اجيب منين موبينا يا جماعة انا عربيتى اوبل فيكترا 2001 قطعت موبينا مش عارف اعمل اية الكهربائئ بيقولى ماشية على تلات فرد بس فى حد بيصلح ولا لا
عرض للطباعة
اجيب منين موبينا يا جماعة انا عربيتى اوبل فيكترا 2001 قطعت موبينا مش عارف اعمل اية الكهربائئ بيقولى ماشية على تلات فرد بس فى حد بيصلح ولا لا
افتكاسه جديده
هما كل واحد بيقول حاجة الموبينا يا شغاله يا قاطعه مفيهاش وسط يا ابيض يا اسود
انا كنت هاغيرها فى عربيتى و طلع عيب تانى خالص غيرها حساس الكرنك
عندك يا باشا ممكن اكتر من احتمال
1. الشاكوش بتاع الأسبراتير
2. الأسبراتير عايز يتنضف او يتغير
3. سلوك البوجيهات
4. البوجيهات نفسها
5. لو العربية عندك زى الصنايعية بيقولوا على مجموعه - مشط يعنى - شوف المشط الأول و نضفه
و ده كله لأن بتوع قطع الغيار عندهم كلمه واحده حاجات الكهرباء ما بترجعش يا بيه بدل ما تجيب موبينه و العيب حاجة تانى و تدفع على الأرض ما لا يقل عن 400 جنيه
حرااااااااااااااااااام
طيب ياباشا انا بحس بيرجرة فى العربية جامدة واحد فكلى الموبينا وقالى بايظة اعمل اية واروح لمين ممكن تقولى وعربيتك زى بيتاعتى يمكن يكون العيب اللى عندك هو اللى عندى واسف على التطويل
اوبل فيكترا 1995 - 2000 سى سى طيب بص يا باشا باراحة كده قللى اللى بيحصل و طول زى ما انت عايز و انا هاشوف
بص يا معلم بدور العربية عادى بلاقى رجرجة فى الدركسيون وفى الماتور كمان والعربية مش بتسحب حاسس انها مكتومة او متبرجلة بس اية الحل بقى
الموديل و تقاصيل اكثر دقه لو سمحت
هى فكترا 1600 اتوماتيك 2 كامة 2001 ايكوتيك طبعا glx بس
يعنى مجموعه مش موبينا و اسبراتير
طيب سؤال بالعقل كده و انت ترد عليه العربية بستم اتكسر او باظ تشتغل تلاته لغاية ما تروح
غالباً اللى عندك عملية تنضيف لأن لو الموبينا قطعت بتموت و تروح تدفنها مش تتحط على جهاز تنفس صناعى
خللى بنى ادم بيفهم يقك المشط و المجموعة و يرشهم و ينضفهم بفرشة سنان خشنة و ادعيلى
الف شكر ياباشا بس قولى اوديها فين بس انت عارف انى الموبينا بتاعتى اربع فرد صح
فكها نضفها و جرب الموبينة ما تقطعش كده و بالمرة نضف سلوك فيشة حساس الكرنك
طيب تعرف ميكانيكى كويس
انت مكانك فين يا باشا
انا فى الهرم بس اللى جانبى كلهم حرامية ووحشين اوىى
اهلاً فين فى الهرم انا فى العمرانية
انت فين فى العمرانية انا ساكن فى العمرانية الشرقية
وانت
الغربية و مكتبى فى خاتم المرسلين
تشرفنا يا باشا
طبعا كلام طنانى تمام 100 فى 100 غالبا ممكن يكون عملية تنظيف بس ممكن تروح لحد من الثنين يا وليد قلى فى السابع ودة كويس وحنين فى الفلوس وممكن عند صابر هو غالى شوية بس شاطر الثنين كويسين وربنا معاك
ربنا يكرم اصلك يا تامر باشا و يديم المعروف الراجل شكله مش عارف يسوق العربية عشان متلته عايزين حد فى الهرم او الجيزة و انا حالياً بعمل محاولة مع كهربائى اعرفه يجى يشوفها
طيب قولى ياباشا وليد فين بظبط
سلوك البوجيهات بالمرة اخبارها ايه عندك يا باشا
الميكانيكى قالى علطول العيب دا من الموبينة قالى بوجيهات لا
مين و فين الميكانيكى ده
دا فى فيصل
بس قولى انت طيب واحد متخصص فى الاوبل
سيبك من كلمة متخصص فى اوبل دى
فيه عالم فاكرين ان التوكيل يتعلم منهم و بهايم و يا مولاى كما خلقتنى
و مين فى فيصل انا معرفش غير م/ محسن و ده راجل استاذ و محترم
اهم حاجة الميكانيكى ذمته ما تبقاش واسعة و يراعى شغله
محسن دا المسيحى صح جانب هانى اوبل صح
ايوه اللى فى الحارة اللى جنبه فى الأخر
انا اعرف واحد برضة اسمه عم حسن و ده كان شغال فى توكيل اوبل بتاع مقار و حافظ عربيتى اكتر منى
بس العملية مش محتاجة عباقرة انت عندك المفروض فيه بوجية مفهوش كهرباء ياأما السلك يا البوجية يا مكانه يتنضف ناحية مشط الموبينة محدش يشتغلنا تانى خلاص يا باشا تعبنا منهم
ماشى ياباشا انا هاروح لواحد اقولو نضفلى مشط الموبينا والبوجيهات والسلك بتعاها صح كدة
بعد ما يجرب ايه السلك اللى مش مطلع كهرباء واحده واحده وقللى اللى حصل معاك
فى عند ام المصريين قدام بنك التنمية و الأئتمان الزراعى واحد اسمه الحاج / عبد الحليم روحله بعد 2 الضهر و اسأل على الأسطى / عيد قوله انا من طرف محمد الطنانى و بيقولك شوف العربية دى متلته ليه
هو شكله ما بيفهمش بس و الله استاذ و خليك معاه ما تمشيش و لو رذل عليك خلى الحاج يتصل بيا
ربنا يخليك ياباشا ماشى هخليى ينضفلى الحاجات اللى قولتلى عليها والف شكر ليك
و متخليش غير عيد اللى يشتغلك فى العربية و قله امرة ما استاذ محمد لسه مغير الفلترو لقى فرامل اليد مشدوده على الأخر
و ابقى طمنى يا باشا عشان انا ماشى دلوقتى
ماشى يا حبيبى ربنا يباركلك
اييييييييييييييييييييه ده
فى افراد من العصابة فى الهرم وانا معرفش
خياااااااااااااانة
كل واحد يبعتلى رقم تليفونه وعنوانه ورقم البطاقة فى اسرع وقت
هديلكم مهله يوم واحد بعد كده هبعت افراد العصابة تقبض عليكم حيا او مهرولا :C_laugh[1]:
انا سمعت عن هابى اوبل بس التانى ده لأ
ولا جربت ده ولا ده
لو حد جرب حد فيهم يقول عشان نجربه
او لو فى حد تانى فى الهرم كفاءة اكتر يقول عشان ناوى اغير الراجل بتاعى
يا محمد مختار باشا الهرم زاد شرف بيك انت منين بقى فى الهرم
الهرم - عريش
عرف موبيل اللى جنب مسرح الزعيم و الشبراوى لو حبيت تروح فى اى وقت خش و قول دى تبع محمد الطنانى المحاسب بتاعكم
يا باشا شوف اللى انت عايزة ايه و انا لو عايزنى اجيلك من العين دى قبل العين دى
خللى حسن بتاع الزوايا او عم حسين بتاع الزيت او الدكتور حسام مدير المحطة يكلمنى بس قلهم من طرفى و جرب