ترك السياره على الوضع N

**nabaster** · 13-02-2009 11:02 PM

المشاركة الأصلية كتبت بواسطة ahmed_su

مش كل موديلات العربيات

انا عربيتى ينفع وكمان بيبقى

فى زرار فى بعض انواع الفتيس

ممكن تحرك عصاية الفتيس الى وضع

بعد ما تجيبه على P وتطلع المفتاح

شكرا يا باشا علي المعلومه

**Ahmed Selim** · 13-02-2009 11:09 PM

مش كل العربيات ينفع تطلع المفتاح و هى على N أو P و برضه المفروض مترضاش تدور لو مش عليهم.

المهم الموضوع الأصلى أنا سمعت عنه حاجة بس مش متأكد منه.....أن حتى و أنت ماشى غلط أنك تجيب ال N فى منزل كوبرى مثلاً عشان الزيت ساعتها مش بيبقى بيوصل لكل أجزاء الفتيسو بالتالى بيأثر على الأجزاء المختلفة.......والله أعلم.

**Ahmed Hassan** · 14-02-2009 12:17 AM

المشاركة الأصلية كتبت بواسطة outosend

هو فعلا موضوع المنحدرات ده مكتوب عليه حاجه فى المانيوال بتاع العربيه انك ماتسبهاش تنزل وانت عامل N بس مش كاتبين حاجه على الباركينج

ده موضوع تاني... هيقولك متنزلش منحدرات و العربيه على N علشان العربيه متجريش منك و تستعمل الفرامل كتير... فالفرامل تسخن و تروح منك. لما بتكون حاطط العربيه على نقله الموتور بيساعد في الفرمله و يقلل استخدام الفرامل.

**Ahmed Selim** · 14-02-2009 12:48 AM

المشاركة الأصلية كتبت بواسطة Ahmed Hassan

لو غلط كان يبقى غلط بردو و العربيه واقفه. مظنش الكلام ده صح... و مقريتوش في اي كتالوج عربيه قبل كده...
في الغالب ده حد بيفتي.

ما هو عشان كده أنا كتبت أن اللى سمعته والعربية شغالة.....يعنى و هة مطفية برضه غلط........و برشه عشان مش متأكد قولت أنى مش متأكد........بس فى العموم الحركة دى ملهاش لازمة والعربية مطفية أو شغالة.

وهى بتتزق ممكن السايس يحكها ولا حاجة أو يلزقها فى اللى قدامها و دى بشوفها كتييييييييييير

**nabaster** · 14-02-2009 03:10 AM

المشاركة الأصلية كتبت بواسطة Ahmed A.Maksoud

ما هو عشان كده أنا كتبت أن اللى سمعته والعربية شغالة.....يعنى و هة مطفية برضه غلط........و برشه عشان مش متأكد قولت أنى مش متأكد........بس فى العموم الحركة دى ملهاش لازمة والعربية مطفية أو شغالة.

وهى بتتزق ممكن السايس يحكها ولا حاجة أو يلزقها فى اللى قدامها و دى بشوفها كتييييييييييير

الواحد والله معارف يسيب العربيه فين ولا يركنها فين من الناس الاغبيه دي

ربنا يرحمنا منهم

**nabaster** · 14-02-2009 06:35 PM

المشاركة الأصلية كتبت بواسطة kemks

عمليه شيل المفتاح علي p & N
دا علي اسلاس معدل الامان اللي في العربيه في عربيات الامان بتاعها علي الامريكي و دا مينفعش المفتاح يطلع الا و هوا علي P و لو طفيت العربيه و هيا علي N عمرها ما هتدور الا لو جبت الا P

و لحظت لو طفيت العربيه علي N و بعدين جبت P و شيلت المفتاح بيبقي في صعوبه في نقل الفتيس في المره اللي بعديها

و الموضوع دا عند ناس اصحابي كتير و شوفته علي النت

ثانيا الغلط في انك لما تنزل علي مطلع او حتي لما تقرب من الاشاره و هيا حمرا و تجيب علي N لغايه لما تقف

لما كنت بعمل كده وبركن العربيه ساعات اصلا الفتيس ميتحرك الا لما افتح الغطاء اللي جمب الفتيس من تحت و اجيب مفك و ادخله و احرك الفتيس و الموضوع دا جبته من المانويل بتاع العربيه

و لما معدش بعمل الحركه دي لقيت الفتيس الحمد لله معلقش بعد كده خالص

و لما سألت مهندس قالي ان N مفروض يبقي RPM يبقي علي الصفر بس لما العربيه بتبقي ماشيه RPM بيبقي عالي و دا بيأثر علي الكنترول بتاع الفتيس و من الاخر بيلخبطه و طبعا و هيا ماشيه انت ممكن تنقل علي D و اول لما العربيه تمشي هتشوف قرايات مختلفه RPM عالي وهيا لسه علي بدايه D

العربيه بتحس ان في حاجه غلط في الفتيس و بتأثر علي الكنترول

من الاخر متنقلش علي N الا لما العربيه تكون واقفه خالص
واما تركن متجبش من D علي P علي طول لازم تقف و بعدين N وبعدين P وبرضه متنقلش من R الي P الا لما تتأكد ان العربيه واقفه خالص

دا اللي بعمله دلوقتي بعد لما لفيت لفه في النت و جوا المانويل و الحمد لله من بعدها العربيه بقت مظبوطه بعد لما الفتيس كان بيهيس شويه

بالتوفيق يارب اكون عرفت اوصل المعلومه

تسلم يا باشا علي المعلومه وده الي قصدته في اول مشاركه ليه لما بقول مستغرب ان في حد بيعمل كده

وعموما انتا قمت بالواجب وزياده ووصلت المعلومه للي محتاجها

وشكرا مره تاني ياباشا

-

-

-

الموضوع: ترك السياره على الوضع N

LinkBack

أدوات الموضوع

عرض

-

-

-

-

-

-

المواضيع المتشابهه

مقارنه بين استهلاك بنزين السياره سعه 1600 وبين السياره سعه 1300 (اوتوماتيك)

الكلمات الدلالية لهذا الموضوع

المفضلات

المفضلات

ضوابط المشاركة