مشاء الله الله اما زد ايمان المسلمين وابعدهم عن تامر حسنى وروبي والاخرين
بلا تامر بلا بتاع يعم دى عالم تافهة لو قالوا اتبرعوا بجنيه لغزة مفيش حد هيتبرع ولو قالوا ادفعوا تذكرة ب50 جنيه لتامر هيدفعوا
عرض للطباعة
مشاء الله الله اما زد ايمان المسلمين وابعدهم عن تامر حسنى وروبي والاخرين
بلا تامر بلا بتاع يعم دى عالم تافهة لو قالوا اتبرعوا بجنيه لغزة مفيش حد هيتبرع ولو قالوا ادفعوا تذكرة ب50 جنيه لتامر هيدفعوا
معبر إيه يا أستاذ محمد ما تيجي نرجع الأمور لوضعها الطبيعي كده ونشوف ده المفروض نعامله إزاي ؟
مش ده اللي دفع رشوة وزور وهرب من الخدمة العسكرية ؟؟؟
رشوة + تزوير + تولي = نجم النجوم
إيه الحالة اللي وصلنالها دي ؟
المعايير كلها اختلت والشباب مش عارف يختار القدوة
قَدْ بَدَتِ الْبَغْضَاء مِنْ أَفْوَاهِهِمْ وَمَا تُخْفِي صُدُورُهُمْ أَكْبَرُاقتباس:
وبطلب طلب بس من abou_ruqi صاحب الموضوع
متتكلمش كتير مع الناس الجهله وضعفاء النفوس
الاشكال دي بتتكلم بتتكلم وبعدين لما تلاقي نفسها مفيش رد بيسكتو لواحدهم
دع الكلاب تعوي والقافله تسير
آل عمران 118
(على فكرة أنا مش صاحب الموضوع , بس واحد , أنا رأيي من رأيه )
انا عاوز أقول رأيى .
أولا:موضوع ان تامر حسني ده شخص تافه أو لأ ده حرية شخصية انا شايفه تافه و غيرى شايفه كويس ده مش معناه ان انا كويس و غيرى تافه أو العكس .
ثانيا:مش معنى ان انا شايف تامر حسنى بيقدم فن تافه أو هابط او ايا كان يبقى ده يدينى الحق انى أكرهه , انا بكره اللى بيعمله لكن هو خلقة ربنا و مينفعش أكره خلقة ربنا فا انا شايف ان مينفعش أقول انى بكرهه هو و كل معجبينه.
ثالثا:احنا شعب عاطفى و لما بنشوف حد مختلف معانا بنتنرفز فا بننسى ازاى نتناقش بطريقة متحضرة و بننسى هدف المناقشة و بالتالى تتحول المناقشة الى شىء من الهمجية .
و زى ما احنا احتدينا على موضوع الدين و قولنا ان الدين هو سبب تقدم الأمم يبقى لازم نتكلم بطريقة صح بدون اهانات أو حتى تلميحات لشخص المتكلم انا لما بختلف مع حد بختلف مع فكره مش مع شخصه.
و على فكرة لازمة التقدم مش "فشخرة" زى ما كان فيه أخ بيقول لازمة التقدم انك لما تشارك فى مناقشة زى دى تخرج منها مستفيد بأراء مختلفة عنك أو بفهم شخصية الأخر "الأخر هو أى انسان اختاف عنك فى فكر , فى دين , أو حتى فى شكل "
و كمان مش لازم ان أي حد يتكام عن الدين يبقى بيتكلم عن الاسلام
مصر فيها مسلمين و مسيحيين و كان فيها كمان يهود "مع العلم ان فيها دلوقتى عدد ضئيل من اليهود" زمان كان فيه سيساسة أو فلسفة الكل كان كان متفق عليها و هى تقبل الأخر .
انا رأيى ان لو عاوز تقيس تقدم شعب يبقى نشوف أسلوب حوارهم .
أسمحلي أنا يا أبوحميد أرد
شوف يا سيدي
أنا شفت الحفلة امبارح لأن بيت أهل زوجتي بيطل على الاستاد مباشرة و الرؤية منه واضحة 100%
وكان معايا تذاكر المقصورة
أولا أنا عايز أوضحلك الصورة
ما كانتش حفلة من بتوع عمرو اللي مارينا
الحفلة دي كانت عبارة عن زريبة بمعنى الكلمة و لا يمكن وصف الحضور غير بسلوك القطيع
فأنت عندما لا تجد للكلمات تأثيرا في العقل
ولا تجد للتنظيم و التذاكر و الأماكن المحجوزة معنى و لا قيمة
و عندما تكون الحلول بالضرب و البوابات الحديدية ...
فأنت عندها تعامل قطيعا و ليس بشرا
النقطة الأهم ...
ما الذي تكسبه من اللبس و النزول و التزاحم و تقبل الاهانات من رجال الأمن و الجماهير الرديئة المتواضعة الأخلاق و تكبد عناء الوقوف لساعات و ساعات في انتظار شخص ؟؟؟
شخص تراه و تسمعه ( بفلوسك )
ما الزيادة في رؤيته حيا بشحمه و لحمه ؟؟
هل للتبرك بجنابه ؟؟
أم أنها فرصه العمر لؤية شاب عادي من شباب مصر التافه و لكنه ذو حظ عظيم لوجود الملايين ممن هم أكثر منه تفاهة ...
لا حظ الكثيرون أن أفيشات الحفلة و الإعلانات مكتوب فيها بالبنط العرييييض (مشروع تامر حسني القومى - في حب مصر)
مين ده ؟؟؟
تمورة اللي مزور شهادة و هربان من الجيش ؟؟ قومي ؟؟ و حب مصر ؟؟؟
على فكرة أنا لا باحب دخول الجيش و لا باحب مصر ياسيدي
بس ما بعملش الحركات المستفزة بتاعة أي حاجة دي ..
لو هاتقارن الناس هنا بالخارج
الفرق شاسع يا عزيزي
الحفلات و ماتشات الكورة هي هي وسيلة للترفيه عن النفس بعد أيام من العمل و اللي بيحضر لمايكل و لا ميتاليكا و بيكسروا الدنيا رقص و سكر كمان لو تحب
دول ناس منهم اللي بيخلص الحفلة و تاني يوم تلاقيه بيشتغل و بيذاكر و لا أي حاجة مفيدة
المهم ان الموضوع ده مش نمرة واحد عند الكل
انما اللي كان موجود امبارح
هو ناس و ستات و رجالة و عيال و كبار وولاد و بنات معظمهم صيع و تافهين و بيحاولوا الدخول بأي طريقة و لا كأنها الجنة ......
انت لو شفت بعينك ما كنتش قولت كده
الموضوع مش موضوع دين على فكرة
الموضوع موضوع تحضر
و على فكرة تامر ليه أعمال كويسة و ساعات باسمعه
بس هو مشكلته انه عايز يبقى سوبر ستار بالعافية و ده اللي مخلي منظره وحش قوي :C_laugh[1]:
انا طبعا متفق مع كلام موتورايزر .. ان لازم يبقى فيه حرية رأي ...
لكن فيه فرق بين الرأي والعقيدة .....
....
واضح ان كمان كام سنة ح نلاقي من ينادي بحقوق الشواذ والزواج المثلي في مجتمعنا ....ده مثلا يعني .... وبعدين يقول دي حرية شخصية ...
احنا مجتمع مسلم .... متدين
وكمان الأخوة المسيحيين في مصر .... متدينين
يبقى لما الامر يتعلق بالدين ..... تبقى دي عقيدة مش رأي
يعني ماينفعش ييجي واحد يقول ان الدين عمره ما قدم أمة
أمال عصر الفتوحات الأسلامية ده كان بالفن ؟؟؟؟؟؟؟
لما الدولة الإسلامية ايام الصحابة والقرون التالية كانت تمتد من الأندلس للصين .... ده كان بسبب ايه ؟؟؟؟؟
وهيا اسرائيل دلوقت مكتسحة الدنيا ليه ؟؟؟ عشان دولة دينية .... بينفذو اللي هما معتقينه ... بغض النظر هما صح ولا غلط
يظهر اننا مش بنعرف نقرأ التاريخ .... ولا حتى بنتعلم من أعداءنا
سبب رجعيتنا مش اننا سطحيين يا استاذ .... سبب تخلفنا اننا فرطنا في تراثنا وثقافتنا وديننا ......
لما كنا دولة اسلامية كان العلماء معظمهم من العرب ....
ٍانا عايز حد يخش يقول انا بحب تامر حسني ....والله هاخد فيه بان
لسة في الدنيا خير .... طالما فيه ناس مستنكرة إللي بيحصل
وكل واحد ليه دور مع أهله واصدقاؤه وجيرانه ... بالنصح ... دون فرض الرأي
والله المستعان على الدنيا وما فيها
انا بحب تامر حسني
وريني بقا حتعمل إيه
ههههههههههههههههههههههههه هههههههههههههههههههه
بس لا بحضر حفلات ولا بصوت ولا حاجة خالص
أنا بحب الرومانسية في أغانيه من الجيل الجديد
وبحب عمرو دياب
وهاني شاكر
وفضل شاكر
تشكيلة كدة
عشان يبقا بان 100%
ههههههههههههههههههههههههه هه
واللهى شباب يحزن مابقاش وراه غير التفاهه
ربنا يهدى