سؤال عن كبالن ال 405

**M.Mekawy** · 13-02-2009 02:04 PM

الكبالن عندى يا جماعة جابت جاز , بأمانة العربية كلها جابت جاز , 405 موديل 97 , و انا نفسي اجيب عربية من الصيف اللى فات و معايا فلوسها كاش , بس ان شاء الله مش هجيب حاجة غير لما العربيات ترخص , ما علينا , سؤالى عن رؤوس الكبالن هل هى بتتباع لوحديها جديدة من غير الطقم كامل , لان الطقم كامل ب 900 جنيه , و فين و بكام و كده يعنى.
متشكرين عالمساعدة مقدما

**nabaster** · 13-02-2009 03:54 PM

المشاركة الأصلية كتبت بواسطة mekawybeeh

الكبالن عندى يا جماعة جابت جاز , بأمانة العربية كلها جابت جاز

, 405 موديل 97 , و انا نفسي اجيب عربية من الصيف اللى فات و معايا فلوسها كاش , بس ان شاء الله مش هجيب حاجة غير لما العربيات ترخص , ما علينا , سؤالى عن رؤوس الكبالن هل هى بتتباع لوحديها جديدة من غير الطقم كامل , لان الطقم كامل ب 900 جنيه , و فين و بكام و كده يعنى.
متشكرين عالمساعدة مقدما

ايه يا عم براحه شويه حاسك بتجري وانتا بتتكلم انتا ليه مستعجل كده؟؟

عموما استني شويه حالا معلمين ال 405 يجو يردو عليك

هيرو نور حد يستلم الزبون ده

**the-hero** · 15-02-2009 03:07 AM

بص ياباشا عندك روس كبالن جديدة الواحدة ب 225 ج وكويسا اوى
ده فى حاله لو الكبلن يطقطق فى الملفات او اى طقطقة مع الماشى
لكن لو فيه صوت رزعه فى الطلعه أو دبه لما تسيب دبرياج فده فى الراس الثابت اللى مبيتبعش والصليبة كذالك
فى الحاله ديه ممكن تجيب راس استيراد أو صليبه أستيراد
أو تجيب طقم كبالن أستيراد ب 500 جنيه

**M.Mekawy** · 15-02-2009 11:20 PM

لا يا باشا هو صوت طقطقة بس عشان كده كنت بسال على الرؤوس بس ,هو لو كده يبقى تمام, طب اجيبها منين دى يا باشا؟

**harphosh** · 16-02-2009 10:17 AM

المشاركة الأصلية كتبت بواسطة the-hero

بص ياباشا عندك روس كبالن جديدة الواحدة ب 225 ج وكويسا اوى
ده فى حاله لو الكبلن يطقطق فى الملفات او اى طقطقة مع الماشى
لكن لو فيه صوت رزعه فى الطلعه أو دبه لما تسيب دبرياج فده فى الراس الثابت اللى مبيتبعش والصليبة كذالك
فى الحاله ديه ممكن تجيب راس استيراد أو صليبه أستيراد
أو تجيب طقم كبالن أستيراد ب 500 جنيه

+1000000 ممكن تجيب كل حاجة للعربية من شارع مجلس الأمة " عادل داغر أو شعبان أو الأصدقاء وفيه ناس كثير هناك " ولو عزيزى أحمد يعرف حد تانى برضه يفيدنا لأنه الشهادة لله أستاذ 405

**the-hero** · 17-02-2009 01:39 AM

المشاركة الأصلية كتبت بواسطة harphosh

+1000000 ممكن تجيب كل حاجة للعربية من شارع مجلس الأمة " عادل داغر أو شعبان أو الأصدقاء وفيه ناس كثير هناك " ولو عزيزى أحمد يعرف حد تانى برضه يفيدنا لأنه الشهادة لله أستاذ 405

استاذ محمد بنفسه بيرد على الموضوع بنفسه ياد النور
ياباشا ده بس من زوقك وكرم اخلاقك
والرؤس عن اى موزع قطع غيار بيجو فرنسية اواوربيه
فى شارع مجلس الأمة او فى مدينة نصر عند واحد اسمه مصطفى حسين والأخ نور ممكن يدلك عليه
انا عن نفسي بتعامل مع موزعين عندنا فى الشرقية كبار جدا واسعارهم معقولة جدا

**Nour_Peugeot** · 17-02-2009 02:50 AM

ايو يا جامع ممكن تتجاب جديده من عند مصطفي شوقي

وو مصطفي شوقي ده مستورد قطع غيار بيجو و هو في شارع مكرم عبيد خلف التوحيد و النور

و يا باشا انت عارف ان ممكن ب 5 الف جنيه تش العربيه شده كامله تبقي عروسه

**M.Mekawy** · 17-02-2009 08:28 PM

الف شكر يا نور باشا و يا hero باشا , ربنا يكرمكوا على المساعدة , و عامة انا لا عايز اشد ولا عايز ارخى
أنا عايز اصم بس عزيزة لحد ما ربنا يكرم .
متشكر مرة تانية.

**lkul** · 05-12-2010 01:51 PM

ممكن بعد اذنكم سؤال
لو عربية بيجو 309 معدلة ماتور 405 -1300 سىسى
يبقا العفشة والكبالن وكل اجزاء العربية وقطع غيارها 405 وبستثناء طبعا الجسم الخارجى والقاعدة وهل يوجد ماتور 405 1300 سىسى ؟؟
ارجو سرعة الرد

الموضوع: سؤال عن كبالن ال 405

LinkBack

أدوات الموضوع

عرض

-

-

-

-

-

المواضيع المتشابهه

سؤال عن كبالن الابيزا

سؤال عن كبالن النترا 2007

سؤال عن كبالن السويفت

سؤال بخصوص كبالن وسوست نيسان صنى 1983

هل صحيح ان كبالن الفيورا معمرة اكثر من كبالن ال128 ؟

الكلمات الدلالية لهذا الموضوع

المفضلات

المفضلات

ضوابط المشاركة