الموضوع: سؤال بسيط الى عشاق الاوبل

المشاركة الأصلية كتبت بواسطة ghost

تحية الى جميع اعضاء المنتدى و الا اقول العصابه احسن

هو فى فرق بين اوبل فيكترا من 98 الى 2003
1- فى حجم السيارات الخارجى اى فى الابعاد و ارتفاعه عن الارض ( مع العلم احث ان بعض المودلات منه تكون اكبر فى الحجم ) و لاو ممكن معلومات عن الحجم و الوزن
2 - هل يفضل موديل 2002 مع ماتور 2000cc اتومايتك ام عادى ( حيث يقال ان الاتوماتيك سريع الخرب ) هل هذا صحيح
3 - هل استهلاك السيارات للبنزين معقول سعة 2000cc ولا
4 - شكرا الى سيادتكم يا عملاقة الاوبل

يا باشا قول زي ما تحب..
قول اللي ف نفسك..

العربية نفس الابعاد و الوسع من جوة من اول سنة 96 لحد 2002.. في فرق ف الاوبشنز و المواتير..
بالنسبة للوزن و الابعاد مش عارف بصراحة..
المواتير.. من اول 96 لحد 2000 في موتورين بس.. 1600 مانيوال.. و 2000 اوتوماتيك.. و الموتورين كامة واحدة..
من اول سنة 2000 في الموتور ال1600 الكامة واحدة زي قبل سنة 2000 مانيوال.. و موتور 1600 ايكوتك 2 كامة.. و ده علي فتيس اوتوماتيك.. و ده لا ينصح بيه عشان مشاكله كتير.. ف الكونترول يونيت.. و في الموتور ال2000 سي سي ايكوتك 2 كامة.. و ده افضل موتور للفيكترا.. اقوي واحد..
و ده نازل علي فتيس اوتوماتيك فقط.. مفيش منه هنا في مصر مانيوال.. ممكن يكون في عربيات نازلة من برة كده الله اعلم.. بس هنا في مصر مفيش تقريبا..

بالنسبة لاستهلاك البنزين و المعلومات الدقيقة دي.. عمالقة الفيكترا يجاوبوك بقي.. انا كورساوي صغير لسة..

المشاركة الأصلية كتبت بواسطة ghost

لى الشرف ان تكون اول من يرد على سؤالى
يا استاذ احمد علاوي
و شكرا اليك
يعنى الى انا حثه ممكون وهم من ناحية الفرق فى الحجم
يعنى 2000cc على فتيس اتوماتيك يكون احسن
يعنى glx ممكن تكون فى رنج كام

يافندم متقولش كده.. الشرف ليا انا والله..
انا تحت امرك في حدود معلوماتي القليلة عنها..
ال2000 سي سي الايكوتك ممتع جدا و جراي جدا.. و شديد جدا.. ما شاء الله..
الفلوس بصراحة مش عارف.. بس ممكن نقول في حدود اول السبعينات.. تزيد شوية او تقل شوية.. حسب السوق و اللي بيجرا فيه..

عموما لو حابب.. في واحدة للبيع هنا لسة صاحبها عامل موضوع النهاردة ليها..
و ادي التفاصيل..
http://www.nilemotors.net/Nile/showthread.php?t=59362
ممكن تكلم الراجل و تسأله عايز فيها كام بالظبط..

المشاركة الأصلية كتبت بواسطة ghost

لى الشرف ان تكون اول من يرد على سؤالى
يا استاذ احمد علاوي
و شكرا اليك
يعنى الى انا حثه ممكون وهم من ناحية الفرق فى الحجم
يعنى 2000cc على فتيس اتوماتيك يكون احسن
يعنى glx ممكن تكون فى رنج كام

بص ياباشا كلام علوة تمام 100 فى 100
اما على الثمن فهى ممكن تعمل حسب الموديل والمتور الجديد او القديم لكن الاوبل سوقة وقع وقعة وحشة جدا جدا جدا جدا الناس بترمى العربية دية باى سعر دلوقتى انا شفت وحدة 98 على 35 والله بتحسر وبعديها شفت وحدة 97 على 55 مفيش رنج موعين الحالة هى المقياس بس ممكن تبدا من 45 الى 70 من اول 96 الى 2003والتقسيم كالاتى
96 تعمل 45 الى 51
97 98 99 تعمل من 48 الى 57
2000 الى 2003 تعمل ما بين 53 الى 65
بس gx دية حاجة تنية عشان التقفيل ةالامكنيات حاجة تنية
اما على استهلاك البنزين 2000 اليكوتك بيعمل ما بين 160 الى 215 فى الصفيحة وحسب قدم قلى سيقها
1600 اليكوتك متشترهوش بس بيعمل ما بين 180 220 اما المتور القديم 1600 بتعمل من 170 الى 200 ال2000 سىسى 140

ايوة كده يا مان..
برضه التخصص حلو..

السلامة عليكم ورحمة الله وبركاتة

اخى الكريم

الفروق بين 97 و 2000

اولا الشكل الخاريجى

اختلافات فى الاكصدامات الخلفى و اللامامى و الكابوت

وايضا الشنطة وطبعا الفروق دى بسيطة جدا مش تلاحظها بسهولة

بالنسبة للمحرك

200 سى سى

97 بيكون ماتورها 2000 كامة واحدة كود المحرك 20nej
الفتيس اتوماتك

اما من اول سنة 2000
بيكون الماتور 2000 اتنين كامة كود المحرك C20sel
الفتيس اتوماتك




بالنسبة الى العربيات 1600 مانوال

فى 97
محرك 1600 كود 16lz
بيكون فتيس مناول المرشدير بتاعها سوستة الى الامام كود الفتيس F18

اما من موديل 2000

محرك 1600 كود 16lz
الفتيس بيكون المرشدير بتاعها سوستة الى الخلف كود الفتيس F23




فى عندك فيكترا 1600 اتوماتك

ودى بلاش منها خالص لان بها مشاكل كتير فى الكنترول


واى سؤال انا تحت امرك

المشاركة الأصلية كتبت بواسطة ghost

لى الشرف ان تكون اول من يرد على سؤالى
يا استاذ احمد علاوي
و شكرا اليك
يعنى الى انا حثه ممكون وهم من ناحية الفرق فى الحجم
يعنى 2000cc على فتيس اتوماتيك يكون احسن
يعنى glx ممكن تكون فى رنج كام

ال GLS موتور 1600 مانيوال
الاوتوماتك نازل CD و CDX

ماتركبش 1600 اوتوماتك عشان فيه مشاكل
لو 2000 فى الكامة الواحده وفى الكامتين

الكامتين اقوى بكتير واستهلاك بنزين اقل

الGLS حالة نظيفه موديلا 2000 - 2003 يعمل 60 - 65 الف تقريبا
وممكن تلاقى حاجات اقل من السعر ده بس المهم تتاكد من حالتها

المشاركة الأصلية كتبت بواسطة nemonemo430

السلامة عليكم ورحمة الله وبركاتة

اخى الكريم

الفروق بين 97 و 2000

اولا الشكل الخاريجى

اختلافات فى الاكصدامات الخلفى و اللامامى و الكابوت

وايضا الشنطة وطبعا الفروق دى بسيطة جدا مش تلاحظها بسهولة

بالنسبة للمحرك

200 سى سى

97 بيكون ماتورها 2000 كامة واحدة كود المحرك 20nej
الفتيس اتوماتك

اما من اول سنة 2000
بيكون الماتور 2000 اتنين كامة كود المحرك C20sel
الفتيس اتوماتك




بالنسبة الى العربيات 1600 مانوال

فى 97
محرك 1600 كود 16lz
بيكون فتيس مناول المرشدير بتاعها سوستة الى الامام كود الفتيس F18

اما من موديل 2000

محرك 1600 كود 16lz
الفتيس بيكون المرشدير بتاعها سوستة الى الخلف كود الفتيس F23




فى عندك فيكترا 1600 اتوماتك

ودى بلاش منها خالص لان بها مشاكل كتير فى الكنترول


واى سؤال انا تحت امرك

ال 1600 مانيوال موديل 2000 الفتيس مرشيدير سوسته قدام مش ورا