Happy Valentines Day All
عرض للطباعة
Happy Valentines Day All
انا كان عندى وش:B4_592: جامد بسبب موضوع الحساس بتاع الكرنك دة
اول اما جبت العربية كونت خايف من الحسد و خصوصا ان المنطقة عندنا شوية كدة لبش:B4_444: وكانت بتعمل حاجة غريبة اوى كل اما حد يوقلى مبروك العربية متدورش
اسبها ربع ساعة و بعدين اسمى بالله تدور, رغم انى ببقى راجع من مشوار وراكنها بقالى ساعتين مثلا يعنى لو سخنة تبقى بردت و تبقى دافية برضة
واخيرا غيرت حساس الكرنك وجبته ب225 جنيه(جنيه ينطح حنيه)
و الحمد الله بقت تمام :U_thin1[1]:(يمكن عشان الناس مبقوش يبركولى)
ده سعر الحساس فى عربيتى(استرا2000)
ادعولى احوش شويه:36_7_4[1]: كمان عشان الAir Mass عايز يتغير هوا كمان و العمليه مقشفه خالص
يا مساء الفل يا خالد بية والله وحشنى جدا انت و العصابة
والله يا باشا انا زى اما قولتلك ال132 لسة بعافية شويتين
و الف لابأس يا باشا على موضوع الجنوط(مش عاوزين نبعد عن الوضوع عشان الادارة)
كنت جبته من عند حسام اوبل و بشمهندسنا محمد بيك هو اللى ركبهولى
وانت عارف اسعار التوكيل لازم عاليه
حساس الهواء هناك ب2500 جنيه وسألت علية برة قالولى 1250
النهاردة و انا ماشى هوب العربية بطلت لوحدها و محلفتش تدور
دقيقة واحدة بجرب دارت زى الفل بس اللمبة الصفراء نورت 15 ثانية و بعدين طفت تانى
ايديال كنترول
ام حساس كرنك
ترسل الأجابات الصحيحة إلى مستشفى الأمراض العقلية بالعباسية - قسم حالات اوبل الحرجة - سرير 14
حساس الكرنك هو اللى عامل الليله دى....ولكنه سليم....ولابد من التأكد من دايرته الكهربيه...(أرضى وتوصيلاته ).....العمليه دى عاوزه فقط كهربائى كويس......لأن ده بيتقال عليه فى دوائر التحكم الالكترونى ...عيب مؤقت....بمعنى أن العيب ده من خطأ فى الأتصالات الكهربيه للعنصر اللى بيجى منه العيب....وطبعا العنصر ده (حساس الكرنك)...والأعطال اللى زى دى بتبقى عاوزه فقط كهربائى ماهر للتأكيد على الأتصالات الكهربيه فى الدايره......يعنى التكلفه فقط مصنعيه الصنايعى(ومفيش أى حاجه عاوزه تتغير لا حساس ولا دياوله)
يعنى الحساس مش بايظ اغيره
انا نزلت دلوقتى مسكت كل فيش الحساسات و غرقتها Wd40 و سبتها قد ساعة و نزلت جربت و مسكت الأيديال كنترول فكتيه و غرقته بالمرة و النتيجة لسة ما ظهرتش و رشيت على كل السلوك الأرضى اللى رايحة العربية
أه و ماهر الكهربائى مات مفيش منه غير استيراد
انا يا باشا مش عارف اشكرك ازاى الغريبة انك الوحيد اللى معبرانى فى الموضوع ده و مفيش حد عبرنى من يجى يومين غير سيادتك
والله شاكر الأفضال
على فكرة اخو ماهر ميكانيكى عجل مش كهربائى زى المرحوم اخوه
و ايه الأعراض الكامله ان الحساس تعيش انت يا حاج ونطلع علية الترب ندفنه
الحساس ده بالذات يا أبيض يا أسود......يعنى لو باظ العربيه مش حتنطق خالص.....وأنت بتقول العربيه بتشتغل كويس وبتبطل لوحدها أحيانا.........يبقى عيب توصيلات....أنا فى رأيى المتواضع......مفيش غير كدهوأى حساس تانى العربيه حتشتغل برضه بسه حيبقى الآداء تعبان.....أنما مع ده سامحنى....زى مقولتلك يا أبيض يا أسود..(لأن ده الدراع اليمين لوحدة التحكم)......زى ماقولنا فى أول الموضوع خالص
يعنى افهم من كلام سيادتك ان الكلام اللى قلوه بتوع قطع الغيار بطيخ برضه هما قالوا ممكن يشتغل لغاية ما تسخن و بعد كده يفصل
انا النهاردة لافف بتاع 70 كم فى وسط البلد و الزحمة و المهندسين و المعادى و مشغل التكييف و ما حصلش حاجة
انا خلاص و الله اتجننت
اذا كانت نظرية تشغيله...بتعتمد على ان الكرنك لما يلف....... (الحساس نفسه)بيولد indused voltage .....(يعنى بيطلع نبضات فولت معينه وبطريقة الحث الكهربى)النبضات دى بتروح لوحدة التحكم على شكل موجات كهربيه ومنها الوحده بتعرف البستم رقم 1 فين(مش أحنا قولنا أن الحساس ده هو العين اللى بتشوف بيها وحدة التحكم وضع وترتيب البساتم )......يبقى عمر نظرية أن يبوظ من السخونه دى متكون سبب أنه يتلف.......وعلشان كده(كلام التجار عن السخونه وتلف الحساس....عباره عن بطيخ)....أمال هما بتوع قطع غيار ليه......مالهمش الا فى الغيار وبس (يعنى ...غير غير غير )
على فكره أنا كانت عندى مشكله شبهها
وهى إن العربيه فجأه لقيتها مبدورش وبعد يوم أو محاولات عديده تدور
وبعدين الأمرتطور إن مبقتش تنطق جبت كهربائى عامل نفسه أينستين قالى الكمبيوتر ضرب:8954[1]:
جبت واحد تانى نضف حساس الكرنك وتصيلاته وفيوز معين كده فى علبة الفيوزات بس مش عارف إيه هو والعربية إشتغلت تانى
أنا برده يتهيقلى إن ده مش عيب حساس ده عيب توصيلات أو فيوز
ربنا معاك ولازم يكون عندك صبر أنا عارف الأيام دى بس هنعمل إيه :11:
الموضوع بسيط لو العربيه قطعت كهرباء و بنزين من طلمبه البنزين مع بعض يبقى حساس كرنك و لو قطعت كهرباء بس يبقى تشك فى البوبينه
م/ فادى صبحى
بصراحه لاأستطيع الا القول ربنا مايحرمنى من زوق عمالقة الأوبل..........ومردتش أعلق على كل رد من الردين منفصل........علشان أاكد على نظرية العصابه وفكرتها اللى مليا دماغى واللى بأتمناها لكل البشر....تحياتى لعمالقة الأوبل (محمد بيه مختار وأحمد بيه علاوى).....وبرده حقول على رأى أخويا أحمد.....مفيش توقيع دلوقتى
انتو كده خلتوا شكلى وحش الرجالة كلها ردت مرة واحده و مافيهماش غير خبير او استاذ
اروح انا فين يا عم وسط الناس اللى منورينا دول
للعلم مانورتش تانى اللمبة و العربية زى الفل و الحمد لله لغاية دلوقتى لغاية ما اخد مشوار المنصورة و اشوف اللى ممكن يحصل
أولا أنا مبسوط جدا.....وبأشكر المولى سبحانه وتعالى على هذه النتيجه....واللى أنت قولته ده ...مخلينى واثق ومقتنع تماما....بأن تحليلى مظبوط بفضل الله......ولو نورت اللمبه تانى أو العربيه فصلت....يبقى لازم تعمل زى ماقولنا قبل كده.....وشيل أن فيه مشكله فى الحساس من الموضوع.على فكره.....أنا فاكر من ردك أمبارح أنك قولت أنك رشيت سبراى (مزيل صدأ)....على الفيشه بتاعة الحساس.....فممكن تكون جات معاك وحصل المراد وأتشال العيب......وبقيت أنت الحاج /مــــــــــــــــاهر
بركاتك يا كبير
يا باشا و انا خدام و عينية ليكو و جرب
انا شامم ريحه عزومه ؟؟؟
انا جيت اهه فين العزومه يا جدعان؟؟
قدرة فول بالزيت الحار مخصوصه و طحينة و لمون مش خل و ملح و كمون و شطة و العيش و السلاطات كمان عندى
يا دوب ده اللى يكفى الجيش بتاعنا
طعمية و بدنجان و عيش بلدى ابو ربع جنيه و بصلة المحب خروف
والله على رايك بس انا هاخلى مراتى و حماتى هما يدمسوا الفول عندهم شهادة احتراف فى القصة دى بس المشكلة فى عدة الشغل الأطباق و القعدة
بس يا باشا مايجيش من بعض خيركم يا باشوات
و ادى اول طبق على خيرة الله حد ليه فى البصل الأخضر و الجرجير و لا نقضيها طرشى