الموضوع: محتاج نصائح لتليين ماتور الفولكس بيتل بعد العمرة ... ؟؟؟

المشاركة الأصلية كتبت بواسطة hashem1999

اخبار الموتور معاك ايه دلوقتى يابو عمر

الحمد لله تمام يابو مريم و خاصة بعد ماتميت 1600 كيلو و ظبط التاكيهات و خلوص البوجيهات و غيرت الأبلتين و الكوندينسر عند محمد الأسمر الميكانيكى من 20 يوم تقريباً.
و بسم الله ما شاء الله حسيت بفرق كبير فى صوت الماتور و السحب و إستهلاك البنزين , و كان معايا بعديها بيوم أخونا الكبير الأستاذ إيهاب و سمع صوت الماتور و حس بفرق فى صوت الماتور قبل الظبط و بعده الحمد لله.
بس المشكلة فى البنزين 80 أوقات كتير بيبرجل العربية لكن لما بحط بنزين 90 بحس بفرق كبير فى الآداء و السحب و صوت الماتور !!!

المشاركة الأصلية كتبت بواسطة ahit

الحمد لله تمام يابو مريم و خاصة بعد ماتميت 1600 كيلو و ظبط التاكيهات و خلوص البوجيهات و غيرت الأبلتين و الكوندينسر عند محمد الأسمر الميكانيكى من 20 يوم تقريباً.
و بسم الله ما شاء الله حسيت بفرق كبير فى صوت الماتور و السحب و إستهلاك البنزين , و كان معايا بعديها بيوم أخونا الكبير الأستاذ إيهاب و سمع صوت الماتور و حس بفرق فى صوت الماتور قبل الظبط و بعده الحمد لله.
بس المشكلة فى البنزين 80 أوقات كتير بيبرجل العربية لكن لما بحط بنزين 90 بحس بفرق كبير فى الآداء و السحب و صوت الماتور !!!

انا باحس ان بنزين 80 ده مليان رواسب و شوائب و ان بنزين 90 احسن منه كثير

على فكرة يا جماعة الفرق بين 80 و 90 مش الجودة خالص و مش معني ان 80 ارخص فانه مش بنقاء ال90, ممكن هنا في مصر بلد العجائب بيحصل كده لاسباب انا مش عارفها, لكن رقم الاوكتان دة بيحدد نسبة الاوكتان في البنزين, و الفرق بينهم ان السيارت ذات الكبس العالي ذي السيارات الجديدة كلها و ذات محركات التربو و حتي القديم الي بيعلوا الكبس فيه(عندنا بيشيلو ورد الباك فير او بيرفعوها) بتحتاج رقم اوكتان عالي عشان لو حطينا فيها رقم اوطى سيحدث شىء اسمه "pre detonation" او احتراق سابق لاوانة نتيجة كبس البستم مش من الشعلة, و رقم الاوكتان العالي بالبلدي كدة بيقلل من قابلية البنزين للاحتراق, يعني ال80 بيتحرق احسن و اسرع بس مشكلة الاحتراق السابق لاوانة دي بتخلي الموتور طالع عينه و يبرجل و يقطع و ده طبعا بيقلل من عمره,,,
اسف على الاطاله,...