و بعد ال 1000 كيلو تنصحنى بإستخدام أى نوع من الزيوت للبيتلز عشان أمشى عليه على طول فى الصيف و الشتا؟
معلش أسئلة كتير
شكراً جزيلاً
لا يا باشا ولا يهمك,اقتباس:
المشاركة الأصلية كتبت بواسطة ahit
هو فعلا جمال بتاع الفسطاط, قوله "مايكل من اسكندرية بيسلم عليك قوي, و بيقولك الفتيس الله ينور"...
في ال500 كيلو التانيين اضبط التاكيهات على 0.20 او 0.15, و السرعه لا تزيد على 70, يعني لسه خلي رجلك خفيفه عليه و ذي ما قولتلك لو عندك rpm يبقى احسن عشان ادق من عداد السرعة في هذه الحالات, و خليه ميعديش ال 2300 ابدا لغاية ال 1000كيلو و بعدين اضبط تاكيهاتك على 0.15 و امشي براحتك بس برده بلاش القرص, فعادا لا ينصح بالقرص على الموتور الجديد في اول 2000 كيلو, بس "القرص" هنا يعني تعدي ال3000 rpm او حوالي 100كيلو على الرابع, لذلك انت عموما في الامان طالما ماشي جوه البلد,,,
بالنسبه للزيت, للاسف الانواع المنصوح بها لا توجد هنا و ان وجدت فهي مسمى باسماء و ارقام تانيه غير الصحيحة, انا عن نفسي بستعمل زيت شل, الحقيقة مش فاكر رقمة بس هو في جركن ابيض و مكتوب عليه انه للمواتير القديمة, ده مريحني نسبيا عشان مش خفيف اوي ذي العادى و مش تقيل ذي بتاع الديزل, و بغيره كل 1000 او 1500كيلو, و هو اقرب حاجه موجوده ممكن تشتغل كويس معانا,,, و على فكره الخفيف عيبه انه غير مصمم للتبريد(الا موبيل1 فهو ممتاز بس غالي طبعا), و زيت الديزل تقيل قوي فلا يدخل في مسارات الزيت الي جوة البلوك او الي بين الكرنك و البييلات الا لما يسخن و يخف, و طبعا على بال ما سعادته يسخن حيحصل تأكل حتلاحظه على المدى البعيد,,, و على فكره زيت البستم او اي نوع بيذود كثافة الزيت غير منصوح به اطلاقا استعماله في عربياتنا بسبب ذلك,,,بالنسبه ليك في التليين, هما اول 100-200كيلو تليين بس الي بتغيرلهم الزيت و بعد كده لما تخلص ال1000 و بعد كده عادي,,,
استاذ مايكل
منورنا فى المنتدى ومواضيعك بصراحه شيقه جدا ونتمنى منك المذيد من المعلومات والنصائح
وياريت تقولنا بالظبط نوع ورقم الزيت اللى بتستعمله
هل هو shel x100 ولا رقم تانى
وهل انت من اسكندريه وبتيجى القاهره مخصوص للتعامل مع جمال وتحكيلنا عن التعامل معاه واذا كنت غيرت الفتيس عنده او صلحته والتكلفه كام معلش هى اسئله كتير بس علشان تعم الفايده علينا كلنا وشكرا
شكراً مايكل باشا على الرد و الإهتمام . و إن شاء الله هابلغ جمال الميكانيكى.اقتباس:
المشاركة الأصلية كتبت بواسطة Astromic
المشكلة إنى مش عندى RPM و بمشى سماعى أو على عداد السرعة !!! .
بس جمال قالى زود السرعة شوية يعنى 70 إلى 80 كيلو و دا بعد ما ظبط تاكيهات بعد ال500 كيلو الأولنيين؟
و هاتأكد من جمال إنه ظبط التاكيهات على 0.20 او 0.15 إن شاء الله
زيوت شل للبيتلز ممتازة فعلاً و انا كنت بستخدمها و مجربها.
شكراً مايكل باشا
هاشم باشا أخبار حضرتك إيه؟اقتباس:
وياريت تقولنا بالظبط نوع ورقم الزيت اللى بتستعمله
هل هو shel x100 ولا رقم تانى
هو دا زيت شيل المخصص للمواتير القديمة ( شيل X100 ) و درجة لزوجته من 30-50
http://www.postimage.org/aVlFW4i.jpg
الحقيقة انا مش فاكر نوع الزيت بالضبط و المشكلة اني مسافر من فترة لدواعي عملي, لكن اول ما ارجع هاتأكد و اقولك, بس هو تقريبا ذي ما أ/ahit قال...اقتباس:
المشاركة الأصلية كتبت بواسطة hashem1999
انا على فكرة من اسكندرية بتعامل مع واحد اسمه حسن في عمارات "الامريكين", وهو شغله نضيف و امين, بس لما باجي القاهرة و العربية فيها اي حاجه بروح لجمال, و ميزة جمال انة امين جدا و بيتعامل مع العربية على انها عربيته و كمان سككه كتيرة في قطع الغيار و يعرف يجيبها مهما كانت نادرة, و كنت اخر مره عنده غيرت الفتيس, والفتيس كان ب500 جنيه,,,,
اقتباس:
المشاركة الأصلية كتبت بواسطة Astromic
شكراً على الرد و الإهتمام
و ترجع بالسلامة إن شاء الله
السلام عليكم و رحمة الله و بركاته
إمبارح كملت 1100 كيلو بعد التليين و رحت لجمال الميكانيكى و تم عمل التالى :
1- تغيير زيت ( حطيت زيت شيل X100 ) الشكل الجديد , و هو زيت أحادى الدرجة SAE50 و ممتاز جداً و دى صورته بعد تغيير شكل الجركن و سعره ( 59 جنية و عليه تخفيض اليومين دول من بنزينة شيل 55 جنية )
http://www.postimage.org/aV1gDbMJ.jpg
http://www.postimage.org/gx1VaRNS.jpg
2- تغيير بوجيهات ( بوسنة ب 21 جنية ).
3- تظبيط تاكيهات.
4- ظبط الكهرباء.
5- الابلتين و الكوندينسر بعد الكشف حالتهم كويسة و الحمد لله عشان كدا ماغيرتهمش.
6- تغيير فلتر بنزين
* الحمد لله بعد عمل السابق آداء العربية بقى أفضل و أحسن و الحمد لله , و إن شاء الله هاحكيلكوا كل اللى هاعمله فى الماتور بعد العمره أول باول بامر الله.
ربنا يباركلك فيها يا احمد باشا
و يباركلك يا هاشم باشا يا كبير :8_8_13:اقتباس:
المشاركة الأصلية كتبت بواسطة hashem1999
عقبال ال 1100000 كم ان شاء الله
الله يبارك فيك يا أستاذ إيهاب و يحفظلنا عربياتنا من كل شراقتباس:
المشاركة الأصلية كتبت بواسطة ihab
شكراً لزوقك و كرم اخلاقك :satelite:
اخبار الموتور معاك ايه دلوقتى يابو عمر
الحمد لله تمام يابو مريم و خاصة بعد ماتميت 1600 كيلو و ظبط التاكيهات و خلوص البوجيهات و غيرت الأبلتين و الكوندينسر عند محمد الأسمر الميكانيكى من 20 يوم تقريباً.اقتباس:
المشاركة الأصلية كتبت بواسطة hashem1999
و بسم الله ما شاء الله حسيت بفرق كبير فى صوت الماتور و السحب و إستهلاك البنزين , و كان معايا بعديها بيوم أخونا الكبير الأستاذ إيهاب و سمع صوت الماتور و حس بفرق فى صوت الماتور قبل الظبط و بعده الحمد لله.
بس المشكلة فى البنزين 80 أوقات كتير بيبرجل العربية لكن لما بحط بنزين 90 بحس بفرق كبير فى الآداء و السحب و صوت الماتور !!!
انا باحس ان بنزين 80 ده مليان رواسب و شوائب و ان بنزين 90 احسن منه كثيراقتباس:
المشاركة الأصلية كتبت بواسطة ahit
على فكرة يا جماعة الفرق بين 80 و 90 مش الجودة خالص و مش معني ان 80 ارخص فانه مش بنقاء ال90, ممكن هنا في مصر بلد العجائب بيحصل كده لاسباب انا مش عارفها, لكن رقم الاوكتان دة بيحدد نسبة الاوكتان في البنزين, و الفرق بينهم ان السيارت ذات الكبس العالي ذي السيارات الجديدة كلها و ذات محركات التربو و حتي القديم الي بيعلوا الكبس فيه(عندنا بيشيلو ورد الباك فير او بيرفعوها) بتحتاج رقم اوكتان عالي عشان لو حطينا فيها رقم اوطى سيحدث شىء اسمه "pre detonation" او احتراق سابق لاوانة نتيجة كبس البستم مش من الشعلة, و رقم الاوكتان العالي بالبلدي كدة بيقلل من قابلية البنزين للاحتراق, يعني ال80 بيتحرق احسن و اسرع بس مشكلة الاحتراق السابق لاوانة دي بتخلي الموتور طالع عينه و يبرجل و يقطع و ده طبعا بيقلل من عمره,,,
اسف على الاطاله,...
هى الرواسب دى بتكون عيب من البنزينه نفسها
انها مش بتنظف التانكات مش من البنزين نفسه
وكلام سليم طبعا ان رقم الاوكتان ده بيختلف على حسب كبس موتور السياره
والسسىسى بتاعه كام
يعنى عربيه مثلا 2000سىسى لو هتفول 80 يبقى كده هتجيب اجل موتورها بسرعه لانه مش واخد حقه للقدره والاداء بتاعه
اما اى سياره اقل من 1600 سىسى يمشى معاها كويس
بس مش الزيرو طبعا لان الكبس بتاعه والعزم عالى وبال80 هتستغنى عن قدرة الموتور وعزمه:36_1_40[1]: